ശസ്ത്രക്രിയ നടത്തിയ ഡോക്ടറും ഞെട്ടി; യുവതിയുടെ വയറ്റില്‍ നിന്നും കിട്ടിയത് 22 ലോഹ കഷണങ്ങള്‍

ഇസ്ലാമാബാദ്: ഡോക്ടര്‍മാര്‍ യുവതിയുടെ വയറ്റില്‍ നിന്നും പുറത്തെടുത്തത് ഹെയര്‍ പിന്‍ അടക്കമുള്ള 22ലോഹ കഷണങ്ങള്‍. അപസ്മാരവും മാനസിക അസ്വാസ്ഥ്യവും ഉള്ള യുവതിയുടെ വയറില്‍ നിന്നാണ് ലോഹ കഷണങ്ങള്‍ കണ്ടെടുത്തത്.

അമൃത്സറിലെ പോലീസുകാരന്റെ വയറ്റില്‍ നിന്ന് നാല്‍പ്പതോളം കത്തി കണ്ടെടുത്തതിന് പിന്നാലെയാണ് പാകിസ്താനില്‍ നിന്നും ഇത്തരം ഒരു വാര്‍ത്ത വന്നത്.മാനസിക വല്ലുവിളി നേരിടുന്ന 22 വയസ്സുകാരിയുടെ വയറില്‍ നിന്നാണ് ലോഹ കഷണങ്ങള്‍ കണ്ടെത്തിയത്. പരച്ചിനാര്‍ സ്വദേശിയാണ് യുവതി. പെഷവാറിലെ ലേഡി റീഡിംഗ് ആശുപത്രിയിലായിരുന്നു സംഭവം.

അടിവയറില്‍ അതികഠിനമായ വേദന അനുഭവപ്പെട്ടതിനെ തുടര്‍ന്ന് യുവതി ആശുപത്രിയില്‍ എത്തുകയായിരുന്നു. പിന്നീട് എക്‌സറേ ഫലങ്ങള്‍ ഡോക്ടര്‍ സൂക്ഷ്മമായി പരിശോധിച്ചപ്പോഴാണ് ലോഹ കഷണങ്ങള്‍ കണ്ടെത്തിയത്. നാല് മണിക്കൂറായിരുന്നു ശസ്ത്രക്രിയ. ഹെയര്‍ പിന്നുകള്‍, ഗ്ലാസിന്റെ കഷണങ്ങള്‍ എന്നിവ അടക്കം 22 ലോഹ കഷണങ്ങളാണ് ശസ്ത്രക്രിയയ്ക്കു ശേഷം യുവതിയുടെ വയറില്‍ നിന്ന് നീക്കം ചെയ്തത്.

English summary

In an unusual case, over 20 metal pieces, including large nails and hair pins, were surgically removed from the stomach of a mentally unstable woman in Pakistan.