'കർണാടകയിലേക്ക് സ്വാഗതം...' ബിജെപി എംഎൽഎമാരെ കളിയാക്കി കർണാടക കോൺഗ്രസിന്റെ ട്വീറ്റ്,
Recommended Video
ബെംഗളൂരു: ദില്ലിയിലെ ആഢംബര ഹോട്ടലകളിലെ മൂന്ന് ദിവസത്തെ വാസത്തിന് ശേഷം കർമാടകയിലെ നൂറോളം ബിജെപി എംഎൽഎമാർ ബെംഗളൂരുവിലേക്ക് അടുത്ത ദിവസങ്ങലിൽ തിരിച്ചെത്താനിരിക്കെ, കർണാടകയിലേക്ക് തിരിച്ചെത്തുന്ന ബിജെപി എംഎൽഎമാരെ സ്വാഗതം ചെയ്ത് സംസ്ഥാന പ്രസിഡൻറ് ദിനേഷ് ഗുണ്ടു റാവു ട്വീറ്റ് ചെയ്തു.
കർണാടകയിൽ ഭരണം അട്ടിമറിക്കാനുള്ള ബിജെപിയുടെ 'ഓപ്പറേഷൻ താമര'യെ ചെറുക്കാൻ കോൺഗ്രസ് നടത്തിയ 'ഓപ്പറേഷൻ സേവ് കർണാടക' വിജയത്തിലെത്തിയതോടെയാണ് ബിജെപി എംഎൽഎമാർക്കെതിരെ പരിഹാസവുമായി കർണാടക പിസിസി രംഗത്തെത്തിയത്. നിരവധി കോണ്ഗ്രസ് എംഎല്എമാര് സ്ഥാനം രാജിവെക്കുമെന്നും ബിജെപി സര്ക്കാര് ഉണ്ടാക്കുമെന്നുമായിരുന്നു ബിജെപി അവകാശവാദം. പക്ഷെ ഈ ഓപ്പറേഷൻ താമരയെ തകര്ക്കാനുറച്ചു കോണ്ഗ്രസ് രംഗത്തിറങ്ങിയതോടെ കളി മാറി.
ബിജെപി റാഞ്ചിയ എംഎൽഎമാരിൽ രണ്ടു പേരെ കോൺഗ്രസ് നാടകീയമായി തിരിച്ചെത്തിച്ചെത്തിച്ചതോടെയാണ് നാടകീയ രംഗങ്ങൾക്ക് അവസാനമായത്. 16 പേരെയെങ്കിലും വല വീശി പിടിച്ചാൽ മാത്രമേ സര്ക്കാരിനെ വീഴ്ത്താൻ ബിജെപിക്ക് കഴിയൂ. ബിജെപിയുടെ നീക്കത്തിന് ബദലായി ബിജെപിയുടെ എംഎല്എമാരെ വലയിലാക്കാന് ശ്രമമൊന്നും നടത്തുന്നില്ലെന്ന് മുഖ്യമന്ത്രി കുമാര സ്വാമി പറഞ്ഞിരുന്നു.
We extend a hearty welcome to all Karnataka BJP MLAs who are returning home after an extended holiday at a luxury resort near Delhi. Now that they are sufficiently rejuvenated let us hope they will attend to the work of their constituencies which they have neglected for long.
— KPCC President (@KPCCPresident) January 17, 2019
എന്നാൽ ബിജെപി എംഎൽഎ മാരെ മുഴുവൻ നേരത്തെ തന്നെ മാറ്റിയിരുന്നു. മാറ്റിയ ബിജെപി എംഎൽഎമാർ തിരിച്ച് വരാനിരിക്കെയാണ് അവർക്കെതിരെ പരിഹാസവുമായി കോൺഗ്രസ് നേതൃത്വം രംഗത്തെത്തിയിരിക്കുന്നത്. ബിജെപി നേതാവ് ബിഎസ് യദ്യൂരപ്പ ബെംഗളൂരുവിലേക്ക് തിരിച്ചെത്തിയിരുന്നു. ഇത്രയും ദിവസം നടക്കാനിരിക്കുന്ന ലോക്സഭ തിരഞ്ഞെടുപ്പിനുള്ള തന്ത്രങ്ങൾ ആവിഷ്ക്കരിക്കുകയായിരുന്നെന്നാണ് യദ്യൂരപ്പയുടെ വാദം.
Click it and Unblock the Notifications
Sign in with Google