എല്ലായിടത്തും നോട്ട് തന്നെ പ്രശ്‌നം; പാലു വാങ്ങാന്‍ പൈസ ചോദിച്ച ഭാര്യയെ ഭര്‍ത്താവ് തീയിട്ടു കൊന്നു

അയല്‍ക്കാരുടെയും കുടുംബാംഗങ്ങളുടെയും മൊഴിയനുസരിച്ച് ദമ്പതികള്‍ എപ്പോഴും വഴക്കുകൂടാറുണ്ടെന്നായിരുന്നു റിപ്പോര്‍ട്ട്

പൂനെ:പാലു വാങ്ങാന്‍ പൈസ ചോദിച്ചതിന് ഭര്‍ത്താവ് ഭാര്യയെ മണ്ണെണ്ണയൊഴിച്ച് അഗ്നിക്കിരയാക്കി. പൂനെയിലെ ബാലാജി നഗറിലാണ് സംഭവം. 21 കാരി രേഖ ജാഥവ് ആണ് മരിച്ചത്. സംഭവത്തെ തുടര്‍ന്ന് രേഖയുടെ ഭര്‍ത്താവ് ഭൊസാരിയെ പൂനെ പോലീസ് അറസ്റ്റു ചെയ്തു.

80 ശതമാനം പൊള്ളലേറ്റ യുവതിയെ ഉടന്‍ ആസ്പത്രിയില്‍ പ്രവേശിപ്പിച്ചെങ്കിലും മരണമടയുകയായിരുന്നു. സംഭവത്തെ കുറിച്ച് പോലീസിന്റെ വിശദീകരണമിങ്ങനെയാണ്.

ദമ്പതികള്‍ എപ്പോഴും വഴക്കു കൂടുമായിരുന്നു

അയല്‍ക്കാരുടെയും കുടുംബാംഗങ്ങളുടെയും മൊഴിയനുസരിച്ച് ദമ്പതികള്‍ എപ്പോഴും വഴക്കുകൂടാറുണ്ടെന്നായിരുന്നു റിപ്പോര്‍ട്ട്. സംഭവം നടക്കുന്നതിനു തൊട്ടു മുന്‍പ് യുവതിയുടെ അച്ഛന്‍ വീട്ടില്‍ വന്നിരുന്നു

ഭര്‍ത്താവ് ചായ വേണമെന്നാവശ്യപ്പെട്ടു

അച്ഛന്‍ തിരിച്ചു പോയതിനുശേഷം ഭൊസാരി ഭാര്യയോട് ഒരു കപ്പ് ചായ വേണമെന്നാവശ്യപ്പെടുകയായിരുന്നു. എന്നാല്‍ പാലു വാങ്ങാന്‍ പൈസ ആവശ്യപ്പെട്ട യുവതിയോട് ഇയാള്‍ ദേഷ്യപ്പെടുകയും ദേഹത്തു മണ്ണെണ്ണ ഒഴിക്കുകയുമായിരുന്നെന്ന് പോലീസ് പറയുന്നു.

ഭൊസാരി പറഞ്ഞത്

താന്‍ നിരപരാധിയാണെന്നും സംഭവം നടക്കുമ്പോള്‍ വീട്ടിലില്ലായിരുന്നുവെന്നുമാണ് ഭൊസാരി പോലീസിനോട് പറഞ്ഞത്.

യുവതിയുടെ മരണമൊഴി

എന്നാല്‍ ഭര്‍ത്താവ് തന്നെയാണ് തന്നെ മണ്ണെണ്ണ ഒഴിച്ച് തീയിട്ടതെന്ന യുവതിയുടെ മരണമൊഴിയുടെ അടിസ്ഥാനത്തില്‍ ഭൊസാരിയെ പോലീസ് അറസ്റ്റു ചെയ്യുകയായിരുന്നു

English summary

A man set his wife on fire after pouring kerosene on her when she asked for money to purchase milk on Thursday morning. The woman succumbed to 80 per cent of the burns