കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മദ്യപിച്ച ടിടിഇ യാത്രക്കാരിയെ തള്ളിയിട്ട് കൊന്നു

  • By Aswathi
Google Oneindia Malayalam News

മുംബൈ: മദ്യപിച്ച് ലക്കുകെട്ട ടി ടി ഇ യാത്രക്കാരിയെ ട്രെയിനില്‍ നിന്ന് തള്ളിയിട്ട് കൊന്നു. ജനറല്‍ ക്ലാസ് ടിക്കറ്റുമായി എക്‌സ്പ്രസ് ട്രെയിനിലെ എ സി കമ്പാര്‍ട്ട്‌മെന്റില്‍ അബദ്ധത്തില്‍ കയറിപ്പോയ 38കാരിയായ ഉജ്ജ്വാല പാണ്ഡയെയാണ് മദ്യലഹരിയിലായരുന്ന ടി ടി ഇ ട്രെയിനില്‍ നിന്ന് തള്ളിയിട്ട് കൊന്നത്. സംഭവവുമായി ബന്ധപ്പെട്ട് ടി ടി ഇ സുലന്‍കെയെ പൊലീസ് അറസ്റ്റ് ചെയ്തു.

മഹാരാഷ്ട്രയിലെ ജാര്‍ഗോണ്‍ ജില്ലയിലാണ് സംഭവം. ഖന്ദ്വയിലേക്ക് പോകാന്‍ പത്തുവയസ്സുകാരിയായ മകള്‍ക്കൊപ്പം എത്തിയതായിരുന്നു ഉജ്ജ്വല. ജനറല്‍ ക്ലാസ് ടിക്കറ്റെടുത്ത്, രാജേന്ദ്ര നഗര്‍ പാട്‌ന എക്‌സപ്രസിലെ(13202)എസി കംബാര്‍ട്ട്‌മെന്റില്‍ കയറിയ ഇവരെ ടി ടി ഇ തള്ളിയിട്ടു. പ്ലാറ്റ്‌ഫോമില്‍ വീണ സ്ത്രീ വണ്ടി പോകുമെന്ന് കണ്ട് അതേ കംബാര്‍ട്ട്‌മെന്റില്‍ വീണ്ടും കയറാന്‍ ശ്രമിച്ചപ്പോഴാണ് ടി ടി ഇ ഇവരെ പുറത്തേക്ക് തള്ളിയത്.

train-tracks

നിയന്ത്രണം കിട്ടാതെ സ്ത്രീ പാളത്തില്‍ വീണു. പ്ലാറ്റഫോമിനും കോച്ചിനുമിടയില്‍ കുടുങ്ങിയ ഇവരുടെ ശരീരത്തിലൂടെ വണ്ടി കയറിയിറങ്ങുകയായിരുന്നുവെന്ന് യാത്രയയ്ക്കാനെത്തിയ ബന്ധു രഹുല്‍ പുരോഹിത് പൊലീസിന് നല്‍കിയ പരാതിയില്‍ പറയുന്നു. ടി ടി ഇ മദ്യപിച്ചിട്ടുണ്ടായിരുന്നു എന്ന് രാഹുല്‍ നല്‍കിയ പരാതിയില്‍ വ്യക്തമാക്കുന്നുണ്ട്.

യാത്രക്കാര്‍ രോഷാകുലരായതോടെ ടി ടി ഇ പാന്‍ട്രികോച്ചില്‍ ഒളിച്ചെങ്കിലും രാഹുലും യാത്രക്കാരും ചേര്‍ന്ന് ഇയാളെ പിടികൂടി റെയില്‍വെ പൊലീസില്‍ ഏല്‍പ്പിച്ചു. ഇയാള്‍ക്കെതിരെ വധശ്രമത്തിന് കേസെടുത്തിട്ടുണ്ടെങ്കിലും കൊലക്കുറ്റം ചുമത്തിയിട്ടില്ല.

English summary
Woman passenger dies after being pushed out of train by 'drunk' TTE in Maharashtra
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X