Click it and Unblock the Notifications
Just In
Don't Miss
-
ഇതൊക്കെ പുല്ലാണെന്ന് പറഞ്ഞ് നിന്നത് സാബു മോന് മാത്രം! ബിഗ് ബോസിലെ മത്സരാര്ഥികളെ പറ്റി പ്രേക്ഷകാഭിപ്രായം -
IPL 2024: അടുത്ത സീസണില് പതിരണയെ മുംബൈയിലെത്തിക്കും! നീക്കം ഈ ഇതിഹാസ താരം വഴി -
അങ്ങനെ കേരളത്തിലെ ഓൺലൈൻ ടാക്സികൾക്കും കൂച്ചുവിലങ്ങ്, സർക്കാരിൻ്റെ പുതിയ നിർദേശങ്ങൾ ഇങ്ങനെ -
കാച്ചെണ്ണ കൊണ്ടൊന്നും ഫലമില്ല: അടിസ്ഥാനം ഭക്ഷണമാണ്, ബീറ്റാകരോട്ടിന് ആണ് മെയിന് -
ബാംഗ്ലൂർ യാത്ര: ചൂടിൽ നിന്ന് രക്ഷപെടാം, വയനാടിന് പോകാൻ പറ്റിയ സമയം.. കാരണം ഇതാണ് -
വൺപ്ലസ് 11 ന് വീണ്ടും വില കുറഞ്ഞു; നിങ്ങളിത് വാങ്ങുമോ? ഡിസ്കൗണ്ട് കാശുകൊണ്ട് മറ്റൊരു ഫോൺകൂടി വാങ്ങാം! -
500 രൂപയിലും നിക്ഷേപം ആരംഭിക്കാം, പണം സമ്പാദിക്കാൻ നല്ലത് പോസ്റ്റ് ഓഫീസ് സ്കീം, ഇന്ന് തന്നെ ആരംഭിക്കൂ
വാട്‌സ്ആപ്പ് ഫേസ്ബുക്കിനെ വെട്ടുമോ? യൂസര്‍മാര്‍ 200 കോടി; രണ്ടുവര്‍ഷത്തിനിടെ 50 കോടി ഉയര്‍ന്നു
ദില്ലി: വാട്‌സ്ആപ്പ് ഉപയോഗിക്കുന്നവരുടെ എണ്ണം 200 കോടിയായി ഉയര്‍ന്നു. രണ്ടുവര്‍ഷം മുമ്പ് ഇത് 150 കോടിയായിരുന്നു. അതിവേഗമാണ് വാട്‌സ്ആപ്പിന്റെ വളര്‍ച്ച. ഫേസ്ബുക്കിന്റെ ഉടമസ്ഥതയിലുള്ള വാട്‌സ്ആപ്പ് ജനപ്രിയമായ മെസ്സേജ് ആപ്പാണ് എന്നതിനുള്ള തെളിവാണ് ഉപയോഗിക്കുന്നവരുടെ എണ്ണത്തിലുള്ള വളര്‍ച്ച.
2009ലാണ് വാട്‌സ് ആപ്പ് വിപണിയിലെത്തിയത്. 2014ല്‍ ഫേസ്ബുക്ക് ഏറ്റെടുത്തു. 1900 കോടി ഡോളര്‍ ചെലവിട്ടാണ് ഫേസ്ബുക്ക് വാട്‌സ്ആപ്പ് വാങ്ങിയത്. അന്ന് വരെ സോഷ്യല്‍ മീഡിയ ലോകത്ത് നടന്ന ഏറ്റവും വലിയ ഇടപാടായിരുന്നു അത്. ഫേസ്ബുക്ക് ഏറ്റെടുത്ത ശേഷം വാട്‌സ്ആപ്പിന് അതിവേഗ വളര്‍ച്ചയായിരുന്നു. രണ്ടുവര്‍ഷത്തിനിടെ 50 കോടി യൂസര്‍മാരെ ലഭിച്ചു.
ചാറ്റിന് പുറമെ കോളിങ് കൂടി വന്നതോടെ വാട്‌സ്ആപ്പ് കൂടുതല്‍ സജീവമായി എന്ന് പറയാം. എന്നാല്‍ സുരക്ഷാ കാരണങ്ങളാല്‍ പലപ്പോഴും പഴികേള്‍ക്കേണ്ടി വന്നിട്ടുണ്ട് വാട്‌സ്ആപ്പിന്. സന്ദേശങ്ങള്‍ കൈമാറുന്നതില്‍ നിയന്ത്രണങ്ങള്‍ ഏര്‍പ്പെടുത്തണമെന്ന ഇന്ത്യ വാട്‌സ്ആപ്പിനോട് ആവശ്യപ്പെട്ടിരുന്നു. സോഷ്യല്‍ മീഡിയ പ്ലാറ്റ്‌ഫോമുകളെ നിയന്ത്രിക്കുന്നതിനുള്ള നിയമനിര്‍മാണം കേന്ദ്രത്തിന്റെ പരിഗണനയിലാണ്.
ആസ്‌ത്രേലിയ, ബ്രിട്ടന്‍ എന്നീ രാജ്യങ്ങളും വാട്‌സ്ആപ്പിനെ പലപ്പോഴും വിമര്‍ശിച്ചിട്ടുണ്ട്. വിവിധ രാജ്യങ്ങളില്‍ നിന്നുള്ള കടുത്ത സമ്മര്‍ദ്ദം കാരണം വാട്‌സ്ആപ്പ് സന്ദേശം കൈമാറുന്നതിന് നിയന്ത്രണം ഏര്‍പ്പെടുത്തിയിരുന്നു. ഫേസ്ബുക്കിന് കീഴുള്ള ആപ്പുകളില്‍ ഏറ്റവും കൂടുതല്‍ യൂസര്‍മാരുടെ രണ്ടാമത്തെ ആപ്പാണ് വാട്‌സ്ആപ്പ്. ഒന്നാം സ്ഥാനം ഫേസ്ബുക്കിന് തന്നെ. 250 കോടി യൂസര്‍മാരാണ് ഫേസ്ബുക്കിനുള്ളത്. ഒരുപക്ഷേ ഫേസ്ബുക്കിനെയും കടത്തിവെട്ടി വാട്‌സ്ആപ്പ് കുതിച്ചേക്കാം.
