ഒബാമയ്ക്കൊപ്പം മല്ലിക ഷെരാവത്തിന്റെ സെല്ഫി വൈറലാകുന്നു
ദില്ലി: അമേരിക്കന് പ്രസിഡണ്ട് ബരാക് ഒബമായ്ക്കൊപ്പം ബോളിവുഡ് നടി മല്ലിക ഷെരാവത്തിന്റെ സെല്ഫി സോഷ്യല് മീഡിയയില് വൈറലാകുന്നു. ഫെബ്രുവരി 10 ബുധനാഴ്ചയാണ് ലോകത്തെ ഏറ്റവും ശക്തരായ രാഷ്ട്രീയ നേതാക്കളില് ഒരാളായ ഒബാമയ്ക്കൊപ്പമുള്ള സെല്ഫി മല്ലിക ഷെരാവത്ത് മൈക്രോ ബ്ലോഗിങ് സൈറ്റായ ട്വിറ്ററില് അപ്ലോഡ് ചെയ്തത്.
മല്ലികയുടെ വ്യത്യസ്തമായ ഈ സെല്ഫി മണിക്കൂറുകള്ക്കകം സോഷ്യല് മീഡിയയിലെ ചൂടന് ചര്ച്ചയും ആയി മാറി. അമേരിക്കന് സന്ദര്ശനത്തിലാണ് മല്ലിക ഷെരാവത്ത് ഇപ്പോള്. ഭാഗ്യം കൊണ്ടാണ് ഒബാമയെ കാണാനും ഒന്നിച്ച് ഫോട്ടോ എടുക്കാനും പറ്റിയത് എന്നാണ് താരം പറയുന്നത്. മല്ലിക ഷെരാവത്തിനൊപ്പം ഒബാമയും പുഞ്ചിരിച്ചുകൊണ്ട് നില്ക്കുന്ന ഫോട്ടോ ട്വിറ്ററില് ഒരുപാട് ആളുകളെ ആകര്ഷിച്ചു.
ഒന്നും വിട്ട് പറഞ്ഞില്ല
എപ്പോള് എവിടെ വെച്ചാണ് ഒബാമയെ താന് കണ്ടത് എന്ന കാര്യം മല്ലിക ഷെരാവത്ത് വിട്ടുപറഞ്ഞില്ല
മുന്പും കണ്ടിട്ടുണ്ട്
2011 ല് ലോസ് ആഞ്ചല്സില് വെച്ചും മല്ലിക ഷെരാവത്ത് ബരാക് ഒബാമയെ കണ്ടിട്ടുണ്ട്
ഡേര്ട്ടി പൊളിറ്റിക്സ്
29 കാരിയായ മല്ലിക ഷെരാവത്ത് ഇപ്പോള് സിനിമയില് അത്ര സജീവമല്ല. 2015 ല് പുറത്തിറങ്ങിയ ഡേര്ട്ടി പൊളിറ്റിക്സാണ് മല്ലികയുടെ അവസാനമായി ഇറങ്ങിയ ചിത്രം
ഇതിപ്പോ എത്രാമത്തേതാ
കഴിഞ്ഞ മാസവും മല്ലിക ഷെരാവത്ത് ഒബാമയ്ക്കൊപ്പമുള്ള സെല്ഫി ട്വിറ്ററില് പോസ്റ്റ് ചെയ്തിരുന്നു.