പശുവിനെ കൊന്നാല് ശിക്ഷ മരണം; പശുവിനെ കൊന്നാല് തൂക്കിലേറ്റുമെന്ന് ഛത്തീസ്ഗഡ് മുഖ്യമന്ത്രി
ബസ്തര്: പശുവിനെ കൊന്നാല് തൂക്കികൊല്ലുമെന്ന് ഛത്തീസ്ഗഡ് മുഖ്യമന്ത്രി രമണ്സിങ്. ഗോവധം നടത്തുന്നവര്ക്കെതിരെ കടുത്ത നടപടിയുണ്ടാകുമോയെന്ന മാധ്യമ പ്രവര്ത്തകരുടെ ചോദ്യത്തോടാണ് രമണ്സിങ് പ്രതികരിച്ചത്. ഗോവധം നടത്തുന്നവര്ക്ക് ജീവപര്യന്തം തടവുശിക്ഷ ലഭിക്കുംവിധം ഗുജറാത്തില് നിയമഭേദഗതി കൊണ്ടുവന്നിരുന്നു.
ഇതിന് പിന്നാലെയാണ് ഛത്തീസ്ഗഡ് മുഖ്യമന്ത്രിയുടെ പ്രഖ്യാപനം. ഉത്തര്പ്രദേശില് യോഗി ആദിത്യനാഥിന്റെ നേതൃത്വത്തിലുള്ള ബി.ജെ.പി സര്ക്കാരും അനധികൃത അറവുശാലകള്ക്കും ഇറച്ചിക്കടകള്ക്കും എതിരെ കര്ശന നടപടി സ്വീകരിച്ചിരുന്നു.
ഗുജറാത്തിലെ മൃഗസംരക്ഷണ നിയമം കഴിഞ്ഞ ദിവസമാണ് ഭേദഗതി ചെയ്തത്. ഗോവധത്തിന് ജീവപര്യന്തം തടവുശിക്ഷയും പശുവിനെ കടത്തുന്നവര്ക്ക് പത്തുവര്ഷം തടവും വ്യവസ്ഥചെയ്യും വിധമാണ് നിയമഭേദഗതി കൊണ്ടുവരുന്നത്.
Click it and Unblock the Notifications
Sign in with Google