Click it and Unblock the Notifications
Just In
Don't Miss
-
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ശശികല ജയില്‍ മോചിതയാകുന്നു; തമിഴ്‌നാട് രാഷ്ട്രീയത്തില്‍ ഇളക്കം, എടപ്പാടി പളനിസ്വാമിയുടെ പ്രതികരണം
ചെന്നൈ/ദില്ലി: ജയലളിതയുടെ തോഴി വികെ ശശികല ഉടന്‍ ജയില്‍ മോചിതയാകുമെന്ന് റിപ്പോര്‍ട്ട്. തമിഴ്‌നാട് നിയമസഭാ തിരഞ്ഞെടുപ്പിന് ഒരുങ്ങവെയാണ് ശശികലയുടെ വരവ്. തമിഴ്‌നാട് രാഷ്ട്രീയത്തില്‍ പ്രധാന ചര്‍ച്ചയായിരിക്കുകയാണ് ശശികല. അവര്‍ തിരിച്ചെത്തിയാല്‍ എന്ത് നിലപാട് സ്വീകരിക്കുമെന്നതാണ് ചര്‍ച്ചകള്‍. അനധികൃത സ്വത്ത് സമ്പാദന കേസില്‍ നാല് വര്‍ഷം തടവ് ശിക്ഷയാണ് ബെംഗളൂരു കോടതി ശശികലയ്ക്ക് വിധിച്ചത്. 2017 മുതല്‍ അവര്‍ പരപ്പന അഗ്രഹാര ജയിലിലാണ്.
ജയലളിതക്ക് ശേഷം അണ്ണാ ഡിഎംകെ അധ്യക്ഷ പദവി ശശികല ഏറ്റെടുത്തിരുന്നു. ആ സമയത്താണ് അവര്‍ക്ക് കോടതി ശിക്ഷ വിധിച്ചത്. തുടര്‍ന്ന് എടപ്പാടി പളനിസ്വാമിയെയും ഒ പന്നീര്‍ശെല്‍വത്തെയും ചുമതല ഏല്‍പ്പിച്ചാണ് ശശികല ബെംഗളൂരു ജയിലിലേക്ക് പോയത്. എന്നാല്‍ തൊട്ടുപിന്നാലെ രാഷ്ട്രീയം മാറി. ശശികലയെ അണ്ണാഡിഎംകെ പുറത്താക്കുകയായിരുന്നു. ഇപ്പോള്‍ എഐഎഡിഎംകെ എന്നാല്‍ മുഖ്യമന്ത്രി എടപ്പാടി പളനിസ്വാമിയും പനീര്‍ശെല്‍വവുമാണ്. ശശികല തിരിച്ചെത്തിയാല്‍ പാര്‍ട്ടിയില്‍ എടുക്കില്ലെന്ന് പളനിസ്വാമി പറഞ്ഞു.
എന്നാല്‍ ശശികലയുമായും ബന്ധു ടിടിവി ദിനകരനുമായും സഹകരിച്ചു പ്രവര്‍ത്തിക്കാന്‍ അണ്ണാ ഡിഎംകെയോട് സഖ്യകക്ഷിയായ ബിജെപി ആവശ്യപ്പെട്ടു എന്ന് വാര്‍ത്തകള്‍ വന്നിരുന്നു. തുടര്‍ന്നാണ് പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ തുടങ്ങിയവരെ കാണാന്‍ എടപ്പാടി പളനിസ്വാമി ദില്ലിയിലേക്ക് പോയത്. അവിടെ വച്ചാണ് ശശികലയെ പാര്‍ട്ടിയില്‍ എടുക്കില്ലെന്ന് പളനിസ്വാമി തീര്‍ത്തുപറഞ്ഞത്.
തമിഴ് രാഷ്ട്രീയത്തിലെ പ്രമുഖരായിരുന്ന ജയലളിതയും കരുണാനിധിയുമില്ലാത്ത ആദ്യ നിയമസഭാ തിരഞ്ഞെടുപ്പാണിത്. ഡിഎംകെയെ നയിക്കുന്നത് എംകെ സ്റ്റാലിനാണ്. അണ്ണാഡിഎംകെയെ പളനിസ്വാമി-പനീര്‍ശെല്‍വം എന്നിവര്‍ ചേര്‍ന്ന് നയിക്കുന്നു. ഈ സാഹചര്യത്തിലാണ് ശശികലയുടെ വരവ്. അവരോട് കൂറുള്ള ഒട്ടേറെ പേര്‍ ഇപ്പോഴും അണ്ണാ ഡിഎംകെയിലുണ്ട്. ശശികലയെ കൂടെ ചേര്‍ക്കാന്‍ ബിജെപി കരുനീക്കം നടത്തുന്നു എന്നാണ് റിപ്പോര്‍ട്ടുകള്‍. അതുകൊണ്ടുതന്നെ ശശികല സ്വീകരിക്കുന്ന രാഷ്ട്രീയ നിലപാട് തമിഴ്‌നാട്ടില്‍ നിര്‍ണായകമാകും.
