വനം വകുപ്പ് ഉദ്യോഗസ്ഥരെ വിറപ്പിച്ച് എംഎല്എ! കൈയ്യും കാലും വെട്ടുമെന്ന് ഫോണിലൂടെ ഭീഷണി
വനംവകുപ്പ് ഉദ്യോഗസ്ഥര്ക്കെതിരെ ഭീഷണിയുമായി കര്ണാടക കോണ്ഗ്രസ് എംഎല്എ. ശിവമോഗ എംഎല്എയായ ബികെ സംഗമേശ്വരയാണ് പ്രവര്ത്തകര്ക്ക് മുന്പില് വെച്ച് ഉദ്യോഗസ്ഥര്ക്കെതിരെ ഭീഷണി ഉയര്ത്തിയത്. വനഭൂമിയില് ക്ഷേത്രം പണിയുന്നത് എതിര്ത്തതിനാണ് ഉദ്യോഗസ്ഥര്ക്കെതിരെ എംഎല്എയുടെ ഭീഷണി.
'വനഭൂമിയില് ക്ഷേത്രം പണിയുക തന്നെ ചെയ്യും. ഗ്രാമത്തില് ഉള്ളവര് ഇവിടെ പൂജകള് ചെയ്തു കഴിഞ്ഞു. ആരും ക്ഷേത്രം പണിയുന്നതിന് തടസം നില്ക്കരുത്. ഗ്രാമവാസികള് ഇവിടെ അനുഷ്ഠാനം നടത്തും. ആരെങ്കിലും തടസം നിന്നാല് അവരുടെ കൈയ്യും കാലും വെട്ടും" ഉദ്യോഗസ്ഥരെ എംഎല്എ ഫോണിലൂടെ ഭീഷണിപ്പെടുത്തി.
Karnataka: Congress MLA BK Sangameshwara threatens forest officer over phone for allegedly stopping construction of a temple in Bhadravati: I am laying the foundation stone,villagers will start work,no officer will come to stop, otherwise I will chop off legs and hands.(31-12-18) pic.twitter.com/HRxQ1ZyykF
— ANI (@ANI) January 6, 2019
ബദ്രാവതിയില് ക്ഷേത്രം പണിയുന്നതിനായി ഡിസംബര് 31 നാണ് ഗ്രാമത്തിലുള്ളവര് തറക്കല്ലിട്ടത്. എന്നാല് വനമേഖലയാണെന്നും ക്ഷേത്രം നിര്മ്മിക്കണമെങ്കില് അനുമതി വേണ്ടിവരുമെന്നും വനം വകുപ്പ് ഉദ്യോഗസ്ഥര് അറിയിക്കുകയായിരുന്നു. തുടര്ന്ന് ഗ്രാമത്തിലുള്ളവര് ഉദ്യോഗസ്ഥര്ക്കെതിരെ എംഎല്എയെ സമീപിക്കുകയായിരുന്നു.