ബഹ്റൈന് 250 ഇന്ത്യന് തടവുകാരെ മോചിപ്പിക്കും; നന്ദി അറിയിച്ച് നരേന്ദ്ര മോദി
മനാമ: 250 ഇന്ത്യന് തടവുകാര്ക്ക് പൊതുമാപ്പ് നല്കി വിട്ടയക്കാന് ബഹ്റൈന് ഭരണകൂടത്തിന്റെ തീരുമാനം. പ്രധാനമന്ത്രി നരേന്ദ്ര മോദിയുടെ പ്രഥമ സന്ദര്ശനത്തിനിടെയാണ് പ്രഖ്യാപനം. ബഹ്റൈന് ഭരണകൂടത്തിന് മോദി നന്ദി അറിയിച്ചു.
ഔദ്യോഗിക കണക്കുകള് പ്രകാരം 8189 ഇന്ത്യക്കാരാണ് വിദേശരാജ്യങ്ങളിലെ ജയലുകളില് കഴിയുന്നത്. സൗദിയിലാണ് ഏറ്റവും കൂടുതല് പേര്. 1811 പേരാണ് സൗദിയിലെ വിവിധ ജയിലുകളില് കഴിയുന്നത്. യുഎഇ ജയിലുകളില് 1392 ഇന്ത്യക്കാര് കഴിയുന്നുണ്ട്. ബഹ്റൈനിലെ ജയിലുകളില് എത്ര ഇന്ത്യക്കാരുണ്ടെന്ന കണക്ക് ലഭ്യമല്ല. മാനുഷിക പരിഗണനയില് 250 ഇന്ത്യന് തടവുകാരെ മോചിപ്പിക്കാന് ബഹ്റൈന് ഭരണകൂടം തീരുമാനിച്ചുവെന്ന് പ്രധാനമന്ത്രിയുടെ ഓഫീസ് ട്വീറ്റ് ചെയ്തു.
ഭാവി സോണിയയുടെ കൈകളില്; കര്ണാടകത്തില് നിലപാട് വ്യക്തമാക്കി ജെഡിഎസ്, സഖ്യം തുടരുമോ?
ബഹ്റൈന് തലസ്ഥാനത്തെ ശ്രീകൃഷ്ണ ക്ഷേത്രം മോദി സന്ദര്ശിച്ചു. 200 വര്ഷം പഴക്കമുള്ള ഈ ക്ഷേത്രത്തിന്റെ പുനരുദ്ധാരണ പ്രവര്ത്തനങ്ങള്ക്ക് വേണ്ടി 42 ലക്ഷം ഡോളറിന്റെ പദ്ധതിക്ക് മോദി തുടക്കം കുറിച്ചു. ബഹ്റൈന് സന്ദര്ശിക്കുന്ന ആദ്യ ഇന്ത്യന് പ്രധാനമന്ത്രിയാണ് മോദി. മേഖലയിലെ ഏറ്റവും പഴക്കമുള്ള ക്ഷേത്രമാണ് മനാമയിലെ ശ്രീനാഥ്ജി ക്ഷേത്രം.
ഇറാന് ആകാശ പഴുതുകള് അടച്ചു; അമേരിക്കന് പദ്ധതി പാളും, സുരക്ഷ ഒരുക്കി ബവാര് 373
16500 ചതുരശ്ര അടിയിലാണ് ക്ഷേത്രത്തിന്റെ പുനരുദ്ധാരണം നടക്കുക. കൂടാതെ 45000 ചതുരശ്ര അടി വിസ്തീര്ണവും 30 മീറ്റര് ഉയരവമുള്ള നാലുനില കെട്ടിടവും ഇതോടൊപ്പം നിര്മിക്കും. ഹിന്ദു ആചാര പ്രകാരമുള്ള വിവാഹം നടക്കുന്നതിനും ഇവിടെ സൗകര്യമൊരുക്കും. യുഎഇ സന്ദര്ശനത്തിന് ശേഷമാണ് മോദി ബഹ്റൈനിലെത്തിയത്.