സ്ത്രീയോട് മോശമായി പെരുമാറിയ പോലിസുകാരന് സംഭവിച്ചത്!! ജനങ്ങള് സാക്ഷി!! വീഡിയോ വൈറല്
പോലിസുകാരനെ സ്ത്രീ പരസ്യമായി കൈകാര്യം ചെയ്യുകയായിരുന്നു
അഹ്മദാബാദ്: അപമര്യാദയായി പെരുമാറിയാല് പോലിസിനും ഇക്കാലത്തു രക്ഷയില്ല. ഇതു തെളിയിച്ച് വീണ്ടുമൊരു സംഭവം കൂടി. ഗുജറാത്തിലാണ് പോലിസുകാരനെ സ്ത്രീ പരസ്യമായി മര്ദ്ദിച്ചത്.
ഒധാവ് പോലിസ് സ്റ്റേഷനിലെ എഎസ്ഐ ആയ അമൃജിത്ത് ഖത്തൂജിയെയാണ് സ്ത്രീ പരസ്യമായി മര്ദ്ദിച്ചത്. മദ്യപിച്ച ലക്കുകെട്ട ഇയാള് പച്ചക്കറിക്കച്ചവടം നടത്തുന്ന സ്ത്രീയോട് അപമര്യാദയായി പെരുമാറുകയായിരുന്നു.
സ്ത്രീയില് നിന്നു ഖത്തൂജിക്ക് നന്നായി തല്ലു കിട്ടിയെന്ന് വീഡിയോ തെളിയിക്കുന്നു. കോളറില് പിടിച്ചുവലിച്ച് റോഡിലേക്കിട്ട സ്ത്രീ പോലിസുകാരനെ മര്ദ്ദിക്കുകയായിരുന്നു. ഇതു കണ്ട് ജനങ്ങള് ചുറ്റുംകൂടി സത്രീയെ കൈയടിച്ച് പ്രോല്സാഹിപ്പിക്കുകയും ചെയ്തു. അയാളുടെ പാന്റ് ഊരി മാറ്റൂവെന്ന് ജനം ആക്രോശിക്കുന്നതും വീഡിയോയില് കാണാം. ഏകദേശം 20 മിനിറ്റോളം സംഭവം നീണ്ടുനിന്നു.
ഖത്തൂജിയെ സ്ത്രീ പരസ്യമായി മര്ദ്ദിക്കുന്നതിന്റെ വീഡിയോ സോഷ്യല് മീഡിയകളിലൂടെ വൈറലായതോടെയാണ് ഉയര്ന്ന ഉദ്യോഗസ്ഥര് സംഭവത്തെക്കുറിച്ച് അറിയുന്നത്.
തിങ്കളാഴ്ച വൈകീട്ട് എഎസ്ഐ ഖത്തൂജിയെ ബാപ്പുനഗര് പോലിസ് അറസ്റ്റ് ചെയ്തിരുന്നു. മദ്യപിച്ച് അപമര്യാദയായി പെരുമാറിയതിന് ഇയാള്ക്കെതിരേ കേസെടുക്കുകയും ചെയ്തു.
അന്വേഷണവിധേയമായി ഖത്തൂജിയെ സര്വീസില് നിന്നു സസ്പെന്റ് ചെയ്തിട്ടുണ്ട്. വീഡിയോയില് കാണുന്ന സ്ത്രീയെ കണ്ടെത്താനാണ് ഇനി ശ്രമമെന്നും അപമാനിക്കാന് ശ്രമിച്ചുവെന്ന അവരുടെ പരാതി ലഭിച്ചാല് കൂടുതല് നടപടികള് സ്വീകരിക്കുമെന്നും മുതിര്ന്ന ഉദ്യോഗസ്ഥര് അറിയിച്ചു.
വീഡിയോ കാണാം