ഇനി ആരും ക്ഷണിക്കണ്ട... വാട്സ് ആപ്പ് വോയ്സ് കോള് എല്ലാവര്ക്കും
സാന്ഫ്രാന്സിസ്കോ: വാട്സ് ആപ്പ് വോയ്സ് കോള് തുടങ്ങാന് കാത്തിരിക്കുകയായിരുന്നു സ്മാര്ട്ട് ഫോണ് ഉപയോക്താക്കള്. എന്നാല് അങ്ങനെ ഒരു സര്വ്വീസ് തുടങ്ങിയപ്പോള് അത് എല്ലാവര്ക്കും കൊടുത്തും ഇല്ല.
വാട്സ് ആപ്പിന്റെ അനുഗ്രഹം ലഭിച്ച അപൂര്വ്വം ചിലരില് നിന്ന് ക്ഷണം ലഭിക്കാന് കാത്തിരിക്കുകയായിരുന്നു ഭൂരിപക്ഷം. എന്നാല് പ്രിയ സുഹൃത്തുക്കള് പോലും തങ്ങളെ തഴഞ്ഞു എന്നായിരുന്നു ചിലരുടെ പരാതി.
എന്നാല് ഇനി അങ്ങനെ ഒരു പരാതിയും വേണ്ട. വാട്സ് ആപ്പിന്റെ വോയ്സ് കോള് സേവനം എല്ലാ ഉപയോക്താക്കള്ക്കും ലഭ്യമായിക്കഴിഞ്ഞു. എന്നാല് എത്ര നാള് ഇതുണ്ടാകും എന്ന കാര്യത്തില് ഒരുറപ്പും ഇല്ല.
വാട്സ് ആപ്പ് വോയ്സ് കോള് സേവനം യുഎഇയില് പലര്ക്കും ലഭ്യമല്ലാത്ത അവസ്ഥയാണ് ഇപ്പോഴുള്ളത്. ടെലി കമ്യൂണിക്കേഷന് അതോറിറ്റിയുടെ മാര്ഗ്ഗ രേഖ പ്രകാരം വോയ്സ് കോള് നല്കാന് വാട്സ് ആപ്പിന് അധികാരമില്ലെന്നതായിരുന്നു കാരണം.
സ്മാര്ട്ട് ഫോണ് ഉപയോഗിക്കുന്നവര്ക്കെല്ലാം ഈ വോയ്കോള് സേവനം ലഭിക്കും എന്ന് കരുതണ്ട കെട്ടോ. ഐഫോണിലും വിന്ഡോസ് ഫോണുകളിലും ഈ സേവനം ലഭ്യമല്ല.