വൈറ്റ് ഗോള്ഡിന്റെ വമ്പന് ശേഖരം... മൂല്യം 46.28 ലക്ഷം കോടി രൂപ, ഇനി ചൈനയുടെ സഹായം വേണ്ട
കാലിഫോര്ണിയയിലെ സാല്ട്ടണ് കടലിന്റെ ഉപരിതലത്തിനടിയില് നിന്ന് 18 ദശലക്ഷം ടണ് ലിഥിയം കണ്ടെത്തിയതായി ശാസ്ത്രജ്ഞര്. 540 ബില്യണ് ഡോളര് മൂല്യമുള്ള ലിഥിയം ശേഖരമാണിത്. ഇന്ത്യന് കറന്സിയില് ഏകദേശം 46.28 ലക്ഷം കോടി രൂപ മൂല്യം വരും. കാലിഫോര്ണിയയിലെ ഏറ്റവും വലിയ തടാകമാണ് സാല്ട്ടണ്. വൈറ്റ് ഗോള്ഡ് എന്നും അറിയപ്പെടുന്ന ലിഥിയത്തിന്റെ വലിയ ശേഖരം കണ്ടെത്തിയത് ബാറ്ററി വ്യവസായത്തിന് ഒരു വിപ്ലവകരമായ കണ്ടെത്തലായിരിക്കും.
എന്നിരുന്നാലും പാരിസ്ഥിതിക അപകടസാധ്യതകള്ക്കും ഭൗമരാഷ്ട്രീയ പ്രത്യാഘാതങ്ങള്ക്കും സാധ്യതയുള്ളതിനാല് ഈ കണ്ടെത്തലിന് ചില സങ്കീര്ണതകള് നേരിടുന്നുണ്ട് എന്ന് ഡെയ്ലി ഗാലക്സിയുടെ റിപ്പോര്ട്ട് പറയുന്നു. ഇപ്പോള് കണ്ടെത്തിയ ലിഥിയത്തിന്റെ അളവ് ഏകദേശം 382 ദശലക്ഷം ഇലക്ട്രിക് വാഹനങ്ങള്ക്ക് ബാറ്ററികള് ഉല്പ്പാദിപ്പിക്കാന് കഴിയുമെന്ന് റിപ്പോര്ട്ട് പറയുന്നു.
ഇത് നിലവില് യുഎസിലുള്ള വാഹനങ്ങളുടെ എണ്ണത്തേക്കാള് കൂടുതലാണ്. ലിഥിയം കണ്ടെത്തല് യുഎസിനെ സ്വയംപര്യാപ്തമാക്കുമെന്ന് പഠനത്തില് പങ്കാളിയായ മൈക്കല് മക്കിബെന് പറഞ്ഞു. 'ലോകത്തിലെ ഏറ്റവും വലിയ ലിഥിയം ഉപ്പുവെള്ള നിക്ഷേപങ്ങളില് ഒന്നാണിത്. ഇത് യുണൈറ്റഡ് സ്റ്റേറ്റ്സിനെ ലിഥിയത്തില് പൂര്ണ്ണമായും സ്വയംപര്യാപ്തമാക്കുകയും ചൈന വഴി ഇറക്കുമതി ചെയ്യുന്നത് നിര്ത്തുകയും ചെയ്യും,' അദ്ദേഹം പറഞ്ഞു.
കാലിഫോര്ണിയ ഗവര്ണര് ഗാവിന് ന്യൂസം സാല്ട്ടണ് കടലിനെ 'സൗദി അറേബ്യ ഓഫ് ലിഥിയം' എന്നാണ് വിശേഷിപ്പിച്ചിച്ചത്. അതേസമയം ലിഥിയം ശേഖരം കണ്ടെത്തിയെങ്കിലും മുന്നോട്ടുള്ള പ്രക്രിയകള് ഏറെ വെല്ലുവിളികള് നിറഞ്ഞതാണ്. ശേഖരത്തില് നിന്ന് വൈറ്റ് ഗോള്ഡ് വേര്തിരിച്ചെടുക്കുക എന്നത് ഒരു വെല്ലുവിളി നിറഞ്ഞ പ്രക്രിയയാണ്. ലിഥിയം സമ്പുഷ്ടമായ ഉപ്പുവെള്ളം ലഭിക്കുന്നതിന് ഭൂമിയുടെ ഉപരിതലത്തില് നിന്ന് അടി താഴെയായി ഒരു ഡ്രില്ലിംഗ് പ്രക്രിയ നടത്തേണ്ടതുണ്ട്.
ഇത് പാരിസ്ഥിതിക തടസ്സങ്ങള്ക്ക് കാരണമാകും. അമിതമായ ജല ഉപഭോഗവും പാരിസ്ഥിതിക ആഘാതവും ആണ് മറ്റ് വെല്ലുവിളികള്. ലിഥിയം പിന്വലിക്കുമ്പോള് ഈ പ്രക്രിയയ്ക്ക് വെള്ളം ആവശ്യമായി വരും. ഇത് പ്രദേശത്തിന്റെ പ്രാഥമിക ജലസ്രോതസ്സായ കൊളറാഡോ നദിയെ പ്രതികൂലമായി ബാധിക്കുമെന്ന് റിപ്പോര്ട്ട് പറയുന്നു. നിരവധി നിവാസികള് വിഭവങ്ങള്ക്കായി സാല്ട്ടണ് തടാകത്തെ ആശ്രയിക്കുന്നുണ്ട്.
ഏകദേശം 180,000 നിവാസികള് ഇതിനെ ആശ്രയിക്കുന്നതായി പറയപ്പെടുന്നു, കൂടാതെ വലിയ തോതിലുള്ള ഖനനം പ്രദേശത്തെ ഉയര്ന്ന ആസ്ത്മ നിരക്കുകളുടെ പ്രശ്നങ്ങള്ക്ക് ആക്കം കൂട്ടും. ഖനനം തദ്ദേശീയ അമേരിക്കന് സൈറ്റുകളെയും ബാധിക്കുമെന്നും റിപ്പോര്ട്ട് പറയുന്നു. എന്നിരുന്നാലും, ലിഥിയം വേര്തിരിച്ചെടുക്കല് യുഎസിലെ ഏറ്റവും ദരിദ്ര പ്രദേശങ്ങളിലൊന്നായ ഇംപീരിയല് കൗണ്ടിക്ക് ഗുണം ചെയ്യും. ലിഥിയം വേര്തിരിച്ചെടുക്കലിന് നികുതി ചുമത്താനും വരുമാനത്തിന്റെ 80 ശതമാനം പ്രാദേശിക പദ്ധതികള്ക്ക് അനുവദിക്കാനും ആലോചിക്കുന്നുണ്ട് എന്നാണ് റിപ്പോര്ട്ട്.
Click it and Unblock the Notifications
Sign in with Google