അസ്ഹര് കൈവിട്ടു, സംഗീത സിനിമയിലേക്ക്
ഹൈദരാബാദ്: മുന് ഇന്ത്യന് ക്യാപ്റ്റന് മുഹമ്മദ് അസ്ഹറുദ്ദീന്റെ ഭാര്യാപദം ഉപേക്ഷിച്ച സംഗീത ബിജ്ലാനി വീണ്ടും സിനിമയിലേക്ക്. നീണ്ട 17 വര്ഷത്തെ ഇടവേളയ്ക്ക് ശേഷമാണ് സംഗീത ബോളിവുഡിലേക്ക് തിരിച്ചുപോകുന്നത്. 1980 ലെ മിസ് ഇന്ത്യയായ സംഗീത അവസാനമായി ഒരു ബോളിവുഡ് ചത്രത്തില് പ്രത്യക്ഷപ്പെട്ടത് 97 ലാണ്. ചിത്രം ജഗന്നാഥ്.
ക്രിക്കറ്റ് വിട്ട് അസ്ഹര് രാഷ്ട്രീയത്തിലേക്കും എം പി പദത്തിലേക്കും കടന്ന ശേഷമാണ് സംഗീതയുമായി വഴി പിരിയുന്നത്. 14 വര്ഷത്തെ ദാമ്പത്യബന്ധം പിരിഞ്ഞതോടെ ഒറ്റയ്ക്കായ സംഗീത പഴയ തട്ടകത്തിലേക്ക് തന്നെ തിരിച്ചെത്തുകയാണ്. സിനിമയിലേക്ക് തിരിച്ചുവരേണ്ടി വരുമെന്ന് ഒരിക്കല് പോലും കരുതിയിരുന്നില്ലെന്ന് സംഗീത ബിജ്ലാനി പറഞ്ഞു.
സിനിമയില് അഭിനയിക്കാനാണെങ്കില് നേരത്തെയും അവസരങ്ങള് ഉണ്ടായിരുന്നു. മുന്പും ആളുകള് ക്ഷണിച്ചിരുന്നു, പക്ഷേ ഞാന് സിനിമ വേണ്ടെന്ന് വെച്ചിരിക്കുകയായിരുന്നു. എന്നാല് ഇപ്പോളിതാ വീണ്ടും സമയം വന്നിരിക്കുന്നു - 53 കാരിയായ ബിജ്ലാനി പറഞ്ഞു. രണ്ട് മാസം മുന്പാണ് ഡിസൈനര് അനിതാ ദോംഗ്രേയുടെ ഷോയില് വെച്ച് സിനിമയിലേക്കുള്ള ക്ഷണം സംഗീത സ്വീകരിച്ചത്.
മുന് കാമുകനായ സൂപ്പര് സ്റ്റാര് സല്മാന് ഖാനൊപ്പമാണ് രണ്ടാം വരവില് സംഗീത അഭിനയിച്ച് തുടങ്ങുന്നത്. സല്മാനൊപ്പം അഭിനയിക്കുന്നതില് ഒരു പ്രശ്നവും ഇല്ലെന്നും സല്മാന് വളരെ നല്ല സുഹൃത്താണെന്നും സംഗീത പറഞ്ഞു. അസ്ഹറുമായി പിരിഞ്ഞ സംഗീത ബിജ്ലാനി സല്മാന് ഖാനുമായി അടുക്കുന്നതായി ബോളിവുഡില് നിന്നും റിപ്പോര്ട്ടുകളുണ്ട്. സല്മാനും സംഗീതയും ഒരാഴ്ചത്തെ അവധിക്കാലം ഒരുമിച്ച് ചെലവഴിക്കാന് തീരുമാനിച്ചതായും റിപ്പോര്ട്ടുണ്ട്.