കളിത്തോക്കാണെന്ന് കരുതി മകൾ അമ്മയ്ക്ക് നേരെ വെടിയുതിർത്തു! മകളുടെ കൺമുന്നിൽ അമ്മ പിടഞ്ഞുവീണു...
ഹൂഗ്ലിയിലെ ആരംബാഗിൽ താമസിക്കുന്ന കകോലി ജാന എന്ന പെൺകുട്ടിയാണ് അമ്മയ്ക്ക് നേരെ അബദ്ധത്തിൽ വെടിയുതിർത്തത്.
കൊൽക്കത്ത: കളിത്തോക്കാണെന്ന് കരുതി യഥാർഥ തോക്കിൽ നിന്നും മകൾ അമ്മയ്ക്ക് നേരെ വെടിയുതിർത്തു. വെടിയേറ്റ അമ്മ ഗുരുതരാവസ്ഥയിൽ ആശുപത്രിയിൽ. പശ്ചിമബംഗാളിലെ ഹൂഗ്ലി ജില്ലയിലാണ് ദാരുണമായ സംഭവം.
ഹൂഗ്ലിയിലെ ആരംബാഗിൽ താമസിക്കുന്ന കകോലി ജാന എന്ന പെൺകുട്ടിയാണ് അമ്മയ്ക്ക് നേരെ അബദ്ധത്തിൽ വെടിയുതിർത്തത്. വീട്ടിലെ പൂന്തോട്ടത്തിൽ നിന്നും കണ്ടുകിട്ടിയ തോക്ക് കളിത്തോക്കാണെന്ന് കരുതിയായിരുന്നു പെൺകുട്ടി വെടിയുതിർത്തത്. എന്നാൽ നിറത്തോക്കിൽ നിന്നും വെടിയേറ്റ കകോലിയുടെ മാതാവ് മകളുടെ കൺമുന്നിൽ പിടഞ്ഞുവീണു. വെടിയേറ്റ് ഗുരുതരമായി പരിക്കേറ്റ ഇവരെ ഉടൻതന്നെ ആശുപത്രിയിൽ പ്രവേശിപ്പിച്ചെങ്കിലും അപകടനില തരണം ചെയ്തിട്ടില്ലെന്നാണ് റിപ്പോർട്ട്.
പൂന്തോട്ടത്തിൽ...
ഞായറാഴ്ച രാവിലെയാണ് ഹൂഗ്ലിയിൽ ഏവരെയും ഞെട്ടിച്ച സംഭവമുണ്ടായത്. വീട്ടിലെ പൂന്തോട്ടത്തിൽ കളിക്കുന്നതിനിടെയാണ് നിലത്തുകിടക്കുന്ന തോക്ക് കകോലിയുടെ ശ്രദ്ധയിൽപ്പെടുന്നത്. തോക്ക് കൈയിലെടുത്ത കകോലി കളിത്തോക്കാണെന്ന് കരുതി ഇതുപയോഗിച്ച് കളിക്കാനും തുടങ്ങി.
വെടിവെച്ചു...
തോക്ക് ഉപയോഗിച്ച് കളിക്കുന്നതിനിടെയാണ് കകോലി അമ്മയ്ക്ക് നേരെ അബദ്ധത്തിൽ വെടിയുതിർത്തത്. വെടിയേറ്റ മാതാവ് കൺമുന്നിൽ പിടഞ്ഞുവീണതോടെയാണ് തന്റെ കൈയിലുള്ളത് യഥാർഥ തോക്കാണെന്ന് കകോലിയ്ക്കും മനസിലായത്. പിൻഭാഗത്ത് വെടിയേറ്റ സ്ത്രീയുടെ ആരോഗ്യനില അതീവഗുരുതരമാണെന്നാണ് മെഡിക്കൽ റിപ്പോർട്ട്.
എവിടെ നിന്ന്...
അമ്മയ്ക്ക് നേരെ വെടിയുതിർത്ത മകളെ ഉടൻതന്നെ പോലീസ് കസ്റ്റഡിയിൽ എടുത്തിരുന്നു. തുടർന്ന് പെണ്കുട്ടിയെ മണിക്കൂറുകളോളം വിശദമായി ചോദ്യം ചെയ്തു. പൂന്തോട്ടത്തിൽ നിന്ന് കിട്ടിയത് കളിത്തോക്കാണെന്ന് കരുതിയാണ് താൻ വെടിയുതിർത്തതെന്നായിരുന്നു പെൺകുട്ടിയുടെ മൊഴി. എന്നാൽ ഈ മൊഴി പോലീസ് സംഘം പൂർണ്ണമായും വിശ്വാസത്തിലെടുത്തിട്ടില്ല.
വെടിയേറ്റു...
തോക്കുമായി കളിക്കുന്നതിനിടെ അബദ്ധത്തിൽ വെടിയുതിർത്തെന്നും, മുറിയിൽ ഇരിക്കുകയായിരുന്ന അമ്മയുടെ പിൻഭാഗത്ത് വെടിയേറ്റെന്നും അമ്മ പിടഞ്ഞുവീണെന്നുമാണ് പെൺകുട്ടി നൽകിയ മൊഴി. അതേസമയം, എങ്ങനെയാണ് യഥാർഥ തോക്ക് പൂന്തോട്ടത്തിൽ വന്നതെന്നാണ് പോലീസിന്റെ സംശയം. പെൺകുട്ടിയുടെ വീട്ടുകാർ ഉപയോഗിച്ചിരുന്ന തോക്കാണോ ഇതെന്നും പോലീസിന് സംശയമുണ്ട്. ഇതുസംബന്ധിച്ച് വിശദമായ അന്വേഷണം നടന്നുവരികയാണ്.