എന്താണ് ഡെൽറ്റ പ്ലസ് വകഭേദം? കോവിഡ് വ്യാപനത്തിന്റെ മൂന്നാം തരംഗത്തിന് അത് വഴിയൊരുക്കുന്നത് എങ്ങനെ?

ലോകത്ത് തന്നെ ആകെ റിപ്പോർട്ട് ചെയ്ത 200 ഓളം കേസുകളിൽ 30 ഇന്ത്യയിലാണെന്നതാണ് ആശങ്ക വർധിപ്പിക്കുന്നത്

Updated: Tuesday, June 22, 2021, 21:08 [IST]

ന്യൂഡൽഹി: കോവിഡ് വ്യാപനത്തിന്റെ രണ്ടാം തരംഗത്തിൽ നിന്ന് രാജ്യം മുക്തി നേടുന്നതിനിടയിലാണ് ആശങ്ക വർധിപ്പിച്ച് ഡെൽറ്റ പ്ലസ് വകഭേദത്തിന്റെ സാനിധ്യം ഇന്ത്യയിൽ റിപ്പോർട്ട് ചെയ്യുന്നത്. അത്യധികം അപകടകാരിയായ ഈ വൈറസിന്റെ സാനിധ്യം കോവിഡ് മൂന്നാം തരംഗത്തിന്റെ സൂചനകളിലേക്കാണ് വിരൽ ചൂണ്ടുന്നത്. കേരളം, കർണാടക, മധ്യപ്രദേശ് എന്നീ സംസ്ഥാനങ്ങളിലാണ് പുതിയ വകഭേദം റിപ്പോർട്ട് ചെയ്തിരിക്കുന്നത്. ലോകത്ത് തന്നെ ആകെ റിപ്പോർട്ട് ചെയ്ത 200 ഓളം കേസുകളിൽ 30 ഇന്ത്യയിലാണെന്നതാണ് ആശങ്ക വർധിപ്പിക്കുന്നത്.

കേരളത്തിൽ കോവിഡിന്റെ പുതിയ വകഭേദമായ ഡെൽറ്റ പ്ലസ് പാലക്കാട് ജില്ലയിൽ 2 പേർക്കും പത്തനംതിട്ട ജില്ലയിൽ ഒരാൾക്കും സ്ഥിരീകരിച്ചു. പത്തനംതിട്ടയിലെ കടപ്രയിൽ മേയ് 24നാണു നാലുവയസ്സുള്ള കുട്ടി പോസിറ്റീവായത്. ഇപ്പോൾ നെഗറ്റീവാണ്. പാലക്കാട്ടുനിന്നും കഴിഞ്ഞമാസം അയച്ച സാംപിളുകളിലാണു ഡെൽറ്റ പ്ലസ് വകഭേദം കണ്ടെത്തിയത്. ഡൽഹിയിൽ നടത്തിയ ജനിതക പഠനത്തിലൂടെയാണ് ഇപ്പോഴിതു സ്ഥിരീകരിച്ചത്.

ഡെൽറ്റ പ്ലസ് എന്ന് ഇപ്പോൾ വിശേഷിപ്പിക്കുന്ന ജനിതകമാറ്റത്തിന് കെ417എൻ എന്നാണു ഗവേഷകർ നൽകിയ പേര്. ശരീരത്തിന്റെ പ്രതിരോധ സംവിധാനത്തെ മറികടക്കാനും ആന്റിബോഡി കോക്ടെയിലുകളെ ചെറുക്കാനും ശേഷിയുള്ളതാണിത്. എന്നാൽ വാക്സീൻ എടുത്തവരെ വളരെ ചെറിയ തോതിൽ മാത്രമേ ബാധിക്കുന്നുള്ളൂ. വാക്സീൻ ശേഷിയെ അതിജീവിച്ചതിന് തെളിവില്ല.

ഏറ്റവും പുതിയ വേരിയൻറ് ഇപ്പോഴും പഠിച്ചുകൊണ്ടിരിക്കുകയാണ്, കോവിഡ് -19 ഉം ഡെൽറ്റ പ്ലസ് മ്യൂട്ടന്റും മൂലമുണ്ടാകുന്ന ലക്ഷണങ്ങൾ തമ്മിലുള്ള പ്രധാന വ്യത്യാസങ്ങൾ കണ്ടെത്താൻ ശാസ്ത്രജ്ഞർ ശ്രമിക്കുന്നു. പ്രാഥമിക പഠനങ്ങൾ സാധാരണ വരണ്ട ചുമ, പനി, ക്ഷീണം, വേദന, വേദന എന്നിവ കൂടാതെ ചർമ്മത്തിലെ തിണർപ്പ്, കാൽവിരലുകൾ, വിരലുകൾ എന്നിവയുടെ നിറം മാറൽ, തൊണ്ടവേദന, കൺജക്റ്റിവിറ്റിസ്, രുചി നഷ്ടം, വാസന നഷ്ടം, വയറിളക്കം, തലവേദന, നെഞ്ചുവേദന, ശ്വാസോച്ഛ്വാസം , ശ്വാസതടസ്സം, സംസാരക്കുറവ്, ഡെൽറ്റ പ്ലസ് രോഗികൾ വയറുവേദന, ഓക്കാനം, വിശപ്പ് കുറവ്, ഛർദ്ദി, സന്ധി വേദന, കേൾവിക്കുറവ് തുടങ്ങിയവയും പ്രകടിപ്പിച്ചു.

കൊവിഡ് കേസുകള്‍ ഉയരുമ്പോഴും സാമൂഹിക അകലം പാലിക്കാതെ മാര്‍ക്കറ്റുകള്‍; ദില്ലി ഓക്ല മാര്‍ക്കറ്റില്‍ നിന്നുള്ള ചിത്രങ്ങള്‍

ഡെൽറ്റ പ്ലസിലൂടെ മൂന്നാം തരംഗം എന്നു പറയാവുന്ന സ്ഥിതിയായിട്ടില്ല. ഡെൽറ്റ കഴിഞ്ഞ വർഷം ജൂൺ ജൂലൈ മുതൽ മഹാരാഷ്ട്രയിൽ കാണുന്നതാണ്. കെ417എൻ എന്നത് ഡെൽറ്റയിൽ മാത്രമല്ല, മുൻപുണ്ടായ വകഭേദത്തിലും കണ്ടിട്ടുള്ളതാണ്. പല സ്ഥലത്തും സ്വതന്ത്രമായി വൈറസിൽ സംഭവിച്ചിട്ടുള്ള മാറ്റത്തിലൂടെ കെ417എൻ വകഭേദം രൂപപ്പെടുന്നുണ്ട്. ഡെൽറ്റയിൽ സംഭവിച്ചപ്പോൾ അതിനെ ഡെൽറ്റ പ്ലസ് എന്നു വിളിച്ചു.

ഹോട്ട് ലുക്കിൽ യാഷിക ആനന്ദ്; ബിഗ് ബോസ് താരത്തിന്റെ ഫൊട്ടോസ് ഏറ്റെടുത്ത് ആരാധകർ