'വാട്ട് ഈസ് സെക്ഷന് 377' ഏറ്റവും കൂടുതല് തിരഞ്ഞത്... ഗൂഗ്ളിന്റെ ഇയര് ഇന് സെര്ച്ച് 2018
ദില്ലി: ഓരോ വര്ഷവും ശതകോടി തിരയലുകളാണ് ഗൂഗ്ളിലുണ്ടാകുന്നത്. ലോകത്തിന്റെ നാനാ ഭാഗങ്ങളിലുള്ളവര്ക്കും ഏറ്റവും വലിയ വിവര ശേഖരമാണ് ഗൂഗ്ള് ഒരുക്കിയിട്ടുള്ളത്. ഏറ്റവും കൂടുതല് തിരഞ്ഞ വാക്കുകള് ഗൂഗ്ള് വര്ഷാവസാനം പുറത്തുവിടാറുണ്ട്. ഓരോ ഗണത്തിലും തിരഞ്ഞ വാക്കുകള് പ്രത്യേകം എടുത്തുപറയാറുമുണ്ട്.
രസകരമെന്ന് പറയട്ടെ, ഈ വര്ഷം ഗൂഗ്ളില് ഏറ്റവും തിരഞ്ഞ വാക്ക് വാട്ട് ഈസ് സെക്ഷന് 377 എന്നതാണ്. വാട്ട് ഈസ് എന്ന കാറ്റഗറിയിലാണ് ഈ വിഷയം കൂടുതല് തിരഞ്ഞതെന്ന് ഗൂഗ്ള് വ്യക്തമാക്കുന്നു. ഇന്ത്യയില് സ്വവര്ഗരതി ഏറെ ചര്ച്ച ചെയ്യപ്പെട്ട വേളയിലാണ് ഗൂഗ്ളില് ഈ വാക്ക് ജനം തിരഞ്ഞത്.
ലൈംഗികതയുമായി ബന്ധപ്പെട്ട വകുപ്പാണ് സെക്ഷന് 377. പ്രകൃതി വിരുദ്ധ പീഡനം, ലൈംഗികാക്രമണം എന്നിവയെല്ലാം ഈ വകുപ്പിലാണ് വരിക. പ്രകൃതി വിരുദ്ധമായ ഭോഗം കുറ്റകരമാക്കുന്ന നിയമമാണിത്. പ്രത്യുല്പാദനം നടക്കാത്ത തരത്തിലുള്ള ലൈംഗിക പ്രവര്ത്തനമാണിതെന്ന് നിയമവിദഗ്ധര് വിശദീകരിക്കുന്നു.
ഖത്തര് രക്ഷപ്പെട്ടു; തക്ക സമയം അമീറിന്റെ ഉചിതമായ തീരുമാനം!! ഒപെകിനെ കൈവിട്ടത് ആശ്വാസം
ഈ വര്ഷം സപ്തംബറിലാണ് സെക്ഷന് 377 ഗൂഗ്ളില് ഏറ്റവും കൂടുതല് തിരഞ്ഞത്. സുപ്രീംകോടതി ചീഫ് ജസ്റ്റിസ് ദീപക് മിശ്ര അധ്യക്ഷനായ അഞ്ചംഗ ഭരണഘടനാ ബെഞ്ച് സപ്തംബറിലാണ് ഈ നിയമത്തിന്റെ സാധുത സംബന്ധിച്ച വിധി പറഞ്ഞത്. സ്വവര്ഗ രതി നിയമവിധേയമാക്കുകയായിരുന്നു കോടതി. ദശാബ്ദങ്ങളോളം കുറ്റകരമായിരുന്നു സ്വവര്ഗരതി. സുപ്രീംകോടതി വിധിയെ അനുകൂലിച്ചും വിമര്ശിച്ചും വിവിധ കോണുകളില് നിന്ന് പ്രതികരണം ഉയര്ന്നു.