വാടകയ്ക്കുള്ള കാശ് ചോദിച്ചു, ഭാര്യയെ ഭര്ത്താവ് തീകൊളുത്തി, രക്ഷിച്ചത് കുട്ടികളുടെ ഇടപെടല്
സബീന എന്ന 45കാരിയെയാണ് ഭര്ത്താവ് അലിമുദ്ദീന് തീകൊളുത്തിയത്. സബീന അലീമുദ്ദീനോട് വാടക നല്കാനുള്ള കാശ് ചോദിച്ചു. ഇയാള് നല്കാതിരുന്നതിനെ തുടര്ന്ന് ഇരുവരും തമ്മില് വാക്കേറ്റമുണ്ടായി.
ദില്ലി : വീട്ടു വാടകയ്ക്കുള്ള പണം ആവശ്യപ്പെട്ട ഭാര്യയെ ഭര്ത്താവ് തീകൊളുത്തി. പശ്ചിമദില്ലിയിലെ നിഹാല് വിഹാറിലാണ് സംഭവം. കാശ് ചോദിച്ചതുമായി ബന്ധപ്പെട്ടുണ്ടായ വാക്കേറ്റമാണ് തീ കൊളുത്തലില് കലാശിച്ചത്.
സബീന എന്ന 45കാരിയെയാണ് ഭര്ത്താവ് അലിമുദ്ദീന് തീകൊളുത്തിയത്. സബീന അലീമുദ്ദീനോട് വാടക നല്കാനുള്ള കാശ് ചോദിച്ചു. ഇയാള് നല്കാതിരുന്നതിനെ തുടര്ന്ന് ഇരുവരും തമ്മില് വാക്കേറ്റമുണ്ടായി. ഇതിനിടെ ദേഷ്യം നിയന്ത്രിക്കാനാവാതെ അലീമുദ്ദീന് സബീനയുടെ ദേഹത്ത് മണ്ണെണ്ണ ഒഴിച്ച ശേഷം തീ കൊളുത്തിയത്.
സംഭവം നടക്കുമ്പോള് ഇവരുടെ രണ്ട് മക്കളും വീട്ടില് ഉണ്ടായിരുന്നു. കുട്ടികള് വെളളം ഉപയോഗിച്ച് തീ അണയ്ക്കുകയായിരുന്നു. തുടര്ന്ന് 15 ശതമാനത്തോളം പൊള്ളലേറ്റ സബീനയെ അടുത്തുള്ള ആശുപത്രിയില് പ്രവേശിപ്പിച്ചു. ഇവിടെ നിന്ന് ഇവരെ സഫ്ദര്ജംഗ് ആശുപത്രിയിലേക്ക് കൊണ്ടു പോയി.
സബീന അപകടനില തരണം ചെയ്തതായി ഡോക്ടര്മാര് പറഞ്ഞു. സംഭവത്തില് അലാമുദ്ദീനെ പോലീസ് അറസ്റ്റ് ചെയ്തു.