മോക്ക ചുഴലിക്കാറ്റ് ഉച്ചയോടെ തീരത്തേക്ക് അടുക്കും; ശക്തമായ കാറ്റിനും മഴയ്ക്കും സാധ്യത
തിരുവനന്തപുരം: മഇതിന്റെ ഫലമായി കേരളത്തില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നു. കേരളത്തില് ബുധനാഴ്ചയോടെ മഴ സജീവമാകും.
ബംഗാള് ഉള്ക്കടലില് കാറ്റിന്റെ വേഗത മണിക്കൂറില് 200 കിലോമീറ്റര് വരെയാകാമെന്നും ബംഗ്ലാദേശിലെ കോക്സ് ബസാര് തുറമുഖം, ചട്ടഗ്രാം, പൈറ തുറമുഖം എന്നിവിടങ്ങളില് ജാഗ്രതാ നിര്ദേശം നല്കിയിട്ടുണ്ടെന്നും കാലാവസ്ഥാ നിരീക്ഷകര് അറിയിച്ചു.
തീവ്രമായ ചുഴലിക്കാറ്റായ മോക്ക ചുഴലിക്കാറ്റ് തീരപ്രദേശങ്ങളില് വീശാന് തുടങ്ങിയിട്ടുണ്ട്, ഇരു രാജ്യങ്ങളിലെയും ആയിരക്കണക്കിന് ആളുകളോട് സുരക്ഷിത സ്ഥാനത്തേക്ക് മാറാന് അധികൃതര് നിര്ദ്ദേശം നല്കിയിട്ടുണ്ട്.
പശ്ചിമ ബംഗാളും വടക്ക് കിഴക്കന് സംസ്ഥാനങ്ങളും ജാഗ്രതയിലാണ്. ത്രിപുര, മിസോറാം, നാഗാലാന്ഡ്, മണിപ്പൂര് അസം സംസ്ഥാനങ്ങള്ക്ക് മഴ മുന്നറിയിപ്പ് നല്കിയിട്ടുണ്ട്. മത്സ്യ തൊഴിലാളികള് കടലില് പോകരുത്. പശ്ചിമ ബംഗാളില് എന്ഡിആര്എഫ് സംഘം ക്യാമ്പ് ചെയ്യുകയാണ്. തീരദേശ മേഖലകളില് സംഘം ബോധവല്ക്കരണം നടത്തി. ഏകദേശം രണ്ട് പതിറ്റാണ്ടിനിടെ ബംഗ്ലാദേശ് തീരത്ത് ആഞ്ഞടിക്കുമെന്ന് പ്രതീക്ഷിക്കുന്ന ഏറ്റവും ശക്തമായ ചുഴലിക്കാറ്റാണ് മോക്ക ചുഴലിക്കാറ്റ്.
അതേസമയം, അടുത്ത 3 മണിക്കൂറില് കേരളത്തിലെ മലപ്പുറം ജില്ലയില് ഒറ്റപ്പെട്ടയിടങ്ങളില് നേരിയ ഇടിമിന്നലോടു കൂടിയ ആയ മഴയ്ക്കും മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും, തിരുവനന്തപുരം, കൊല്ലം, ആലപ്പുഴ, കോട്ടയം എന്നീ ജില്ലകളില് നേരിയ മഴക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Click it and Unblock the Notifications
Sign in with Google