ബംഗാളില് വോട്ടെണ്ണലിന് മണിക്കൂറുകള്ക്ക് മുന്പ് റീപോളിംഗ് പ്രഖ്യാപിച്ച് തിരഞ്ഞെടുപ്പ് കമ്മീഷന്
കൊല്ക്കത്ത: വോട്ടെണ്ണലിന് മണിക്കൂറുകള് മാത്രം ശേഷിക്കെ പശ്ചിമ ബംഗാളില് വീണ്ടും റീപോളിംഗ്. ഏപ്രില് 29 ന് നടന്ന വോട്ടെടുപ്പില് ഗുരുതരമായ തിരഞ്ഞെടുപ്പ് കുറ്റകൃത്യങ്ങളും അട്ടിമറിക്കലും കണ്ടെത്തിയതിനെ തുടര്ന്ന് സംസ്ഥാനത്തെ ഫാല്റ്റ നിയമസഭാ മണ്ഡലത്തിലെ എല്ലാ പോളിംഗ് ബൂത്തുകളിലും റീപോളിംഗ് നടത്താന് തിരഞ്ഞെടുപ്പ് കമ്മീഷന് ഉത്തരവിട്ടിരിക്കുകയാണ്.
നിരവധി പോളിംഗ് സ്റ്റേഷനുകളില് ക്രമക്കേടുകള് റിപ്പോര്ട്ട് ചെയ്യപ്പെട്ടതായി തിരഞ്ഞെടുപ്പ് കമ്മീഷന് അറിയിച്ചു. അതിനാല് നേരത്തെ നടത്തിയ വോട്ടെടുപ്പ് റദ്ദാക്കാനും എല്ലാ ബൂത്തുകളിലും പുതിയ പോളിംഗ് നടത്താനും തിരഞ്ഞെടുപ്പ് കമ്മീഷന് തീരുമാനിച്ചു. ഓക്സിലറി ബൂത്തുകള് ഉള്പ്പെടെ മണ്ഡലത്തിലെ 285 പോളിംഗ് സ്റ്റേഷനുകളിലും പുതിയ വോട്ടെടുപ്പ് നടക്കുമെന്ന് കമ്മീഷന് അറിയിച്ചു.
പ്രഖ്യാപിച്ച ഷെഡ്യൂള് അനുസരിച്ച്, മെയ് 21 ന് രാവിലെ 7 നും വൈകുന്നേരം 6 നും ഇടയില് പുതിയ പോളിംഗ് നടക്കും. വോട്ടെണ്ണല് മെയ് 24 ന് നടക്കും. മെയ് 4 ന് വോട്ടെടുപ്പ് ഫലം പ്രഖ്യാപിച്ചതിന് ശേഷം ടിഎംസി സ്ഥാനാര്ത്ഥി ജഹാംഗീര് ഖാന്റെ അടുത്ത അനുയായിയായ പഞ്ചായത്ത് പ്രധാന് ഇസ്രാഫില് അക്രമവും തീവയ്പ്പും നടത്തുമെന്ന് ഭീഷണിപ്പെടുത്തിയെന്നാരോപിച്ച് സൗത്ത് 24 പര്ഗാനാസ് ജില്ലയിലെ മണ്ഡലത്തിലെ പ്രദേശവാസികള് വന് പ്രതിഷേധം നടത്തിയിരുന്നു.
ഇതിന് മണിക്കൂറുകള്ക്ക് ശേഷമാണ് പ്രഖ്യാപനം വന്നത്. വോട്ടെണ്ണലിനുശേഷം സുരക്ഷാ ക്രമീകരണങ്ങള് ആവശ്യപ്പെട്ട് നൂറുകണക്കിന് ഗ്രാമവാസികള് പ്രതിഷേധ പ്രകടനം നടത്തി. പ്രദേശത്ത് വീണ്ടും വോട്ടെടുപ്പ് നടത്തണമെന്ന് ആവശ്യപ്പെട്ടു. ബിജെപി പതാകകള് വഹിച്ചുകൊണ്ട് സ്ത്രീകള് ഉള്പ്പെടെ നിരവധി പ്രതിഷേധക്കാര് ഹാസിംനഗര് ഗ്രാമത്തില് റോഡ് ഉപരോധിച്ചു.
പ്രദേശത്ത് സംഘര്ഷാവസ്ഥ രൂക്ഷമായതോടെ കമ്മീഷന് അംഗങ്ങള് സ്ഥലത്തെത്തി മതിയായ സുരക്ഷാ നടപടികള് സ്വീകരിക്കുമെന്ന് താമസക്കാര്ക്ക് ഉറപ്പ് നല്കി. ക്രമക്കേട് കണ്ടെത്തിയ പോളിംഗ് സ്റ്റേഷനിലെ വോട്ടെടുപ്പ് അസാധുവായി പ്രഖ്യാപിച്ചതിനെത്തുടര്ന്ന്, റിട്ടേണിംഗ് ഓഫീസര്മാരും നിരീക്ഷകരും സമര്പ്പിച്ച റിപ്പോര്ട്ടുകളുടെ അടിസ്ഥാനത്തില്, ഡയമണ്ട് ഹാര്ബറിലെയും മഗ്രഹത്ത് പശ്ചിമിലെയും 15 പോളിംഗ് ബൂത്തുകളില് നേരത്തെ റീപോളിംഗ് നടത്തിയിരുന്നു.
പശ്ചിമ ബംഗാള് തിരഞ്ഞെടുപ്പിന്റെ രണ്ടാം ഘട്ടത്തില് ഇവിഎമ്മുമായി ബന്ധപ്പെട്ട ക്രമക്കേടുകള് ആരോപിച്ച് കുറഞ്ഞത് 77 പരാതികള് ലഭിച്ച സാഹചര്യത്തിലാണ് ഈ നടപടി. ചില പരാതികള് ബോധപൂര്വമായ കൃത്രിമത്വത്തിലേക്ക് വിരല് ചൂണ്ടുന്നതായി ഉദ്യോഗസ്ഥര് പറഞ്ഞു.
Click it and Unblock the Notifications
Sign in with Google