സ്ത്രീധന തര്ക്കം: യുവതിയുടെ മുഖത്ത് ഭര്ത്താവ് ചൂടുവെള്ളമൊഴിച്ചു
കൊല്ക്കത്ത: സ്ത്രീധനം നല്കാത്തതിന്റെ പേരില് യുവതിയുടെ മുഖത്ത് ഭര്ത്താവ് ചൂടുവെള്ളമൊഴിച്ചു. സ്ത്രീധനമായി 50,000 രൂപയാണ് ആവശ്യപ്പെട്ടത്. അഞ്ച് വര്ഷം മുന്പാണ് ഇവര് വിവാഹിതരായത്. അന്ന് 15,000 രൂപയും സ്വര്ണവും സഹായങ്ങളും പെണ്കുട്ടിയുടെ വീട്ടുക്കാര് നല്കിയിരുന്നു. കൂടുതല് തുക വീട്ടില് നിന്നും ആവശ്യപ്പെടാന് പെണ്കുട്ടിയോട് ഭര്ത്താവ് ആവശ്യപ്പെട്ടെങ്കിലും നല്കിയില്ല, തുടര്ന്നാണ് മുഖത്ത് ചൂടുവെള്ളം ഒഴിച്ചത്.
ഓള്ഡ് മാള്ഡ പോലീസ് സ്റ്റേഷന് സമീപത്ത് വെള്ളിയാഴ്ചയാണ് സംഭവം നടക്കുന്നത്. രഹ്ന ബീവി(21) എന്ന യുതിയാണ്് പൊള്ളലേറ്റ് ആശുപത്രിയില് കഴിയുന്നത്. ശരീരത്തില് 70 ശതാമാനം പൊള്ളലേറ്റ് ഗുരുതരാവസ്ഥയിലാണ് എന്ന് ഡോക്ടര്മാര് പറഞ്ഞു. ഭര്ത്താവ് ആസാദ് ഷെയ്ഖ് മാസങ്ങളായി യുവതിയെ സ്ത്രീധനത്തിന്റെ പേരില് പീഡിപ്പിക്കുന്നു എന്ന് വീട്ടുക്കാര് പറയുന്നു.
വെളളിയാഴ്ച രാവിലെ വീട്ടില് പാചകം ചെയ്യുന്നതിനിടയില് ഭാര്യയും ഭര്ത്താവും തര്ക്കമുണ്ടാവുകയും ഇതിനിടയില് അടുപ്പിലിരുന്ന ചൂടുവെള്ളം ഭാര്യയുടെ മുഖത്ത് ഒഴിക്കുകയായിരുന്നു. അയ്യല്വാസികള് എത്തിയാണ് യുവതിയെ മാള്ഡ മെഡിക്കല് കോളേജ് ആശുപത്രിയില് എത്തിച്ചത്. ആസാദിനെതിരെ യുവതിയുടെ വീട്ടുക്കാര് പരാതി നല്കിയിട്ടുണ്ട്.