Click it and Unblock the Notifications
Just In
Don't Miss
-
IPL 2024: രോഹിത് ശര്മയും ഇഷാനും പുറത്ത്! ലേലത്തില് മുംബൈ നിലനിര്ത്തുക ഈ നാലു പേരെ -
തമിഴിനെ തരംതാഴ്ത്തുന്നതെന്തിന്? മലയാളത്തില് മാത്രമാണോ നല്ല സിനിമകള്? എണ്ണിപ്പറഞ്ഞ് നടന് -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
രാത്രി ഒമ്പതരയ്ക്കാണോ ടെന്നീസ് കളി?: മന്ത്രിയുടെ ചോദ്യം വിവാദമാകുന്നു
ബെംഗളൂരു: ടെന്നിസ് ക്ലബ്ബില്‍ 30കാരിയെ കൂട്ടബലാത്സംഗം ചെയ്ത സംഭവത്തില്‍ കര്‍ണാടക മന്ത്രിയുടെ വാക്കുകള്‍ വിവാദമാകുന്നു. ബലാത്സംഗത്തിന് ഇരയായ യുവതി രാത്രി ഒമ്പതരയ്ക്ക് ടെന്നീസ് ക്ലബില്‍ എന്തെടുക്കുകയായിരുന്നു എന്ന മന്ത്രി പരമേശ്വരയുടെ ചോദ്യമാണ് വിവാദത്തിന് വഴിവെച്ചത്. ടെന്നീസ് പഠിക്കാന്‍ വേണ്ടിയാണ് അവര്‍ തുംകൂരില്‍ നിന്നും ഇവിടെ വന്നത് എന്നാണ് ഞാന്‍ അറിഞ്ഞത്. എന്നാല്‍ രാത്രി ഒമ്പതരയ്ക്ക് അവര്‍ ടെന്നീസ് ക്ലബില്‍ എന്തുചെയ്യുകയായിരുന്നു - മന്ത്രി ചോദിച്ചു.
ബെംഗളൂരു കബണ്‍ പാര്‍ക്കിന് സമീപത്തുള്ള ടെന്നീസ് ക്ലബ്ബില്‍ വെച്ചാണ് 30 കാരിയെ രണ്ടുപേര്‍ ചേര്‍ന്ന് ബലാത്സംഗം ചെയ്തത്. ടെന്നീസ് ക്ലബില്‍ മെംബറാകാന്‍ എത്തിയതായിരുന്നു ഇവര്‍. ഇവരോട് പിറ്റേന്ന് വരാനാണ് ക്ലബ്ബ് അധികൃതര്‍ ആവശ്യപ്പെട്ടത്. രാത്രി ഒമ്പത് മണി വരെ കാത്തിരുന്ന ശേഷം താമസസ്ഥലമായ ഹോട്ടലിലേക്ക് പോകവേ ക്ലബ്ബിലെ സെക്യൂരിറ്റി ജീവനക്കാര്‍ ഇവരെ ബലാത്സംഗം ചെയ്യുകയായിരുന്നു.
സംഭവം ദൗര്‍ഭാഗ്യകരമാണ്. എന്നാല്‍ യുവതി ആ സമയത്ത് എന്തിനാണ് ക്ലബ്ബില്‍ വന്നതെന്നതും ദുരൂഹമാണ്. എല്ലാ കാര്യങ്ങളും അന്വേഷിക്കേണ്ടതുണ്ട് - സംസ്ഥാനത്തെ കോണ്‍ഗ്രസ് തലവന്‍ കൂടിയാ മന്ത്രി പരമേശ്വര പറഞ്ഞു. എന്നാല്‍ വാക്കുകള്‍ വിവാദമായതോടെ പരമേശ്വര പറഞ്ഞതെല്ലാം നിഷേധിച്ചു. തന്റെ വാക്കുകള്‍ മാധ്യമങ്ങള്‍ വളച്ചൊടിക്കുകയാണ് എന്നാണ് മന്ത്രി പറയുന്നത്.
ഉത്തരവാദിത്ത രഹിതമായ പ്രസ്താവന നടത്തിയ മന്ത്രി പരമേശ്വര രാജിവെക്കണമെന്ന് കേന്ദ്രമന്ത്രിയും ബി ജെ പി നേതാവുമായ മനേകാ ഗാന്ധി ആവശ്യപ്പെട്ടു. ഇതാദ്യമായിട്ടല്ല കര്‍ണാടകയിലെ മന്ത്രിമാര്‍ ഇത്തരത്തിലുള്ള പ്രസ്താവന നടത്തുന്നത്. 22 കാരിയായ കോള്‍ സെന്റര്‍ ജീവനക്കാരി ബലാത്സംഗം ചെയ്യപ്പെട്ടപ്പോള്‍ അന്നത്തെ ആഭ്യന്തരമന്ത്രിയായ കെ ജെ ജോര്‍ജ് പറഞ്ഞത് രണ്ടുപേര്‍ ബലാത്സംഗം നടത്തിയാല്‍ അത് കൂട്ടബലാത്സംഗം ആകില്ല എന്നായിരുന്നു.
