Click it and Unblock the Notifications
Just In
Don't Miss
-
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
ഹൃദയം തകർത്ത് ഓഹരി വിപണി, ഇന്നും ഇടിവോടെ തുടക്കം, നാല് ദിവസത്തെ നഷ്ടം 9 ലക്ഷം കോടി -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
ബിജെപി എംപി ലൈംഗിക ചുവയോടെ പെരുമാറി; വനിതാ എംപിമാരുടെ പരാതി
ന്യൂഡല്‍ഹി: ബി.ജെ.പി എം.പി രമേശ് ബിന്ദൂരി ലൈംഗിക ചുവയോടുകൂടിയുള്ള പരാമര്‍ശം നടത്തി തങ്ങളെ അപമാനിച്ചതായി വനിതാ എംപിമാരുടെ പരാതി. ബിഹാറിലെ സുപൗലില്‍ നിന്നുള്ള അംഗം രഞ്ജീത് രഞ്ജന്‍, എന്‍.സി.പി അംഗം സുപ്രിയ സുലേ, കോണ്‍ഗ്രസ് അംഗം സില്‍ചര്‍ സുസ്മിത ദേവ്, തൃണമൂല്‍ കോണ്‍ഗ്രസ് അംഗം അര്‍പിത ഘോഷ്, സി.പി.എം അംഗം പി.കെ ശ്രീമതി ടീച്ചര്‍ എന്നിവരാണ് പരാതിയുമായി സ്പീക്കറെ സമീപിച്ചത്.
സുഷമാ സ്വരാജിന്റെ രാജിയുമായി ബന്ധപ്പെട്ട് കഴിഞ്ഞദിവസം ലോക്‌സഭയില്‍ ബഹളം നടന്നിരുന്നു. ഈ ബഹളത്തിനിടെ രമേശ് ബിന്ദൂരി അപമാനിച്ചെന്നാണ് പരാതി. രഞ്ജീത് രഞ്ജന്‍ ആണ് സ്പീക്കര്‍ സുമിത്രാ മഹാജനെ കണ്ട് എംപിക്കെതിരെ ആദ്യം പരാതി നല്‍കിയത്.
ബഹളത്തിനിടെ ബിന്ദൂരി നാലുതവണ തനിക്കടുത്തുവരികയും ലൈംഗിക ചുവയോടെ പരാമര്‍ശം നടത്തുകയും ചെയ്തതായി രഞ്ജീത് രഞ്ജന്‍ പരാതിയില്‍ പറയുന്നു. രഞ്ജീത്ത് പരാതി നല്‍കിയതിന് പിന്നാലെയാണ് മറ്റു വനിതാ എംപിമാരും സ്പീക്കറെ കണ്ട് ബി.ജെ.പി എം.പി രമേശ് ബിന്ദൂരിയുടെ പെരുമാറ്റ ദൂഷ്യത്തെക്കുറിച്ച് പരാതി പറഞ്ഞത്.
എന്നാല്‍, വനിതാ എംപിമാരുടെ ആരോപണം രമേശ് ബിന്ദൂരി നിഷേധിച്ചു. വനിതാ എംപിമാരോട് തനിക്ക് വിരോധമില്ലെന്നും ആരെയും ലൈംഗിക ചുവയോടെ അപമാനിച്ചിട്ടില്ലെന്നും അദ്ദേഹം വ്യക്തമാക്കി. താന്‍ അപമാനിച്ചെങ്കില്‍ എംപിമാര്‍ അതിന് തെളുവകള്‍ പുറത്തുവിടട്ടേയെന്നും അദ്ദേഹം പറഞ്ഞു. സംഭവം സ്പീക്കര്‍ അന്വേഷിച്ചുവരികയാണെന്നാണ് റിപ്പോര്‍ട്ട്.
