ബംഗാളില് എല്ലാം മാറി; ഗവര്ണര്ക്കെതിരെ ബിജെപി... നിയമസഭയിലും പുറത്തും പ്രതിഷേധം
ബംഗാളില് പതിവിന് വിരുദ്ധമായി ഗവര്ണര്ക്കെതിരെ ശക്തമായ പ്രതിഷേധം സംഘടിപ്പിക്കുകയാണ് ബിജെപി
കൊല്ക്കത്ത: പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങളില് ഗവര്ണര്മാര് ഭരണത്തില് ഇടപെടുന്നു എന്നാണ് അടുത്ത കാലത്തായി ഉയരുന്ന പരാതി. കേരളം, തമിഴ്നാട്, തെലങ്കാന എന്നീ സംസ്ഥാനങ്ങളിലെല്ലാം ഈ പരാതിയുണ്ട്. ഗവര്ണറും സര്ക്കാരും തമ്മിലുള്ള പോര് കോടതി കയറിയ സാഹചര്യവുമുണ്ടായി. പശ്ചിമ ബംഗാളില് മമത ബാനര്ജി സര്ക്കാരും ഗവര്ണറും തമ്മില് സമീപകാലം വരെ തര്ക്കം നിലനിന്നിരുന്നു.
ജഗദീപ് ധങ്കര് ഗവര്ണറായിരുന്ന കാലത്തായിരുന്നു തര്ക്കം ഏറെയും. അദ്ദേഹം ഉപരാഷ്ട്രപതിയായ ശേഷം ബംഗാളിന്റെ പുതിയ ഗവര്ണര് സിവി ആനന്ദബോസ് ആണ്. മലയാളിയായ ഇദ്ദേഹം ഗവര്ണറായി വന്നതോടെ ബംഗാളിലെ ചിത്രം മൊത്തം മാറി. ബിജെപി നേതൃത്വം ഗവര്ണര്ക്കെതിരേ പ്രതിഷേധം തുടങ്ങി. ഇന്ന് ബജറ്റ് സമ്മേളനത്തിന്റെ തുടക്കത്തില് ഗവര്ണര് നയപ്രഖ്യാപനം നടത്തുന്ന വേളയില് ബിജെപി അംഗങ്ങള് ബഹളം വച്ചു. മുദ്രാവാക്യം വിളിച്ച് ഇറങ്ങിപ്പോയി. ഗവര്ണര് പ്രസംഗം തുടര്ന്നു.
പ്രസംഗത്തില് മമത സര്ക്കാര് നടപ്പാക്കിയ പദ്ധതികള് ഗവര്ണര് എടുത്തു പറഞ്ഞു. ഗ്രാമീണ തൊഴിലുറപ്പ് പദ്ധതിയില് ഉള്പ്പെടെ കേന്ദ്ര സര്ക്കാരിന്റെ സഹായങ്ങള് കൂടുതല് പ്രതീക്ഷിക്കുന്നു എന്നും പരാമര്ശമുണ്ട്. സര്ക്കാര് എഴുതികൊടുത്ത നയപ്രഖ്യാപന പ്രസംഗത്തില് ഒരു ഇടപെടലും ഗവര്ണര് നടത്തിയില്ല എന്ന് ചുരുക്കം. ഇതാണ് ബിജെപിയുടെ പ്രതിഷേധത്തിന് കാരണം.
പ്രസംഗത്തിന് ശേഷം മടങ്ങവെ ഗവര്ണറുടെ കാറിന് അടുത്തും ബിജെപി അംഗങ്ങളുടെ പ്രതിഷേധം തുടര്ന്നു. അതേസമയം, പതിവിന് വിരുദ്ധമായി ഗവര്ണറെ പിന്തുണച്ചാണ് തൃണമൂല് കോണ്ഗ്രസ് അംഗങ്ങള് പ്രതികരിച്ചത്. പ്രസംഗത്തിനിടെ അവര് മേശപ്പുറത്ത് അടിച്ച് ഗവര്ണര്ക്ക് പിന്തുണ അറിയിക്കുകയും ചെയ്തു.
കഴിഞ്ഞ ദിവസം മുഖ്യമന്ത്രി മമത ബാനര്ജിയെ ഗവര്ണര് പരസ്യമായി പുകഴ്ത്തി പറഞ്ഞതും ബിജെപിക്ക് പിടിച്ചിട്ടില്ല. ബംഗാളില് ഗവര്ണറും തൃണമൂലും കൈകോര്ക്കുന്ന കാഴ്ചയാണിപ്പോള്. എന്നാല് ബിജെപി കടുത്ത പ്രതിഷേധത്തിന് തുടക്കമിടുകയും ചെയ്യുന്നു. ബിജെപി അംഗമായ ഗവര്ണര്ക്കെതിരെ ബിജെപി നേതാക്കള് തന്നെ പ്രതിഷേധിക്കുന്നതാണ് ബംഗാളിലെ കാഴ്ച.
-
കാത്തിരുന്ന രാജയോഗം വന്നെത്തി... ഇനി പ്രശ്നങ്ങള്ക്കെല്ലാം വിട; ആഗ്രഹിക്കുന്നതെന്തും നടക്കും -
അഹാന എനിക്ക് മെസേജ് ഇട്ടു, വിവാഹം കഴിക്കാൻ പോകുന്നുവെന്ന്; നിമിഷ് രവിയെ കുറിച്ച് തുറന്ന് പറഞ്ഞ് കൃഷ്ണകുമാർ -
ചൊവ്വ മാറിയാൽ ജീവിതവും മാറും; ഈ രാശിക്കാരുടെ പ്രണയം പൂവണിയും, പുതിയ ജോലി തേടിയെത്തും..! -
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
''ടേബിളിലിരുന്ന പാത്രം മമ്മൂക്ക എന്റെ നേരേ നീട്ടി, വിറയാർന്ന കൈകളാൽ അത് വാങ്ങി, അത് അപൂർവ്വ സുന്ദര നിമിഷം'' -
'മൊണാലിസയെ 35 കഷണങ്ങളാക്കും'; വിവാഹത്തിൽ വിദ്വേഷ പ്രസ്താവനയുമായി സാധ്വി പ്രാചി -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
അമേരിക്കക്ക് കനത്ത തിരിച്ചടി; ഇറാഖിൽ യുഎസ് ടാങ്കർ വിമാനം തകർന്ന് വീണു
Click it and Unblock the Notifications
Sign in with Google