360 കോടിയുടെ സമ്പാദ്യം, മുംബൈയിലെ ആഡംബര വീട്; ലതാ മങ്കേഷ്‌കറിന്റെ സ്വത്തുകളുടെ അവകാശി ആര്

Updated: Wednesday, February 9, 2022, 13:41 [IST]

ഇന്ത്യയുടെ വാനമ്പാടി എന്നറിയപ്പെടുന്ന ലതാ മങ്കേഷ്‌ക്കറിന്റെ വിയോഗത്തില്‍ ഞെട്ടിയിരിക്കുകയാണ് സിനിമ ലോകം. ഇന്ത്യ കണ്ട എക്കാലത്തെയും മികച്ച ഗായികമാരില്‍ ഒരാളാണ് ലതാ മങ്കേഷ്‌കര്‍. എളിമയും ദയയും ഉള്ള സ്വഭാവത്താല്‍ ലതാ മങ്കേഷ്‌കര്‍ പ്രശസ്തയും എല്ലാവരാലും സ്‌നേഹിക്കപ്പെടുകയും ചെയ്തിരുന്നു.

ഇന്ത്യന്‍ ചലച്ചിത്ര-സംഗീത വ്യവസായത്തിലെ ഏറ്റവും ആദരണീയരായ സെലിബ്രിറ്റികളില്‍ ഒരാളായിരുന്നു ലതാ മങ്കേഷ്‌കര്‍. 36 ഇന്ത്യന്‍ ഭാഷകളില്‍ ഗാനങ്ങള്‍ ആലപിച്ച അവര്‍ക്ക് 1989-ല്‍ ദാദാസാഹിബ് ഫാല്‍ക്കെ പുരസ്‌കാരം ലഭിച്ചിരുന്നു. ലണ്ടനിലെ റോയല്‍ ആല്‍ബര്‍ട്ട് ഹാളില്‍ അവതരിപ്പിച്ച ആദ്യ ഇന്ത്യക്കാരി കൂടിയാണ് ലതാ മങ്കേഷ്‌കര്‍. ലതാ മങ്കേഷ്‌കറിന്റെ ആലാപന ജീവിതം എണ്ണമറ്റ അവാര്‍ഡുകളും ട്രോഫികളും അംഗീകാരങ്ങളും പദവികളും കൊണ്ട് നിറഞ്ഞിരുന്നു.

പതിറ്റാണ്ടുകളുടെ കഠിനാധ്വാനവും പ്രതിബദ്ധതയും കൊണ്ട്, ലതാ മങ്കേഷ്‌കറിന് തന്റെ ആസ്തി ഒരു സ്വപ്‌നതുല്യമായ തുകയിലേക്ക് കൊണ്ടുപോകാന്‍ കഴിഞ്ഞിരുന്നു. ലതാ മങ്കേഷ്‌കറിന്റെ വിയോഗത്തിന് ശേഷം, എല്ലാവരുടെയും മനസ്സില്‍ ഉയരുന്ന ചോദ്യം അവരുടെ സ്വത്തിന്റെ ഉടമ ആരായിരിക്കും എന്നതാണ്. ഇതുമായി ബന്ധപ്പെട്ട് അറിയേണ്ട ചില കാര്യങ്ങള്‍ ഇങ്ങനെയാണ്.

വിവിധ റിപ്പോര്‍ട്ടുകള്‍ പ്രകാരം, ലതാ മങ്കേഷ്‌കറിന്റെ ആജീവനാന്ത സമ്പാദ്യത്തില്‍ ദക്ഷിണ മുംബൈയിലെ പെഡര്‍ റോഡിലെ പ്രഭുകുഞ്ച് ഭവന്‍ എന്ന പേരിലുള്ള ആഡംബര വീട്, ഷെവര്‍ലെ, ബ്യൂക്ക്, ക്രിസ്ലര്‍ തുടങ്ങിയ ചില ആഡംബര കാറുകള്‍, എല്ലാ റോയല്‍റ്റികളും നിക്ഷേപങ്ങളും ഉള്‍പ്പെടുന്നുണ്ട്. ലതയുടെ ആസ്തി ഏകദേശം 360 കോടി രൂപയാണെന്ന് ചിലര്‍ അവകാശപ്പെടുമ്പോള്‍, മറ്റുള്ളവര്‍ ഇത് 108-115 കോടി രൂപയാണെന്നാണ് അഭിപ്രായപ്പെടുന്നത്.

