കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രണ്ടേ രണ്ട് ചപ്പാത്തിക്ക് വേണ്ടി വെയ്റ്ററെ വെടിവെച്ചുകൊന്നു!

Google Oneindia Malayalam News

മീററ്റ്: അധികമായി വാങ്ങിയ രണ്ട് ചപ്പാത്തിയുടെ ബില്ലുമായി ബന്ധപ്പെട്ട തര്‍ക്കത്തിനൊടുവില്‍ ഹോട്ടല്‍ വെയ്റ്ററെ വെടിവെച്ചു കൊന്നു. ഉത്തര്‍ പ്രദേശിലെ മീററ്റിലെ ഒരു ഹോട്ടലിലാണ് സംഭവം. ബേഗുമ്പുല്‍ റോഡിലുള്ള ലിബ്ര ഹോട്ടലിലെ വെയ്റ്ററായ രത്തന്‍ സിംഗാണ് കൊല്ലപ്പെട്ടത്. രത്തന്‍ സിംഗിനെ വെടിവെച്ച സംഘത്തില്‍ എട്ടുപേര്‍ ഉണ്ടായിരുന്നതായി ദൃക്‌സാക്ഷികള്‍ പറഞ്ഞു.

ബുധനാഴ്ച രാത്രി പത്ത് മണിയോടെയായിരുന്നു സംഭവം നടന്നത്. അധികമായി വാങ്ങിയ രണ്ട് ചപ്പാത്തിയുടെ ബില്‍ കൊടുക്കാന്‍ എട്ടംഗ സംഘം വിസമ്മതിച്ചതാണ് പ്രശ്‌നങ്ങളുടെ തുടക്കം. മുഴുവന്‍ ബില്ലും അടച്ചേ പറ്റൂ എന്ന് രത്തന്‍ സിംഗ് എട്ടംഗസംഘത്തോട് തീര്‍ത്തുപറഞ്ഞു. ഇത് പറഞ്ഞ് ഇരുകൂട്ടരും തര്‍ക്കമായി. തര്‍ക്കിനൊടുവില്‍ സംഘത്തിലൊരാള്‍ തോക്കെടുത്ത് വെയ്റ്ററെ വെടിവെക്കുകയായിരുന്നു.

uttar-pradesh

ഉത്തരാഖണ്ഡിലെ കുമോണ്‍ സ്വദേശിയാണ് 26 കാരനായ രത്തന്‍ സിംഗ്. കഴിഞ്ഞ എട്ടു വര്‍ഷമായി ഇയാള്‍ മീററ്റില്‍ താമസിച്ചുവരികയാണ്. എട്ടംഗസംഘം മദ്യപിച്ചിരുന്നു എന്നും സ്ഥലത്തുണ്ടായിരുന്നവര്‍ പറഞ്ഞു. രത്തന്‍ സിംഗിനെ വെടിവെച്ചതിന് പിന്നാലെ ആകാശത്തേക്ക് നിറയൊഴിച്ച് ഇവര്‍ സംഭവസ്ഥലത്തുണ്ടായിരുന്നവരെ ഭയപ്പെടുത്തുകയും ചെയ്തിരുന്നത്രെ.

ഹോട്ടലിലുണ്ടായിരുന്ന ചിലര്‍ സംഭവം വീഡിയോയില്‍ പിടിച്ചതായി സദര്‍ ബസാര്‍ പോലീസ് സ്‌റ്റേഷന്‍ ഓഫീസര്‍ ഗജേന്ദ്ര പാല്‍ സിംഗ് പറഞ്ഞു. വീഡിയോ ദൃശ്യങ്ങളില്‍ നിന്നും സംഘത്തിലെ മൂന്ന് പേരെ പോലീസ് തിരിച്ചറിഞ്ഞിട്ടുണ്ട്. പോസ്റ്റ് മോര്‍ട്ടത്തിന് ശേഷം രത്തന്‍ സിംഗിന്റെ മൃതദേഹം ബന്ധുക്കള്‍ക്ക് വിട്ടുകൊടുത്തു. അന്ത്യകര്‍മങ്ങള്‍ക്കായി മൃതദേഹം ഉത്തരാഖണ്ടിലേക്ക് കൊണ്ടുപോയി.

English summary
Waiter shot dead over payment for two chappatis in Meerut.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X