• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അമിതാഭ് ബച്ചന് ക്രിക്കറ്റ് താരം ക്രിസ് ഗെയ്‌ലിന്റെ വിശിഷ്ടമായ ഒരു സമ്മാനം

  • By Anwar Sadath

മുംബൈ: ഇന്ത്യന്‍ സിനിമയിലെ ബിഗ് ബി ആയ അമിതാഭ് ബച്ചന് വെടിക്കെട്ട് ബാറ്റ്‌സ്മാന്‍ ക്രിസ് ഗെയ്‌ലിന്റെ അപൂര്‍വ സമ്മാനം. ഗെയ്ല്‍ തന്നെ കയ്യൊപ്പിട്ട സ്വന്തം ബാറ്റാണ് ബിഗ് ബിക്ക് സമ്മാനമായി എത്തിയത്. ക്രിക്കറ്റ് ലോകത്ത് തനിക്ക് ഇങ്ങനെയൊരു ആരാധകനുള്ളകാര്യം അറിയാതെ പോയ ബച്ചന്‍ അപ്രതീക്ഷിതമായ സമ്മാനത്തില്‍ ശരിക്കും ഞെട്ടി.

ബിഗ് ബിയുടെ സിനിമകളുടെ ഇഷ്ടക്കാരനാണ് ക്രിസ് ഗെയ്ല്‍. അക്കാര്യം വ്യക്തമാക്കി ട്വീറ്റും ചെയ്തു. അമിതാഭ് ബച്ചന്റെ അഭിനയവും അദ്ദേഹത്തിന്റെ സ്റ്റൈലും തനിക്ക് ഏറെ ഇഷ്ടമാണ്. അതുകൊണ്ടുതന്നെ തന്റെ ബാറ്റ് സമ്മാനമായി കൊടുക്കുന്നതില്‍ ഏറെ അഭിമാനമുണ്ടെന്നുകാട്ടിയാണ് ഗെയ്‌ലിന്റെ ട്വീറ്റ്.

ഗെയിലിന്റെ അപ്രതീക്ഷിതമായ ട്വീറ്റില്‍ ബച്ചനും നന്ദി രേഖപ്പെടുത്തി. എന്റെ സിനിമകള്‍ കാണാറുണ്ടെന്നും എന്നെ അറിയുമെന്നുമുള്ള കാര്യം അറിഞ്ഞിരുന്നില്ല. അനുഗ്രഹീതനായി. ഞങ്ങള്‍ എല്ലാവരും താങ്കളുടെ ആരാധകരാണെന്നും അമിതാഭ് ബച്ചന്‍ ട്വീറ്റിലൂടെ പറഞ്ഞു. ഐപിഎല്‍ ക്രിക്കറ്റ് മത്സരങ്ങള്‍ക്കായി ഇന്ത്യയില്‍ തങ്ങുമ്പോഴാണ് ഗെയ്ല്‍ ബോളിവുഡ് സിനിമകളുടെ ആരാധകനായി മാറിയത്.

അമിതാഭ് ബച്ചന്‍ മാത്രമല്ല ബോളിവുഡിലെ വലിയൊരു താരനിര ക്രിസ് ഗെയ്‌ലിന്റെ സുഹൃത്തുക്കളായുണ്ട്. ഓസ്‌ട്രേലിയയില്‍ നടന്ന ബിഗ്ബാഷ് ടൂര്‍ണമെന്റിനിടെ ചാനല്‍ അവതാരകയോടെ അശ്ലീല രീതിയില്‍ പ്രതികരിച്ചതിനെ തുടര്‍ന്ന് ഗെയ്ല്‍ വിവാദത്തിലായിരുന്നു.

English summary
West Indies cricketer Chris Gayle gifts his bat to Amitabh Bachchan
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X