കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഒളിച്ചോടിയ വീട്ടമ്മയ്ക്കും കാമുകനും ചാട്ടയടി; ഖാപ് പഞ്ചായത്തിന്റെ ശിക്ഷ

  • By Anwar Sadath
Google Oneindia Malayalam News

ഛോട്ടാ ഉദയ്പുര്‍: ഒളിച്ചോടിയ കാമുകനും കാമുകിക്കും ചാട്ടയടി ശിക്ഷ നല്‍കിയ ഖാപ് പഞ്ചായത്തിനെതിരെ പോലീസ് അന്വേഷണം. ഗുജറാത്തിലെ ഛോട്ടാ ഉദയ്പുര്‍ ജില്ലയിലാണ് സംഭവം. കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി പോലീസ് അറിയിച്ചു. ചാട്ടയടിയുടെ വീഡിയോ വാട്‌സ് ആപ് വഴി വൈറലായതിനെ തുടര്‍ന്നാണ് സംഭവം പുറത്തറിയുന്നത്.

സ്ത്രീയെയും പുരുഷനെയും ഒരാള്‍ ചാട്ടവാര്‍ കൊണ്ട് നിര്‍ദ്ദയം അടിക്കുന്ന വീഡിയോ ആണ് വൈറലായത്. ഛോട്ടാ ഉദയ്പുരിലെ കലേദിയ ഗ്രാമത്തിലാണ് സംഭവമെന്ന് പോലീസ് സൂപ്രണ്ട് പി സി ബരന്ദ അറിയിച്ചു. ഒളിച്ചോടിയ ലളിതയെയും കാമുകന്‍ സോമ തദ്വിയേയും ലളിതയുടെ കാമുകന്‍ ദിനേഷ് തദ്വി ആണ് ചാട്ടകൊണ്ട് അടിച്ചത്.

women

ഏറെക്കാലമായി പ്രണയത്തിലായിരുന്ന ലളിതയും സോമയും ഒരു മാസം മുന്‍പ് ഒളിച്ചോടിയിരുന്നു. സൗരാഷ്ട്ര പ്രദേശത്തേക്ക് ഒളിച്ചോടിയ ഇരുവരെയും പിടികൂടുകയും ചെയ്തു. ഇതിനുശേഷം ഖാപ് പഞ്ചായത്തിന് മുന്നില്‍ ഹാജരാക്കിയപ്പോഴാണ് ശിക്ഷ വിധിച്ചത്. ദിനേഷിന് സോമ 2 ലക്ഷം രൂപ നല്‍കണമെന്നായിരുന്നു ഖാപ് പഞ്ചായത്തിന്റെ വിധി.

പണം നല്‍കിയില്ലെങ്കില്‍ ഇരുവര്‍ക്കും ചാട്ടയടി ശിക്ഷനല്‍കാനും തീരുമാനിച്ചു. നിര്‍മാണ തൊഴിലാളിയായ ദിനേഷിന് ഇത്രയും വലിയ തുക നല്‍കാന്‍ സാധിക്കാത്തതോടെയാണ് ചാട്ടയടി ശിക്ഷ നടപ്പാക്കിയത്. സോമയുടെ പിതാവ് ഗജു തദ്വിയുടെ പരാതി പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. പ്രതികള്‍ ഒളിവില്‍ പോയതായാണ് സൂചന. ഇവരെ ഉടന്‍ പിടികൂടുമെന്ന് അന്വേഷണ സംഘം പറഞ്ഞു.

English summary
Woman, paramour whipped on khap panchayat order in Gujarat
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X