3 ദിവസം കൊണ്ട് 7 ഭൂഖണ്ഡങ്ങളിലേക്കും യാത്ര ചെയ്ത് റെക്കോർഡിട്ട് ഇന്ത്യക്കാർ

Updated: Tuesday, January 10, 2023, 20:01 [IST]

ലോകം ചുറ്റിക്കാണണമെന്ന് സ്വപ്‌നം കണ്ടുനടക്കുന്ന ഒരുപാട് പേർ ഉണ്ടാകുമെന്ന കാര്യത്തിൽ സംശയമില്ല. അതൊക്കെ ജീവിത്തിലെ ഭാഗ്യമല്ലേ...എന്നാൽ ലോകം ചുറ്റിക്കണ്ട് റെക്കോർഡ് ഇട്ട രണ്ട് ഇന്ത്യക്കാരുണ്ട്. വെറുതേ ചുറ്റിക്കണ്ടതല്ല. ഏറ്റവും കുറഞ്ഞ സമയം കൊണ്ടാണ് ഇവർ 7 ഭൂഖണ്ഡങ്ങളിൽ പോയത്. വെറും 73 മണിക്കൂർ കൊണ്ടാണ് ഇവർ ഏഴ് ഭൂഖണ്ഡങ്ങളിലേക്കും ഏറ്റവും വേഗത്തിൽ യാത്ര ചെയ്തത്...

ഇനി ആരാണ് ഈ റെക്കോർഡ് ഇട്ടതെന്ന് അറിയാം. ഡോ അലി ഇറാനിയും ഡോ. സുജോയ് കുമാർ മിത്രയും ആണ് കുറഞ്ഞ സമയം കൊണ്ട് 7 ഭൂഖണ്ഡങ്ങളിൽ പോയത്...

ഏഴ് ഭൂഖണ്ഡങ്ങളിലേക്കും ഏറ്റവും വേഗത്തിൽ സഞ്ചരിക്കാനുള്ള സമയം 3 ദിവസം, 1 മണിക്കൂർ, 5 മിനിറ്റ്, 4 സെക്കൻഡ് ആണെന്നും ഓസ്‌ട്രേലിയയിലെ മെൽബണിൽ സുജോയ് കുമാർ മിത്രയും ഡോ. അലി ഇറാനിയും ആണ് ഇത് നേടിയതെന്നും ഗിന്നസ് ബുക്ക് അതിന്റെ വെബ്‌സൈറ്റിൽ എഴുതി. 2022 ഡിസംബർ 7-ന് ഇക്കാര്യം അറിയിച്ചത്.

"ഇന്ന് ഞങ്ങൾ ഒരു റെക്കോർഡ് തകർക്കുന്നതിൽ വിജയിച്ചേക്കാം, എന്നാൽ നാളെ മറ്റൊരാൾ ഞങ്ങളുടെ റെക്കോർഡ് തകർക്കും, തങ്ങളുടെ റെക്കോർഡിനെക്കുറിച്ചു ഇരുവരും പറഞ്ഞു. ഗിന്നസ് വേൾഡ് റെക്കോർഡ് സർട്ടിഫിക്കറ്റും ഡോ. അലി തന്റെ ഇൻസ്റ്റാഗ്രാം പ്രൊഫൈലിൽ പങ്കുവച്ചു.

നാല് ദിവസത്തിനുള്ളിൽ ഡോ. ഇറാനിയും മിത്രയും ഏഴ് ഭൂഖണ്ഡങ്ങളും സന്ദർശിച്ചു-ഏഷ്യ, ആഫ്രിക്ക, യൂറോപ്പ്, വടക്കേ അമേരിക്ക, തെക്കേ അമേരിക്ക, അന്റാർട്ടിക്ക, ഓഷ്യാനിയ. ഇരുവരും ഡിസംബർ 4 ന് അന്റാർട്ടിക്കയിൽ വെച്ചാണ് യാത്ര തുടങ്ങുന്നത്, ഡിസംബർ 7 ന് ഓസ്‌ട്രേലിയയിലെ മെൽബണിൽ എത്തി, അവിശ്വസനീയമായ ലോക റെക്കോർഡ് തകർത്തു.

എന്തായാലും ഇവരുടെ ഈ വിജയത്തിന് അഭിനന്ദത്തിന്റെ പ്രവാഹമാണു വന്നുകൊണ്ടിരിക്കുന്നത്. നിരവധിപേരാണ് ഇവരെ ആശംസിച്ച് എത്തിയിരിക്കുന്നത്. ഇന്ത്യക്കാരുടെ അഭിമാനമാണ്..ശക്തമായ ആഗ്രഹം മനസ്സിൽ ഉണ്ടെങ്കിൽ അത് നടത്താം എന്ന് നിങ്ങൾ ഇന്ന് തെളിയിച്ചിരിക്കുന്നു. ഇനി ഈ റെക്കോർഡ് തകർക്കുന്നവർ എത്ര വേഗത്തിലായിരിക്കും ലോകം സഞ്ചിരിച്ചു വരുക എന്നിങ്ങനെയാണ് കമന്റുകൾ...