14കാരിയെ ബലാത്സംഗംചെയ്ത മുത്തശ്ശന്‍ അറസ്റ്റില്‍

കൊളംബോ: പതിനാല് വയസ്സുകാരിയെ പീഡിപ്പിച്ച മുത്തശ്ശനെപൊലീസ് അറസ്റ്റ് ചെയ്തു. അവധിക്കാലം ചെലവഴിയ്ക്കാന്‍ മുത്തശ്ശന്റെ വീട്ടിലെത്തിയ പെണ്‍കുട്ടിയാണ് തുടര്‍ച്ചയായി പീഡനങ്ങള്‍ക്ക് ഇരയായത്. കുട്ടിയുടെ അമ്മ വിദേശത്ത് ജോലി ചെയ്യുകയാണ്. ഹോസ്റ്റലില്‍ നിന്ന് പഠിയ്ക്കുന്ന കുട്ടി അവധി ദിവസങ്ങളിലാണ് മുത്തശ്ശന്റെ വീട്ടിലെത്തുന്നുത്.

63 കാരനായ പ്രതി പെണ്‍കുട്ടി അവധിയ്‌ക്കെത്തുമ്പോഴെല്ലാം കുട്ടിയെ ബലാത്സംഗത്തിന് ഇരയാക്കുമായിരുന്നു. പെണ്‍കുട്ടിയുടെ അയല്‍വാസിയുടെ കുട്ടിയാണ് പെണ്‍കുട്ടിയെ മുത്തശ്ശന്‍ ബലാത്സംഗം ചെയ്യുന്നത് കണ്ടത്. ഈ കുട്ടിയിലൂടെ വിവരങ്ങള്‍ പുറത്തറിഞ്ഞെങ്കിലും പ്രതി വീണ്ടും പെണ്‍കുട്ടിയെ പീഡിപ്പിയ്ക്കാന്‍ ശ്രമിച്ചു.

ഗിരിബാവ പൊലീസ് പ്രതിയെ അറസ്റ്റ് ചെയ്തു. പ്രതി അറസ്റ്റിലായതോടെ പെണ്‍കുട്ടിയുടെ അമ്മയുടെ മൂത്ത സഹോദരിയും വൃദ്ധനെതിരെ ആരോപണവുമായി രംഗത്തെത്തി. തനിയ്ക്ക് 12 വയസ്സുളളപ്പോള്‍ പ്രതി തന്നെ ബലാത്സംഗം ചെയ്‌തെന്ന് ഇവര്‍ പൊലീനോട് പറഞ്ഞു. പെണ്‍കുട്ടിയെ വൈദ്യ പരിശോധനയ്ക്ക് വിധേയയാക്കി. കേസില്‍ തുടര്‍ അന്വേഷണം പുരോഗമിയ്ക്കുന്നു.

English summary

A 63-year-old man who allegedly raped his 14-year-old granddaughter was arrested by the Sri Lankan police.