കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വനിതാ പോലീസ് ആത്മഹത്യ ചെയ്തു; സഹപ്രവര്‍ത്തകനെ സംശയം

  • By Anwar Sadath
Google Oneindia Malayalam News

ജോധ്പുര്‍: ജോധ്പൂരിലെ മന്‍ഡോര്‍ പോലീസ് സ്‌റ്റേഷനിലെ വനിതാ പോലീസ് കോണ്‍സ്റ്റബിള്‍ ശോഭയെ ആത്മഹത്യ ചെയ്ത നിലയില്‍ കണ്ടെത്തി. ശോഭയെ അവരുടെ വീട്ടില്‍ അവശ നിലയില്‍ കണ്ടെത്തുകയായിരുന്നു. അയല്‍ക്കാര്‍ ഉടന്‍ ആശുപത്രിയില്‍ എത്തിച്ചെങ്കിലും മണിക്കൂറുകള്‍ക്കകം മരിച്ചു. ശോഭ വിഷം കഴിച്ചതാണെന്ന് ഡോക്ടര്‍മാര്‍ അറിയിച്ചു.

ശോഭയുടെ മരണകാരണം ഇതുവരെ വ്യക്തമായിട്ടില്ലെങ്കിലും സഹപ്രവര്‍ത്തകനായ ഒരു പോലീസ് ഉദ്യോഗസ്ഥന് ശോഭയുടെ മരണത്തില്‍ പങ്കുള്ളതായി സംശയിക്കുന്നുണ്ടെന്ന് ബന്ധുക്കള്‍ പറഞ്ഞു. ഈ സഹപ്രവര്‍ത്തകനെതിരെ ജോലി സ്ഥലത്തെ പീഡനത്തിന് ശോഭ അടുത്തിടെ പരാതി നല്‍കിയിരുന്നു. ഇതിനുശേഷം ശോഭയ്ക്ക് മാനസികമായ പീഡനം ഏല്‍ക്കേണ്ടിവന്നെന്നാണ് സൂചന.

suicide

ശോഭയുടെ പീഡന പരാതി വകുപ്പുതലത്തിലെ തന്റെ സ്വാധീനം ഉപയോഗിച്ച് പോലീസുകാരന്‍ ഒതുക്കിയതായി ആരോപണമുണ്ടായിരുന്നു. ഇതിനു പിന്നാലെ പരാതി പിന്‍വലിക്കാന്‍ ശോഭയ്‌ക്കെതിരെ സമ്മര്‍ദ്ദവുമുണ്ടായതായി പറയുന്നു. ശോഭയുടെ പേരു മോശമാക്കുമെന്നതടക്കമുള്ള ഭീഷണി സഹിക്കാന്‍ കഴിയാതായതോടെ അവര്‍ ആത്മഹത്യ ചെയ്യുകയാണന്നാണ് നിഗമനം.

ഇതുവരെ ആത്മഹത്യ കുറിപ്പുകളൊന്നും കണ്ടെത്തിയിട്ടില്ല. അതേസമയം, ആരോപണവിധേയനായ ഉദ്യോഗസ്ഥന് പിടിപാടുള്ളതിനാല്‍ ശോഭയുടെ മരണത്തിലുള്ള അന്വേഷണം അട്ടിമറിക്കപ്പെടുമെന്ന് ബന്ധുക്കള്‍ ആശങ്ക പ്രകടിപ്പിച്ചു. പോലീസ് ഉദ്യോഗസ്ഥയായിട്ടും ജോലി സ്ഥലത്ത് പീഡനം ഏല്‍ക്കേണ്ടിവരുമ്പോള്‍ സാധാരണക്കാരുടെ കാര്യം അതിലും ബുദ്ധിമുട്ടാണെന്ന് നാട്ടുകാര്‍ പറഞ്ഞു.

English summary
Woman police constable commits suicide in Jodhpur
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X