Click it and Unblock the Notifications
Just In
Don't Miss
-
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്‌റ്റ് ഓഫീസ് പദ്ധതി -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്‌നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പൂര്‍ണ ഗര്‍ഭിണിക്ക് ചികില്‍സ നിഷേധിച്ചു; ഇടനാഴിയില്‍ ജനങ്ങള്‍ക്ക് മുമ്പില്‍ പ്രസവം, നടുക്കുന്ന സംഭവം
ലഖ്‌നൗ: ഡോക്ടര്‍മാരുടെയും ആശുപത്രി ജീവനക്കാരുടെയും കുറ്റകരമായ അവഗണന പൂര്‍ണഗര്‍ഭിണിക്ക് സമ്മാനിച്ചത് നരകയാതന. ആശുപത്രിയിലെ അസൗകര്യങ്ങള്‍ ചൂണ്ടിക്കാട്ടി ചികില്‍സ നിഷേധിക്കപ്പെട്ട യുവതി ആളുകള്‍ക്കിടയില്‍ ആശുപത്രിയിലെ ഇടനാഴിയില്‍ പ്രസവിച്ചു. ഉത്തര്‍ പ്രദേശിലെ ഫാറൂഖാബാദിലുള്ള രാം മനോഹര്‍ ലോഹ്യ ഗവണ്‍മെന്റ് ആശുപത്രിയിലാണ് നടുക്കുന്ന സംഭവം.
പ്രസവ ശേഷം നല്‍കാന്‍ കിടക്കയില്ലെന്ന് ചൂണ്ടിക്കാട്ടിയാണ് ഡോക്ടര്‍മാര്‍ പൂര്‍ണഗര്‍ഭിണിയെ അഡ്മിറ്റ് ചെയ്യാതിരുന്നത്. പ്രസവ വേദനയുമായി എത്തിയ യുവതിയോടാണ് ഡോക്ടര്‍മാര്‍ ക്രൂരത കാണിച്ചത്. മറ്റേതെങ്കിലും ആശുപത്രിയില്‍ പോകാന്‍ ആവശ്യപ്പെടുകയായിരുന്നു. ഫാറൂഖാബാദ് ജില്ലയിലെ അത്യാധുനിക സൗകര്യമുള്ള ഏക സര്‍ക്കാര്‍ ആശുപത്രിയാണ് രാം മനോഹര്‍ ലോഹ്യ ഹോസ്പിറ്റല്‍.
യുവതി ആശുപത്രിയിലെ ഇടനാഴിയില്‍ പ്രസവിക്കുന്ന രംഗം ചിലര്‍ മൊബൈലില്‍ പകര്‍ത്തുകയും മാധ്യമപ്രവര്‍ത്തകര്‍ക്ക് കൈമാറുകയുമായിരുന്നു. രക്തത്തില്‍ കുളിച്ചുകിടക്കുന്ന യുവതിയുടെ ദൃശ്യമാണ് വീഡിയോയില്‍. കുഞ്ഞിനെ നിലത്ത് കിടത്തിയരിക്കുന്നതും കാണാം. അല്‍പ്പ നേരം കഴിഞ്ഞ് യുവതിയുടെ ബന്ധുവെന്ന് തോന്നിക്കുന്ന മറ്റൊരു സ്ത്രീ കുഞ്ഞിനെ എടുക്കുകയും തുണിയില്‍ പൊതിയുകയും ചെയ്തു.
പ്രസവ ശേഷം യുവതിയെ ഡോക്ടര്‍മാര്‍ ലേബര്‍ റൂമിലേക്ക് മാറ്റിയെന്ന് റിപ്പോര്‍ട്ടുകള്‍ വ്യക്തമാക്കുന്നു. സംഭവത്തെ കുറിച്ച് ജില്ലാ കളക്ടര്‍ മോണിക്കാ റാണി അന്വേഷണം ആവശ്യപ്പെട്ടു. കുറ്റക്കാര്‍ക്കെതിരെ ശക്തമായ നടപടിയെടുക്കുമെന്ന് കളക്ടര്‍ പറഞ്ഞു. 2017ലും ഫാറൂഖാബാദിലെ ഈ ആശുപത്രി മാധ്യമങ്ങളില്‍ നിറഞ്ഞിരുന്നു. മരുന്നുകള്‍ ലഭിക്കാത്തതിനെ തുടര്‍ന്ന് നവജാത ശിശുക്കള്‍ മരിച്ചതായിരുന്നു അന്നത്തെ വാര്‍ത്ത.
