വിജയുടെ ഭാവി മാറ്റിയെഴുതുമോ പേരമ്പൂർ? തമിഴ്നാട് തിരഞ്ഞെടുപ്പിലെ നിർണായക മണ്ഡലങ്ങൾ ഇവ

തമിഴ്നാട് നിയമസഭാ തിരഞ്ഞെടുപ്പിൽ ഇക്കുറി ശക്തമായ ത്രികോണ മത്സരമാണ് നടക്കുന്നത്. നടൻ വിജയിയുടെ തമിഴക വെട്രി കഴകം രംഗപ്രപ്രവേശം ചെയ്തതോടെ പതിറ്റാണ്ടുകളായി ഡിഎംകെയും എഐഎഡിഎംകെയും തമ്മിൽ നേരിട്ടുളള പോരാട്ടത്തിന് മാറ്റം വന്നിരിക്കുകയാണ്.

ടിവികെയുടെ രംഗപ്രവേശം തങ്ങൾക്ക് ഭീഷണിയല്ലെന്ന് ഡിഎംകെയും എഐഎഡിഎംകെയും അവകാശപ്പെടുന്നുണ്ട്. എങ്കിലും വിജയ്ക്ക് തിരഞ്ഞെടുപ്പിൽ കാര്യമായ സ്വാധീനം ചെലുത്താൻ കഴിയുമോ എന്നത് തമിഴകം ഉറ്റുനോക്കുന്നു. പുതുമുഖമായ വിജയ് പെരമ്പൂർ, തിരുച്ചിറപ്പള്ളി ഈസ്റ്റ് എന്നീ രണ്ട് മണ്ഡലങ്ങളിൽ നിന്നാണ് ജനവിധി തേടുന്നത്.

മുൻ മുഖ്യമന്ത്രി ഒ പനീർസെൽവത്തിന്റെ രാഷ്ട്രീയ നീക്കവും ശ്രദ്ധേയമാണ്. എഐഎഡിഎംകെയിൽ നിന്ന് പുറത്താക്കപ്പെട്ടതിനെ തുടർന്ന് ഡിഎംകെയിൽ ചേർന്ന അദ്ദേഹം, താൻ മുമ്പ് പ്രതിനിധീകരിച്ചിരുന്ന ബോഡിനായ്ക്കന്നൂർ മണ്ഡലത്തിൽ നിന്നുമാണ് ഇത്തവണ ജനവിധി തേടുന്നത്. തമിഴ്നാട് തിരഞ്ഞെടുപ്പിലെ നിർണ്ണായകമായ അഞ്ച് പോരാട്ടങ്ങൾ ഇതാ:

മാധവറാം

ഈ മണ്ഡലത്തിൽ നടക്കുന്നത് തുടർച്ചയും മാറ്റവും തമ്മിലുള്ള പോരാട്ടമാണ്. ഡിഎംകെയുടെ എസ് സുദർശനം വികസന പ്രവർത്തനങ്ങൾ ഉയർത്തിക്കാട്ടുമ്പോൾ, എഐഎഡിഎംകെയുടെ വി മൂർത്തി നിലവിലെ സർക്കാരിനെതിരായ വികാരം മുതലെടുക്കാൻ ശ്രമിക്കുന്നു. എൻടികെയുടെ കൃതിക എളുമലൈയുടെ സാന്നിദ്ധ്യം വോട്ടുകൾ ഭിന്നിപ്പിച്ച് നഗര വോട്ടർമാരുടെ നിലപാടിൽ നിർണ്ണായക സ്വാധീനം ചെലുത്തിയേക്കാം.

മധുരവോയൽ

ഇവിടെ മുൻ മന്ത്രി പി ബെഞ്ചമിൻ രാഷ്ട്രീയ തിരിച്ചുവരവ് ലക്ഷ്യമിടുമ്പോൾ സിറ്റിംഗ് എംഎൽഎ എൽ ഗണപതിയാണ് എതിരാളി. എൻടികെയുടെ രേവതിയും മത്സരത്തിനുണ്ട്. അടിസ്ഥാന സൗകര്യ വികസനം ഒരുവശത്ത് നിലനിൽക്കുമ്പോൾ, ഗതാഗതക്കുരുക്കും പ്രാദേശിക പ്രശ്നങ്ങളും വോട്ടർമാരെ സ്വാധീനിച്ചേക്കും. മൂന്നാമതൊരു കക്ഷിയുടെ സാന്നിധ്യം ചെറിയ വോട്ട് വ്യതിയാനങ്ങൾ പോലും ഫലം നിശ്ചയിക്കുന്ന നിർണ്ണായക പോരാട്ടമായി ഇതിനെ മാറ്റുന്നു.

പേരമ്പൂർ

നടൻ വിജയ് തിരഞ്ഞെടുപ്പ് രാഷ്ട്രീയത്തിൽ അരങ്ങേറ്റം കുറിക്കുന്ന പെരമ്പൂർ മണ്ഡലം ഏറെ ശ്രദ്ധേയമാണ്. ഡിഎംകെയുടെ ആർഡി ശേഖർ, എൻടികെയുടെ വെട്രിത്തമിഴൻ എന്നിവരാണ് മറ്റ് സ്ഥാനാർത്ഥികൾ. പെരമ്പൂർ തമിഴക വെട്രി കഴകത്തിന്റെ ലോഞ്ച്പാഡ് കൂടിയാണ്; ഇവിടെ മികച്ച പ്രകടനം നടത്തിയാൽ വിജയ്ക്ക് ശക്തമായ രാഷ്ട്രീയ ശക്തിയായി ഉയരാൻ കഴിയും.

ശ്രീപെരുമ്പത്തൂർ

ഈ മണ്ഡലത്തിലെ പോരാട്ടത്തിന് മണ്ഡലത്തിനപ്പുറം പ്രാധാന്യമുണ്ട്. കോൺഗ്രസ്/ഡിഎംകെ സഖ്യത്തിലെ കെ. സെൽവപെരുന്തകൈ, എഐഎഡിഎംകെയുടെ കെ. പളനി, ടിവികെയുടെ കെ. തെന്നരശ് എന്നിവരാണ് ഇവിടെ സ്ഥാനാർത്ഥികൾ. ഡിഎംകെ സഖ്യത്തിൽ കോൺഗ്രസിന് ഇത് അഭിമാന പോരാട്ടമാണ്. വിജയിച്ചാൽ പ്രസക്തി കൂടും, തോറ്റാൽ ശക്തിയെക്കുറിച്ച് ചോദ്യങ്ങളുയരും.

മൈലാപ്പൂർ

മൈലാപ്പൂരിലെ മത്സരം ശക്തരായ സ്ഥാനാർത്ഥികൾ തമ്മിലാണ്. ഡിഎംകെയുടെ ധ വേലുവും ബിജെപിയുടെ തമിഴിസൈ സൗന്ദരരാജനും. ബിജെപിക്ക് സ്വാധീനം വർദ്ധിപ്പിക്കാനും ഡിഎംകെയ്ക്ക് കോട്ട നിലനിർത്താനും ശ്രമിക്കുന്ന പ്രധാന നഗര പോരാട്ടക്കളമാണിത്. ഇവിടുത്തെ രാഷ്ട്രീയ ബോധമുള്ള വോട്ടർമാർ ഭരണത്തിലും പൗരസേവനങ്ങളിലും ശ്രദ്ധിക്കുന്നു,