ഏഴു പതിറ്റാണ്ടോളം നീണ്ടുനിന്ന തന്റെ പ്രഗത്ഭ ജീവിതത്തില്‍ വിശ്രമമില്ലാതെയാണ് ഈ ഇതിഹാസ ഗായിക പ്രവര്‍ത്തിച്ചത്. ഇെന്ത്യയുടെ വാനമ്പാടി, ക്വീന്‍ ഓഫ് മെലഡി, വോയ്സ് ഓഫ് ദ മില്ലേനിയം തുടങ്ങി നിരവധി പേരുകളിലാണ് ലതാ മങ്കേഷ്‌കര്‍ അറിയപ്പെട്ടത്. ലതാ മങ്കേഷ്‌കര്‍ ഇതുവരെ വിവാഹം കഴിച്ചിട്ടില്ല, അവര്‍ക്ക് കുട്ടികളുമില്ല, ആകെയുണ്ടായിരുന്ന സഹോദരങ്ങളുമായി അകന്നാണ് അവര്‍ കഴിഞ്ഞിരുന്നത്. ലതാ മങ്കേഷ്‌കറിന്റെ സഹോദരന്‍ ഹൃദയനാഥ് മങ്കേഷ്‌കര്‍ അവരുടെ അന്ത്യകര്‍മങ്ങള്‍ നിര്‍വഹിച്ചതിനാല്‍, അന്തരിച്ച ഗായികയുടെ സ്വത്ത് അദ്ദേഹത്തിന് അവകാശിയാകുമെന്ന് അനുമാനിക്കപ്പെടുന്നു. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണം ഒന്നുമുണ്ടായിട്ടില്ല.

ലതാ മങ്കേഷ്‌കര്‍ അവരുടെ സഹോദരനായ ഹൃദയനാഥ് മങ്കേഷ്‌കറുമായി വളരെ അടുത്ത ബന്ധം പുലര്‍ത്തിയിരുന്നു, മാത്രമല്ല അവര്‍ അവരുടെ മനോഹരമായ ബന്ധത്തെക്കുറിച്ച് വീണ്ടും വീണ്ടും സംസാരിക്കുന്നതും അവള്‍ക്കൊപ്പം എപ്പോഴും ഉണ്ടായിരുന്ന തന്റെ ചെറിയ സഹോദരനെ പ്രശംസിക്കുന്നതും ഞങ്ങള്‍ കണ്ടിട്ടുണ്ട് അടുത്ത വൃത്തങ്ങള്‍ പറയുന്നു. ലതാ മങ്കേഷ്‌കര്‍ മാത്രമല്ല, സഹോദരന്‍ ഹൃദയനാഥും തന്റെ സഹോദരിയെക്കുറിച്ച് എപ്പോഴും പ്രശംസിച്ചിരുന്നു. ഉദാഹരണത്തിന്, ഫിലിംഫെയറുമായുള്ള ഒരു അഭിമുഖത്തില്‍, ആത്മാഭിമാനവും ഒരാളുടെ ഈഗോയെ എങ്ങനെ കൊല്ലാമെന്നും പഠിപ്പിച്ചതിന് ഹൃദയനാഥ് തന്റെ സഹോദരി ലതാ മങ്കേഷ്‌കറിനെ പ്രശംസിച്ചിരുന്നു.

2022 ഫെബ്രുവരി 6-ന് ലതാ മങ്കേഷ്‌കറിന്റെ മരണശേഷം, മുംബൈയിലെ ശിവാജി പാര്‍ക്കില്‍ പൂര്‍ണ സംസ്ഥാന ബഹുമതികളോടെ അവരെ സംസ്‌കരിച്ചു. പ്രിയ ഗായികയ്ക്ക് അന്ത്യോപചാരം അര്‍പ്പിക്കാന്‍ നിരവധി പ്രശസ്തരായ താരങ്ങള്‍ അവിടെ എത്തിയിരുന്നു. ലതാ മങ്കേഷ്‌കറിന്റെ ഗാനങ്ങള്‍ അവിടെ പ്ലേ ചെയ്തിരുന്നു. ലതാ മങ്കേഷ്‌കറുടെ സഹോദരന്‍ ഹൃദയനാഥ് മങ്കേഷ്‌കറാണ് അന്നു രാത്രി 7.16ന് സഹോദരിയുടെ ചിത തെളിച്ചത്. അന്ത്യകര്‍മ്മങ്ങള്‍ക്കിടെ ദുഖിതാനായ ഹൃദയനാഥ് മങ്കേഷ്‌കരെ ആശ്വസിപ്പിച്ചത് മകനായിരുന്നു.