• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എന്താ ഇത്ര ഗൗരവം, ബജറ്റ് അവതരണ വേളയിൽ നിരാശനായിരുന്ന രാഹുലിനെ പരിഹസിച്ച് അമിത് ഷാ

ഡെറാഡൂണ്‍: കോണ്‍ഗ്രസിന്റെ തെരഞ്ഞെടുപ്പ് വാഗ്ദാനങ്ങള്‍ക്ക് മേല്‍ മണ്ണ് വാരിയിടുന്നത് പോലുളള പ്രഖ്യാപനങ്ങളാണ് അവസാന ബജറ്റില്‍ മോദി സര്‍ക്കാര്‍ നടത്തിയത്. ബജറ്റ് അവതരണ വേളയില്‍ ഭരണ കക്ഷി അംഗങ്ങളെല്ലാം വലിയ ആവേശത്തില്‍ ആയിരുന്നു. മോദി മോദി വിളികള്‍ പല പ്രഖ്യാപനങ്ങള്‍ക്കൊപ്പവും ഉയര്‍ന്നു. മേശയില്‍ അടിച്ച് ആഹ്‌ളാദം പ്രകടിപ്പിക്കുന്ന പ്രധാനമന്ത്രിയേയും പല ഘട്ടത്തിലും കണ്ടു..

എന്നാല്‍ രാഹുല്‍ ഗാന്ധി അടക്കമുളള കോണ്‍ഗ്രസ് നേതാക്കള്‍ തികഞ്ഞ ഗൗരവത്തില്‍ ആയിരുന്നു. രാഹുല്‍ ഗാന്ധി താടിക്ക് കൈ കൊടുത്ത് ഇരുന്ന് ബജറ്റ് കേള്‍ക്കുന്ന ഒരു ചിത്രം സോഷ്യല്‍ മീഡിയയില്‍ വൈറലാകുന്നുണ്ട്. ആദായ നികുതി ഇളവ് അടക്കമുളളവ തങ്ങളുടെ തലയില്‍ ആകുമോ എന്ന ആശങ്കയാണ് രാഹുലിന്റെ ഇരിപ്പിന്റെ അര്‍ത്ഥമെന്ന് സോഷ്യല്‍ മീഡിയ ട്രോളുമിറക്കി.

അതിനിടെ രാഹുല്‍ ഗാന്ധിയെ പരിഹസിച്ച് അമിത് ഷാ തന്നെ രംഗത്ത് വന്നിരിക്കുകയാണ്. സാധാരണ ബജറ്റ് അവതരണ വേളയില്‍ അലറുന്ന രാഹുല്‍ ഇത്തവണ ബജറ്റ് അവതരണ വേളയില്‍ ഇത്ര ഗൗരവത്തില്‍ ഇരുന്നത് എന്ത് കൊണ്ടാണ് എന്നാണ് അമിത് ഷായുടെ ചോദ്യം. എന്തുകൊണ്ട് രാഹുല്‍ ചിരിക്കുന്നില്ല എന്നും അമിത് ഷാ ചോദിച്ചു. കര്‍ഷകര്‍ക്കുളള ആനുകൂല്യങ്ങള്‍ ബജറ്റില്‍ പ്രഖ്യാപിച്ചപ്പോള്‍ അദ്ദേഹം അഭിനന്ദിച്ചില്ലെന്നും അമിത് ഷാ പരിഹാസരൂപത്തില്‍ പരിഭവിച്ചു.

അയോധ്യ രാമക്ഷേത്ര വിഷയത്തിലും അമിത് ഷാ രാഹുല്‍ ഗാന്ധിയെ കടന്നാക്രമിച്ചു. രാമക്ഷേത്രം വേണമോ വേണ്ടയോ എന്ന കാര്യത്തില്‍ രാഹുല്‍ ബാബ നിലപാട് വ്യക്തമാക്കണം എന്നാണ് അമിത് ഷാ ആവശ്യപ്പെട്ടത്. ഉത്തരാഖണ്ഡിലെ ബിജെപി തെരഞ്ഞടുപ്പ് പരിപാടിയില്‍ സംസാരിക്കവേയാണ് അമിത് ഷായുടെ കടന്നാക്രമണം. സംസ്ഥാനത്തെ എല്ലാ ലോക്‌സഭാ സീറ്റുകളും ബിജെപിക്ക് തന്നെ ലഭിക്കുമെന്ന് ഉറപ്പ് വരുത്താന്‍ പ്രവര്‍ത്തകരോട് അമിത് ഷാ ആവശ്യപ്പെട്ടു.

English summary
'Why So Serious?' Amit Shah Takes a Dig at Rahul Gandhi Over Viral Photo During Budget Speech
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more