മഹാരാഷ്ട്രയില്‍ വീണ്ടും സതി?

മുംബൈ: മുംബൈയിലെ ലാത്തൂരില്‍ ഭര്‍ത്താവിന്റെ ചിതയില്‍ നിന്ന് ഭാര്യയുടെ കത്തിക്കരിഞ്ഞ മൃതദേഹം കണ്ടെത്തി. ഭാര്യയുടെ മൃതദേഹം കണ്ട സാഹചര്യത്തില്‍ ഇത് സതി അനുഷ്ഠാനമാണോ എന്ന് സംശയിക്കപ്പെടുന്നു.

ലോഹത ഗ്രാമത്തില്‍ മരിച്ച തുക്കാറാം മനെയുടെ ചിതയില്‍ നിന്നാണ് ഭാര്യ ഉഷയുടെ കത്തിക്കരിഞ്ഞ മൃതദേഹം കണ്ടെത്തിയത്.

ഞായറാഴ്ചയാണ് ഹൃദയാഘാതംമൂലം 55 കാരനായ തുക്കാറാം മരിച്ചത്. തിങ്കളാഴ്ച വൈകുന്നേരം ശവസംസ്‌കാരം നടന്നു. ഇതിനുപിന്നാലെ തുക്കാറാമിന്റെ ഭാര്യ 50 കാരിയായ ഉഷയെ കാണാതാകുകയായിരുന്നു. പിന്നീടാണ് അവരുടെ മൃതദേഹം ചിതയില്‍നിന്നു കണ്ടെടുത്തത്. കില്ലാരി പോലിസ് കേസെടുത്ത് അന്വേഷണം ആരംഭിച്ചു.

ഭാര്യ ജീവിച്ചിരിക്കെ ഭര്‍ത്താവു മരിച്ചാല്‍ ഭര്‍ത്താവിന്റെ ചിതയില്‍ ചാടി ഭാര്യ മരിക്കുന്ന ദുരാചാരത്തെയാണ് സതി എന്നു പറയുന്നത്. രജപുത്ര വംശത്തിലായിരുന്നു സതി തുടക്കത്തില്‍ ഉണ്ടായിരുന്നത്. വടക്കേ ഇന്ത്യയില്‍ പത്തൊന്‍പതാം നൂറ്റാണ്ടുവരെ സതി നിലനിന്നിരുന്നു. രാജാറാം മോഹന്‍ റോയുടെ നേതൃത്വത്തില്‍ 1829ല്‍ സതി നിരോധിച്ചു.

English summary

50-year-old woman was found near her husband's pyre in a village in Latur district, giving rise to suspicion that she performed 'sati'. Police, however, dismissed the sati speculations as "rumours", and said a case of accidental death has been registered.