ദുര്‍മന്ത്രവാദിയെന്ന് ആരോപണം, ആദിവാസി സ്ത്രീയെ നഗ്നയാക്കി നടത്തി മലിന ജലം കുടിപ്പിച്ചു

ഭോപ്പാല്‍: ആദിവാസികളോടുള്ള ക്രൂരത വീണ്ടും തുടരുന്നു. ദുര്‍മന്ത്രവാദിയെന്ന് ആരോപിച്ച് 35കാരിയെ നഗ്നയാക്കി നടത്തിച്ചു. മധ്യപ്രദേശിലെ ബഖാര്‍ ഗ്രാമത്തിലാണ് സംഭവം നടന്നത്. കോരുക് ആദിവാസി വിഭാഗത്തില്‍പ്പെട്ട സ്ത്രീയെയാണ് നഗ്നയാക്കി നടത്തിച്ചത്.

നാട്ടുകാര്‍ സ്ത്രീയെ വീട്ടില്‍ നിന്നും വലിച്ചിറക്കി ഉപദ്രവിക്കുകയായിരുന്നു. സ്ത്രീയുടെ വസ്ത്രങ്ങള്‍ വലിച്ചു കീറിയശേഷം നഗ്നയാക്കി നടത്തിക്കുകയായിരുന്നു. മലിന ജലം സ്ത്രീയെ കുടിപ്പിക്കുകയും ചെയ്തുവെന്നാണ് പറയുന്നത്.

ഓവു ചാലിലെ വെള്ളമാണ് സ്ത്രീയെ കൊണ്ട് കുടിപ്പിച്ചത്. സ്ത്രീയെ നാട്ടുകാര്‍ മര്‍ദ്ദിക്കുകയും ചെയ്തിരുന്നുവെന്ന് ഭര്‍ത്താവ് പറയുന്നു. ക്രൂരത തടയാന്‍ ശ്രമിച്ച യുവതിയുടെ ഭര്‍ത്താവിനെ നാട്ടുകാര്‍ തല്ലിയോടിക്കുകയാണ് ചെയ്തത്.

യുവതിയുടെ ഭര്‍ത്താവ് സംഭവം പോലീസില്‍ അറിയിച്ചെങ്കിലും പോലീസ് എത്തുമ്പോഴേക്കും സ്ത്രീയെ ക്രൂരമായി മര്‍ദ്ദിച്ചിരുന്നു. പരിക്കേറ്റ യുവതിയെ ആശുപത്രിയില്‍ എത്തിക്കുകയും ചെയ്തു. സംഭവത്തില്‍ പോലീസ് കേസ് എടുത്തിട്ടുണ്ട്.

English summary

In a shocking incident in Madhya Pradesh, A 35-year-old woman who belongs to Adivasi's Koruk community was paraded naked by villagers in Khandva.