കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മോദിയെ കൊട്ടി ഒവൈസി; സുഹൃത്ത് എന്താ ഇങ്ങനെ പറയുന്നത്? ഭാരതത്തെ അപമാനിക്കുന്നത് സഹിക്കുമോ

  • By Desk
Google Oneindia Malayalam News

ഹൈദരാബാദ്: അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇന്ത്യയെ ഭീഷണിപ്പെടുത്തിയ സംഭവത്തില്‍ രൂക്ഷ പരിഹാസവുമായി എംഐഎം നേതാവ് അസദുദ്ദീന്‍ ഒവൈസി. മോദിയുടെ അമേരിക്കന്‍ സന്ദര്‍ശനവും ട്രംപിന്റെ ഇന്ത്യാ സന്ദര്‍ശനവും സൂചിപ്പിച്ചാണ് ഒവൈസിയുടെ പരിഹാസം. ഭാരതത്തെ അപമാനിക്കുന്നത് നിങ്ങള്‍ സഹിക്കുമോ എന്നും ഒവൈസി ചോദിച്ചു.

കൊറോണ വൈറസ് രോഗം വ്യാപിച്ച പശ്ചാത്തലത്തില്‍ കേന്ദ്രസര്‍ക്കാര്‍ കഴിഞ്ഞമാസം മരുന്നുകളുടെ കയറ്റുമതി നിരോധിച്ചിരുന്നു. എന്നാല്‍ ഇന്ത്യയില്‍ നിന്നുള്ള മരുന്ന് വരവ് നിലയ്ക്കുമെന്ന് വന്നതോടെയാണ് ട്രംപ് ക്ഷുഭിതനായത്. മരുന്ന് കയറ്റുമതി നിരോധനം ഇന്ത്യ പിന്‍വലിച്ചില്ലെങ്കില്‍ തിരിച്ചടി നേരിടുമെന്നായിരുന്നു ട്രംപിന്റെ ഭീഷണി. ഇതാണ് ഒവൈസിയുടെ പരിഹാസത്തിന് കാരണം. വിശദാംശങ്ങള്‍...

അടുത്ത സുഹൃത്തുക്കള്‍

അടുത്ത സുഹൃത്തുക്കള്‍

സൗഹൃദ സന്ദര്‍ശനങ്ങള്‍ കഴിഞ്ഞിട്ട് അധിക നാളായില്ലെന്ന് അസദുദ്ദീന്‍ ഒവൈസി ഓര്‍മിപ്പിച്ചു. മോദിയുടെ ഹൂസ്റ്റണ്‍ സന്ദര്‍ശനവും ട്രംപിന്റെ അഹമ്മദാബാദ് സന്ദര്‍ശനവുമാണ് ഒവൈസി സൂചിപ്പിച്ചത്. അമേരിക്കയുടെ അടുത്ത സുഹൃത്താണ് മോദി എന്ന് ട്രംപ് ഗുജറാത്ത് സന്ദര്‍ശന വേളയില്‍ പറഞ്ഞിരുന്നു.

ഭാരതത്തെ അപമാനിക്കുന്നു

ഭാരതത്തെ അപമാനിക്കുന്നു

വൈറ്റ് ഹൗസിലെ ഇന്ത്യയുടെ സുഹൃത്ത് എന്താണ് ഇങ്ങനെ സംസാരിക്കുന്നതെന്ന് ഒവൈസി ചോദിച്ചു. പ്രതികാര ഭാഷയില്‍ ട്രംപ് സംസാരിക്കുന്നു. ഇത്തരത്തില്‍ ഭാരതത്തെ അപമാനിക്കുന്നത് നിങ്ങള്‍ സഹിക്കുമോ എന്നും ഒവൈസി ട്വീറ്റ് ചെയ്തു. ഇന്ത്യ-അമേരിക്ക മരുന്ന് കയറ്റുമതി വിവാദമാണ് ഒവൈസിയുടെ പരിഹാസത്തിന് കാരണമായത്.

കയറ്റുമതി നിയന്ത്രണം നീക്കി

കയറ്റുമതി നിയന്ത്രണം നീക്കി

അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഭീഷണിക്ക് പിന്നാലെ, കേന്ദ്രസര്‍ക്കാര്‍ മരുന്നുകള്‍ക്ക് ഏര്‍പ്പെടുത്തിയ കയറ്റുമതി നിയന്ത്രണം എടുത്തുകളഞ്ഞു. 24 ഇനം മരുന്നുകളും അവയുടെ ചേരുവകളും കയറ്റുമതി ചെയ്യുന്നതിന് ഏര്‍പ്പെടത്തിയ നിയന്ത്രണമാണ് മോദി സര്‍ക്കാര്‍ ഭാഗികമായി ഇന്ന് എടുത്തുമാറ്റിയത്.

ട്രംപിന്റെ ഭീഷണി

ട്രംപിന്റെ ഭീഷണി

അമേരിക്കയില്‍ നിന്നുള്ള ഓര്‍ഡറുകള്‍ ക്ലിയര്‍ ചെയ്യുകയാണ് ഇതിന് പിന്നിലെ ലക്ഷ്യം. മരുന്നുകള്‍ക്ക് കയറ്റുമതി നിയന്ത്രണം ഏര്‍പ്പെടുത്തിയ കേന്ദ്രസര്‍ക്കാര്‍ നടപടിയെ രൂക്ഷമായിട്ടാണ് ട്രംപ് വിമര്‍ശിച്ചത്. നിരോധനം നീക്കിയില്ലെങ്കില്‍ തിരിച്ചടി നേരിടുമെന്നും അദ്ദേഹം മുന്നറിയിപ്പ് നല്‍കിയിരുന്നു.

