Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഒരുലക്ഷം വോട്ടിന് എട്ടുനിലയില്‍ പൊട്ടിയ ജെയ്റ്റിലിക്ക് എന്തു മാനമാണുള്ളതെന്ന് കെജ്രിവാള്‍
ദില്ലി: മുഖ്യമന്ത്രി അരവിന്ദ് കെജ്രിവാളിനെതിരെ മാനനഷ്ടക്കേസ് കൊടുത്ത കേന്ദ്ര ധനകാര്യവകുപ്പ് മന്ത്രി അരുണ്‍ ജെയ്റ്റ്‌ലിക്കെതിരെ വീണ്ടും വിമര്‍ശനവുമായി കെജ്രിവാളെത്തി. കെജ്രിവാള്‍ തനിക്കും തന്റെ കുടുംബത്തിനുമെതിരെ അപവാദ പ്രചരണങ്ങള്‍ നടത്തി മാനക്കേടുണ്ടാക്കിയെന്ന് ജെയ്റ്റ്‌ലി കഴിഞ്ഞ ദിവസം പറയുകയുണ്ടായി. എന്നാല്‍, എന്തു മാനമാണു ജെയ്റ്റ്‌ലിക്ക് ബാക്കിയുള്ളതെന്നാണ് കെജ്രിവാള്‍ ചോദിക്കുന്നത്.
ലോക്‌സഭ തിരഞ്ഞെടുപ്പില്‍ ഒരുലക്ഷം വോട്ടിന് എട്ടുനിലയില്‍ പൊട്ടിയ ജെയ്റ്റിലിക്ക് എന്തു മാനമാണ് സംരക്ഷിക്കാനുള്ളതെന്ന് കെജ്രിവാള്‍ ചോദിക്കുന്നു. പൊതുസമൂഹത്തില്‍ മാന്യനാണ് താനെന്ന് ജെയ്റ്റ്‌ലി സ്വയം വിശ്വസിക്കുന്നു. അത്തരം പ്രസ്താവനകള്‍ ചപലമാണെന്നും കെജ്രിവാള്‍ ആഞ്ഞടിച്ചു.
കഴിഞ്ഞ ലോക്‌സഭാ തിരഞ്ഞെടുപ്പില്‍ അമൃത്സര്‍ മണ്ഡലത്തില്‍ നിന്ന് മത്സരിച്ച ജെയ്റ്റ്‌ലി നാണംകെടുകയാണുണ്ടായത്. ഒരു ലക്ഷത്തിലധികം വോട്ടുകള്‍ക്കാണ് ജെയ്റ്റ്‌ലി അന്ന് തോറ്റതെന്നും കെജ്രിവാള്‍ എടുത്തു പറയുകയുണ്ടായി. ബഹുമാന്യ വ്യക്തിത്വമാണെന്ന ജെയ്റ്റ്‌ലിയുടെ അവകാശവാദം ഇന്ത്യന്‍ ജനാധിപത്യം അംഗീകരിച്ചിട്ടില്ലെന്ന് ജെയ്റ്റ്‌ലി മനസിലാക്കേണ്ടിയിരിക്കുന്നുവെന്നും അദ്ദേഹം പറയുന്നു.
അരവിന്ദ് കെജ്രിവാളിനെതിരെ കഴിഞ്ഞ ദിവസമാണ് ജെയ്റ്റ്‌ലി മാനനഷ്ടത്തിന് കേസ് കൊടുത്തത്. പത്തു കോടി രൂപയുടെ മാനനഷ്ടമാണ് ആവശ്യപ്പെട്ടത്. ആംആദ്മി പാര്‍ട്ടി നേതാക്കളായ അശുതോഷ്, കുമാര്‍ വിശ്വാസ്, സഞ്ജയ് സിംഗ്, രാഘവ് ഛദ്ദ തുടങ്ങിയവര്‍ക്കെതിരെയും അരുണ്‍ ജെയ്റ്റ്‌ലി പരാതി നല്‍കിയിട്ടുണ്ട്.
