അമിത് ഷായ്ക്ക് നേരെ ചീമുട്ടയേറ്!!! സ്വന്തം നാട്ടിൽ മോദിയ്ക്കും രക്ഷയില്ല

തിങ്കളാഴ്ച രാത്രിയാണ് അമിഷ് ഷായുടെ വാഹനത്തിന് നേരം ചീമുട്ടയേറ് ഉണ്ടായത്.

അഹമ്മദാബാദ്: തെരഞ്ഞെടുപ്പ് മുന്നൊരുക്കങ്ങള്‍ക്കായി ഗുജറാത്തിലെത്തിയ ബിജെപി അധ്യക്ഷന്‍ അമിത് ഷായ്ക്ക് നേരെ ചീമുട്ടയേറ്. സ്വന്തം സംസ്ഥാനത്തേക്ക് പ്രധാനമന്ത്രി നരേന്ദ്രമോദി എത്തുന്നതിന് രണ്ട് ദിവസം മുമ്പാണ് അമിത്ഷായ്ക്ക് നേരെ ആക്രമണം നടന്നത്.

തിങ്കളാഴ്ച രാത്രിയാണ് അമിഷ് ഷായുടെ വാഹനത്തിന് നേരം ചീമുട്ടയേറ് ഉണ്ടായത്. സംവരണം വേണമെന്ന് ആവശ്യപ്പെടുന്ന പട്ടേല്‍ വിഭാഗക്കാരാണ് ആക്രമണത്തിന് പിന്നിലെന്നാണ് റിപ്പോര്‍ട്ടുകള്‍.

സോമനാഥ ക്ഷേത്രത്തിലേക്ക് പോകും വഴിയാണ് അമിത് ഷായ്ക്ക് നേരെ ചീമുട്ടയേറ് ഉണ്ടായത്.ബുധനാഴ്ച മോദിയും ഇവിടെ എത്തുന്നുണ്ട്. ഈ വര്‍ഷം പകുതിയോടെയാണ് ഗുജറാത്തില്‍ തെരഞ്ഞെടുപ്പ് നടക്കുക. പ്രധാനമന്ത്രിയുടെ സംസ്ഥാനം ആയത് കൊണ്ട് തന്നെ വിജയത്തില്‍ കുറഞ്ഞതൊന്നും ബിജെപിയ്ക്ക് അംഗീകരിയ്ക്കാന്‍ ആവില്ല.

ഹാര്‍ദ്ദിക് പട്ടേല്‍ ആണ് സംവരണ ആവശ്യങ്ങള്‍ ഉന്നയിച്ചുള്ള പട്ടേല്‍ വംശജരുടെ പ്രക്ഷോഭങ്ങള്‍ക്ക് നേതൃത്വം നല്‍കുന്നത്. ഗുജറാത്തില്‍ 90 ലക്ഷത്തോളം പട്ടേല്‍ വിഭാഗക്കാര്‍ ഉണ്ടെന്നാണ് കണക്ക്. കഴിഞ്ഞ പഞ്ചായത്ത് തെരഞ്ഞെടുപ്പില്‍ ബിജെപിയുടെ വോട്ട് ഷെയര്‍ കുറയാന്‍ കാരണം പട്ടേലുകളുടെ പ്രതിഷേധമാണെന്നാണ് കണക്കുകൂട്ടല്‍.

അമിത് ഷായ്ക്ക് നേരെ ചീമുട്ടയേറ് ഉണ്ടായതിനെ തുടര്‍ന്ന് പ്രധാനമന്ത്രി വരുന്നതിന് മുന്നോടിയായി കനത്ത സുരക്ഷ സംവിധാനങ്ങളാണ് സംസ്ഥാനത്ത് ഒരുക്കുന്നത്. എല്ലാ പോലീസ് സ്‌റ്റേഷനുകളിലും അലര്‍ട്ട് നല്‍കിയിട്ടുണ്ട്.

English summary

The Prime Minister’s two-day trip to Gujarat is seen as the party efforts to revive the BJP’s fortunes in the state which will go to the polls later this year.