യുവതിയുടെ വയറ്റില് 40കിലോഗ്രാം ഭാരമുള്ള കല്ല്
റായ്പൂര്: ശരീരത്തിന്റെ വിവിധ ഭാഗങ്ങളില് നിന്ന് കിലോകണക്കിന് ഭാരമുള്ള മുഴകള് നീക്കുന്നത് സ്വാഭാവികമല്ലെങ്കിലും വാര്ത്തകളാണ്. പക്ഷെ രണ്ട് വര്ഷത്തോളം 40 കിലോ ഗ്രാം ഭാരമുള്ള കല്ല് വയറ്റില് കിടന്നാല് എങ്ങനെ ഇരിക്കും. എന്നാല് അങ്ങനെ ഒന്നുണ്ടായി.
ഛത്തിസ്ഗഢിലെ റായ്പൂരിലാണ് സംഭവം. യുവതിയുടെ വയറ്റില് നിന്ന് 40 കിലോഗ്രാം ഭാരമുള്ള കല്ല് ശാസ്ത്രക്രിയയിലൂടെ നീക്കം ചെയ്തെന്ന് പ്രമുഖ ദേശീയ മാധ്യമമായ സിഎന്എന് ഐബിഎന് ആണ് റിപ്പോര്ട്ട് ചെയ്തത്.
രണ്ട് വര്ഷമായി സ്ത്രീ കഠിന വയറു വേദന അനുഭവിക്കുകയായിരുന്നു. ഇക്കാര്യം ബന്ധുക്കളോട് പറഞ്ഞെങ്കിലും ഗര്ഭിണിയാണെന്നാണ് അവര് വിശ്വസിച്ചിരുന്നത്. ഒടുവില് പരിശോധന നടത്തിയപ്പോഴാണ് കുഞ്ഞല്ല, കല്ലാണ് വയറ്റിലുള്ളതെന്ന് തിരിച്ചറിഞ്ഞത്.
ഛത്തീസ്ഗഢിലെ അംബികാപൂര് സൂപ്പര് സ്പെഷാലിറ്റി ഹോസ്പിറ്റല് ഡോക്ടര്മാരാണ് 40 കിലോ ഭാരമുള്ള കല്ല് യുവതിയുടെ വയറ്റില് നിന്ന് ശാസ്ത്രക്കിയയിലൂടെ നീക്കം ചെയ്തത്. യുവതി സുഖം പ്രാപിച്ചുവരികയാണെന്ന് ആശുപത്രി അധികൃതര് അറിയിച്ചു.
അടുത്തിടെ ചെക്ക് റിപ്പബ്ലിക്കിലെ ഒരു യുവതിയുടെ വയറ്റില് നിന്ന് 40 കിലോ ഭാരമുള്ള ഭീന് ട്യൂമര് നീക്കം ചെയ്തത് വാര്ത്തയായിരുന്നു.