അച്ഛന് പീഡിപ്പിച്ചെന്ന് മകളുടെ വ്യാജപരാതി
ലഖ്നൊ: കാര് വാങ്ങിക്കൊടുക്കാത്ത ദേഷ്യം തീര്ക്കാനായി അച്ഛനെ പീഡകനാക്കി മകള്. തനിക്കും ഭര്ത്താവിനും അച്ഛന് കാര് വാങ്ങിത്തരാത്തതിന് പകരം വീട്ടാന് വേണ്ടിയാണ് യുവതി അച്ഛനെതിരെ പീഡനക്കേസിന് പോലീസില് പരാതി നല്കിയത്. അച്ഛന് അശ്ലീല എം എം എസ് ഉണ്ടാക്കി ഭീഷണിപ്പെടുത്തുന്നു എന്നായിരുന്നു മകളുടെ പരാതി.
സംശയം തോന്നിയ പോലീസ് അന്വേഷിച്ച് ചെന്നപ്പോഴാണ് സംഗതിയുടെ കിടപ്പ് വശം പുറത്തായത്. ഭര്ത്താവിനും തനിക്കും കാര് വാങ്ങിത്തരാന് വിസമ്മതിച്ച അച്ഛനെ ഒരു പാഠം പഠിപ്പിക്കാന് വേണ്ടി മകള് നല്കിയ വ്യാജ പരാതിയായിരുന്നു അത്. തന്നെ പീഡിപ്പിച്ച് അശ്ലീല എം എം എസ് ഉണ്ടാക്കിയെന്നും അത് ഇന്റര്നെറ്റില് ഇടുമെന്ന് പറഞ്ഞ് ഭീഷണിപ്പെടുത്തുന്നു എന്നുമായിരുന്നു പരാതി.
സര്ക്കാര് ഉദ്യോഗസ്ഥനായ അച്ഛനെതിരെയും മറ്റ് പേര്ക്കെതിരെയുമാണ് പരാതി നല്കിയത്. എന്നാല് അച്ഛനും മറ്റുള്ളവര്ക്കും എതിരെ ഒരു തെളിവും കിട്ടാതായതോടെയാണ് പോലീസ് പെണ്കുട്ടിയെ ശരിക്കൊന്ന് ചോദ്യം ചെയ്ത് നോക്കിയത്.
വിവാഹസമയത്ത് മകളുടെ ഭര്ത്താവിന് കാര് വാങ്ങിക്കൊടുക്കാമെന്ന് പറഞ്ഞിരുന്നത്രെ. എന്നാല് പിന്നീട് ഉണ്ടായ കുടുംബ വഴക്കിനെ തുടര്ന്ന് ഈ വിവാഹം മുടങ്ങി. വിവാഹം മുടങ്ങിയെങ്കിലും പെണ്കുട്ടി വരന്റെ കൂടെ ഒളിച്ചോടിപ്പോയി. ഒളിച്ചോടി വിവാഹം കഴിച്ച് വര്ഷങ്ങള്ക്ക് ശേഷമാണ് കാറിന്റെ പേരില് അച്ഛനെതിരെ മകള് വ്യാജ പരാതി നല്കിയത്. അമര് ഉജാലയാണ് സംഭവം റിപ്പോര്ട്ട് ചെയ്തത്.