മലേറിയ മരുന്ന്

മലേറിയ മരുന്ന്

അമേരിക്കയില്‍ ഉപയോഗിക്കുന്ന ഹൈഡ്രോക്‌സി ക്ലോറോക്വിനിന്റെ പകുതിയും ഇന്ത്യയില്‍ നിന്നാണ് ഇറക്കുമതി ചെയ്യുന്നത്. ഈ മരുന്ന് കൊറോണ രോഗം ഭേദമാകാന്‍ സഹായിക്കുമെന്ന് ഇന്ത്യന്‍ ആരോഗ്യ വിദഗ്ധര്‍ അറിയിച്ചിരുന്നു. അഹമ്മദാബാദ് കേന്ദ്രമായ സൈദസ് ഫാര്‍മസ്യൂട്ടിക്കല്‍സാണ് അമേരിക്കയിലേക്ക് ഈ മരുന്ന് കൂടുതലായി കയറ്റി അയക്കുന്നത്.

ടെലിഫോണ്‍ ചര്‍ച്ച

ടെലിഫോണ്‍ ചര്‍ച്ച

കൊറോണ വൈറസ് വ്യാപിക്കുകയും രാജ്യത്ത് ഒട്ടേറെ പേര്‍ക്ക് രോഗം സ്ഥിരീകരിക്കുകയും ചെയ്ത പശ്ചാത്തലത്തില്‍ കഴിഞ്ഞമാസമാണ് ഇന്ത്യ 24 ഇനം മരുന്നുകളുടെ കയറ്റുമതി നിരോധിച്ചത്. ശനിയാഴ്ച മോദിയും ട്രംപും തമ്മില്‍ ടെലിഫോണില്‍ ചര്‍ച്ച നടത്തിയിരുന്നു. ഈ ചര്‍ച്ചയില്‍ മരുന്ന് കയറ്റുമതി നിരോധനം നീക്കണമെന്ന് ട്രംപ് ആവശ്യപ്പെട്ടു. തൊട്ടുപിന്നാലെയാണ് സര്‍ക്കാരിന്റെ ഔദ്യോഗിക പ്രഖ്യാപനം.

ലഭ്യത ഉറപ്പാക്കിയ ശേഷം

ലഭ്യത ഉറപ്പാക്കിയ ശേഷം

24 ഇനം മരുന്നുകള്‍ക്ക് കേന്ദ്രസര്‍ക്കാര്‍ കയറ്റുമതി നിരോധനം പ്രഖ്യാപിച്ചത് മാര്‍ച്ച 25നാണ്. മലേറിയക്കെതിരായ ഹൈഡ്രോക്‌സി ക്ലോറോക്വിനിന്റെ നിയന്ത്രണം നീക്കിയില്ലെങ്കില്‍ ഇന്ത്യ ഭവിഷ്യത്ത് നേരിടേണ്ടിവരുമെന്നാണ് ട്രംപ് പറഞ്ഞത്. ഇന്ത്യയിലെ ലഭ്യത ഉറപ്പാക്കിയ ശേഷം മാത്രമേ ബാക്കിയുള്ള രാജ്യങ്ങളിലേക്കുള്ള കയറ്റുമതി നിയന്ത്രണം എടുത്തുകളയൂ എന്ന് കേന്ദ്രസര്‍ക്കാര്‍ വ്യക്തമാക്കി.

കോണ്‍ഗ്രസ് സര്‍ക്കാരിന്റെ ഭില്‍വാര മോഡല്‍!! ഇതാണ് ഏക മാര്‍ഗമെന്ന് കേന്ദ്രവും, ഭില്‍വാരയില്‍ നടന്നത്കോണ്‍ഗ്രസ് സര്‍ക്കാരിന്റെ ഭില്‍വാര മോഡല്‍!! ഇതാണ് ഏക മാര്‍ഗമെന്ന് കേന്ദ്രവും, ഭില്‍വാരയില്‍ നടന്നത്

ഏപ്രില്‍ 15 മുതല്‍ വരുന്ന മാറ്റങ്ങള്‍ ഇങ്ങനെ; കര്‍ശന നിയന്ത്രണത്തോടെ യാത്രകള്‍ അനുവദിച്ചേക്കുംഏപ്രില്‍ 15 മുതല്‍ വരുന്ന മാറ്റങ്ങള്‍ ഇങ്ങനെ; കര്‍ശന നിയന്ത്രണത്തോടെ യാത്രകള്‍ അനുവദിച്ചേക്കും

അമേരിക്കയെ ഞെട്ടിച്ച് മിന്നലാക്രമണം; എണ്ണ കേന്ദ്രത്തിലേക്ക് കുതിച്ചെത്തി അഞ്ച് മിസൈലുകള്‍അമേരിക്കയെ ഞെട്ടിച്ച് മിന്നലാക്രമണം; എണ്ണ കേന്ദ്രത്തിലേക്ക് കുതിച്ചെത്തി അഞ്ച് മിസൈലുകള്‍

English summary
Why is 'India's friend' talking of retaliation? asks Owaisi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X