ഡിഎംകെയ്ക്കും എഐഎഡിഎംകെയ്ക്കും വോട്ട് പിടിക്കാന് ഒരേ നടി... ഇതെന്തൊരത്ഭുതം, വീഡിയോ കാണൂ...
ഉറ്റവരെല്ലാം ഉപേക്ഷിച്ചാലും പേടിക്കേണ്ട കാര്യമില്ല, തമിഴ്നാട്ടിലെ പ്രായമായ ആളുകള്ക്ക് അമ്മ ജയലളിത കൂട്ടിനുണ്ട് - 16 ന് തിരഞ്ഞെടുപ്പ് നടക്കാനിരിക്കേ ഭരണകക്ഷിയായ എ ഐ എ ഡി എം കെയുടെ വകയായി പ്രചരിക്കുന്ന ഒരു പരസ്യചിത്രമാണ് ഇത്. മക്കളെല്ലാം ഉപേക്ഷിച്ച ഒരു സ്ത്രീ, ക്ഷേത്രത്തിന് സമീപത്തിരുന്ന് ഭക്ഷണം കഴിച്ചുകൊണ്ട് താന് അവഗണിക്കപ്പെട്ട കഥ പറയുന്നതാണ് പരസ്യത്തില്. ആരുമില്ലാത്തവര്ക്ക് അമ്മയുണ്ട് എന്നതാണ് പരസ്യത്തിന്റെ സന്ദേശം.
മറ്റൊരു പരസ്യചിത്രത്തില് ഇതേ സ്ത്രീ, നാട്ടില് നടക്കുന്ന ഈ ദുര്ഭരണം അവസാനിക്കാന് വേണ്ടി ശബ്ദമുയര്ത്തുന്നത് കാണാം. സാധാരണക്കാര്ക്ക് വേണ്ടി പ്രവര്ത്തിക്കുന്നതില് ഭരിക്കുന്ന പാര്ട്ടിയുടെ നേതാക്കള് പരാജയപ്പെട്ടു എന്നും ഇവര് പറയുന്നു. തമിഴ്നാട്ടിലെ പ്രതിപക്ഷ പാര്ട്ടിയായ ഡി എം കെയുടെ ചിഹ്നത്തോട് കൂടിയാണ് ഈ പരസ്യം. അത്ഭുതപ്പെടേണ്ട ഈ പരസ്യത്തിന് പിന്നില് ഡി എം കെ തന്നെയാണ്.
ഒരേസമയം ഡി എം കെയുടെയും എ ഐ എ ഡി എം കെയുടെയും പരസ്യങ്ങളില് പ്രത്യക്ഷപ്പെട്ട് ശ്രദ്ധേയയായ ഈ നടിയുടെ പേര് കസ്തൂരി പാട്ടി. വയസ്സ് 67. കഴിഞ്ഞ 25 വര്ഷത്തോളമായി സിനിമാ ഫീല്ഡിലുള്ള ഇവര് മുന്നൂറോളം ചിത്രങ്ങളില് അഭിനയിച്ചിട്ടുണ്ട്. ഡി എം കെയുടെ പരസ്യത്തില് അഭിനയിച്ചതിന് ഇവര്ക്ക് കിട്ടിയത് വെറും 500 രൂപ. എ ഐ എ ഡി എം കെയുടെ പരസ്യത്തില് അഭിനയിച്ചതിന് 1500 രൂപ കിട്ടി. താന് ഒരു പാര്ട്ടിയുടെയും ആളല്ല എന്നാണ് കസ്തൂരി പാട്ടി പറയുന്നത്. കസ്തൂരി പാട്ടിയുടെ രണ്ട് പരസ്യങ്ങളും കാണൂ..