പ്രീതി സിന്റ പീഡനമെന്ന് പറഞ്ഞിട്ടില്ല; ജെയിന്
മുംബൈ: നെസ വാഡിയ ലൈംഗികമായി പീഡിപ്പിച്ചു എന്ന് നടി പ്രീതി സിന്റ പറഞ്ഞിട്ടില്ല. ലൈംഗികം പോകട്ടെ, പീഡിപ്പിച്ചു എന്ന വാക്ക് പോലും പ്രീതി സിന്റ പരിതായില് ഉപയോഗിച്ചിട്ടില്ലെന്ന് താരത്തിന്റെ അഭിഭാഷകന് ഹിതേഷ് ജെയിന് പറഞ്ഞു. മുന് കാമുകനായ നെസ് വാഡിയയ്ക്കെതിരെ പ്രീതി സിന്റ ലൈംഗിക പീഡനത്തിന് കേസ് കൊടുത്തു എന്നായിരുന്നു നേരത്തെ മാധ്യമങ്ങളിലെ റിപ്പോര്ട്ടുകള്.
പീഡനം എന്ന വാക്ക് പോലും ഞങ്ങള് ഉപയോഗിച്ചിട്ടില്ല - പ്രീതി സിന്റയ്ക്ക് വേണ്ടി പരാതി തയ്യാറാക്കിയ അഭിഭാഷകനായ ഹിതേഷ് ജെയിന് എന് ഡി ടി വിയോട് പറഞ്ഞു. മോഴിയെടുക്കാന് വേണ്ടി ഒരാഴ്ചയ്ക്കകം അന്വേഷണ സംഘത്തിന് മുന്നില് ഹാജരാകണമെന്ന് പോലീസ് പ്രീതി സിന്റയോട് ആവശ്യപ്പെട്ടിട്ടുണ്ട്. പഞ്ചാബ് കിംഗ്സ് ഇലവന്റെ കളിക്കാരില് നിന്നും മൊഴിയെടുക്കും എന്നാണ് അറിയുന്നത്.
പ്രീതി സിന്റ വെറും ഒരു നടി മാത്രമാണ് എന്നും താന് വിചാരിച്ചാല് പ്രീതി സിന്റയെ ഇല്ലാതാക്കിക്കളയാന് പറ്റുമെന്നും വാഡിയ പറഞ്ഞു എന്നാണ് പ്രീതി സിന്റ പറയുന്നത്. മുംബൈ വാങ്കഡെ സ്റ്റേഡിയത്തില് വെച്ച് മെയ് 30 നായിരുന്നു ഇത്. ഈ സംഭവം തന്നെ വല്ലാതെ ഭയപ്പെടുത്തി എന്നും താരം പറയുന്നു. പഞ്ചാബ് കിംഗ്സ് ഇലവന്റെ മുതലാളിമാരായ പ്രീതി സിന്റയും നെസ് വാഡിയയും അഞ്ച് വര്ഷത്തോളും ഒരുമിച്ച് കഴിഞ്ഞിരുന്നു.
എന്നാല് പ്രീതി സിന്റെയുടെ ആരോപണങ്ങള് നെസ് വാഡിയ നിഷേധിച്ചു. പ്രീതി സിന്റെ നടത്തുന്ന അടിസ്ഥാനമില്ലാത്ത ആരോപണങ്ങള് കേട്ട് ഷോക്കടിച്ചിരിക്കുകയാണ് താനെന്നും വാഡിയ പ്രതികരിച്ചു. മുംബൈ പോലീസാണ് പ്രീതി സിന്റെയുടെ പരാതി അന്വേഷണിക്കുന്നത്. പരാതിയുമായി ബന്ധപ്പെട്ട് ഐ പി എല് ഓഫീഷ്യലുകള്ക്കും അന്വേഷണ സംഘം ഇ മെയില് അയച്ചിട്ടുണ്ട്.