മിടൂ വെളിപ്പെടുത്തല്: നടിമാരെ സംരക്ഷിക്കാന് മൂന്നംഗ കമ്മറ്റി, തമിഴ് സിനിമാ രംഗത്ത് നിര്ണായക നീക്
Array
ചെന്നൈ: തമിഴ് സിനിമാ രംഗത്ത് മീടൂ വെളിപ്പെടുത്തല് സജീവമായതോടെ അന്വേഷണത്തിന് പാനലിനെ നിയോഗിക്കുമെന്ന് നടന് വിശാല്. മീടൂ വെളിപ്പെടുത്തലുകളുടെ പശ്ചാത്തലത്തില് ഇത് അന്വേഷിക്കുന്നതിനായി മൂന്നംഗ പാനലിനെ നിയോഗിക്കുമെന്നാണ് നടികര് സംഘം, ഫിലിം പ്രൊഡ്യൂസേഴ്സ് പ്രസിഡന്റുമായ വിശാല് അറിയിച്ചിട്ടുള്ളത്. തമിഴ് സിനിമാ രംഗത്തെ എല്ലാ സംഘടനകള്ക്കും വേണ്ടിയായിരിക്കും ഈ മൂന്നംഗ പാനലെന്നും വിശാല് വ്യക്തമാക്കി. ശനിയാഴ്ച മാധ്യമങ്ങളോടാണ് വിശാല് ഇക്കാര്യം വ്യക്തമാക്കിയത്.
കങ്കണയോട് ഞാൻ എന്നേ ക്ഷമിച്ചു; മീ ടുവിൽ കുടുങ്ങി ബോളിവുഡിന്റെ പെൺപുലി കങ്കണ റണൗട്ട്!!!
സിനിമാ വ്യവസായത്തില് ഐക്യം ഉറപ്പുവരുത്തുന്നതിനൊപ്പം സ്ത്രീകള് സുരക്ഷിതരാണെന്ന് ഉറപ്പുവരുത്തുകയും വേണമെന്നും നടന് കൂട്ടിച്ചേര്ത്തു. അതിനൊപ്പം സിനിമയിലെ നടിമാര്ക്കും ജൂനിയര്- സീനിയര് ആര്ട്ടിസ്റ്റുകള്ക്കും ഒപ്പമാണെന്ന് തെളിയിക്കുന്നതിനുള്ള ഒരു ഇടമാണ് ഇതെന്നും വിശാല് പറയുന്നു. ട്വീറ്റിലും വിശാല് തന്റെ നിലപാട് വ്യക്തമാക്കിയിരുന്നു.
തമിഴ് നടന് വൈരമുത്തുവിനെതിരെ ആരോപണമുന്നയിച്ച ഗായിക ചിന്മയിയെ പിന്തുണച്ച് നേരത്തെ വിശാല് രംഗത്തെത്തിയിരുന്നു. അതേസമയം ചിന്മയിയുടെ പരാതി ഉയര്ന്ന സാഹചര്യത്തില് വൈരമുത്തുവിനെ ബഹിഷ്കരിക്കുമോ എന്ന ചോദ്യത്തിന് ആരോപണം തെളിഞ്ഞാല് പ്രതികരിക്കാമെന്ന മറുപടിയാണ് വിശാല് നല്കിയത്.
മീടൂ ക്യാമ്പെയിനില് വെളിപ്പെടുത്തലുമായി രംഗത്തെത്തിയ തനുശ്രീ ദത്തയെയും ഗായിക ചിന്മയിയെയും ബഹുമാനിക്കുന്നു. സിനിമാ രംഗത്തെ സ്ത്രീകള്ക്ക് തുറന്ന് സംസാരിക്കാനുള്ള സമയമാണ് ഇപ്പോള്, ഞാന് അവര്ക്കൊപ്പം നില്ക്കും. ഇത്തരത്തിലുള്ള സംഭവത്തെക്കുറിച്ച് നേരത്തെ തുറന്ന് പറഞ്ഞ നടി അമലാ പോളിന് എല്ലാത്തരം പിന്തുണയും നല്കിയിരുന്നുവെന്നും വിശാല് ചൂണ്ടിക്കാണിക്കുന്നു. തനുശ്രീ ദത്ത നാനാ പടേക്കറിനെതിരെ നടത്തിയ ആരോപണങ്ങളും വൈരമുത്തുവിനെതിരെ ഗായിക ചിന്മയി നടത്തിയ ആരോപണങ്ങളും കഴിഞ്ഞ ദിവസങ്ങളില് വിവാദമായിരുന്നു.