3000 പേര് കൂടിയെത്തി; അഫ്ഗാനിലിപ്പോള് 14,000 യുഎസ് സൈനികര്
3000 പേര് കൂടിയെത്തി; അഫ്ഗാനിലിപ്പോള് 14,000 യുഎസ് സൈനികര്
കാബൂള്: ഒരു പതിറ്റാണ്ടിലേറെയായി സംഘര്ഷം തുടരുന്ന അഫ്ഗാനിസ്താനിലേക്ക് 3000 അമേരിക്കന് സൈനികരെ കൂടി വിന്യസിച്ചതായി പെന്റഗണ് അറിയിച്ചു. ഇതോടെ അഫ്ഗാനിലെ യുഎസ് സൈനികരുടെ എണ്ണം 14,000 ആയി ഉയര്ന്നു. യുഎസ് പ്രസിഡന്റ് ഡൊണാള്ഡ് ട്രംപിന്റെ പുതിയ അഫ്ഗാന് നയത്തിന്റെ ഭാഗമായാണ് ഈ നടപടി. നേരത്തേ തെരഞ്ഞെടുപ്പ് പ്രചാരണ വേളയില് അഫ്ഗാന് യുദ്ധത്തെ ഒബാമയുടെ യുദ്ധം എന്നു വിശേഷിപ്പിച്ച ട്രംപ്, താന് അധികാരത്തിലെത്തിയാല് അഫ്ഗാനില് നിന്ന് യുഎസ് സൈന്യത്തെ പിന്വലിക്കുമെന്ന് പ്രഖ്യാപിച്ചിരുന്നു. എന്നാല് അധികാരത്തിലെത്തിയ ശേഷം കൂടുതല് സൈന്യത്തെ അയക്കാനുള്ള തീരുമാനമാണ് അദ്ദേഹം കൈക്കൊണ്ടത്.
സൗദിയില് അറസ്റ്റിലായ രാജകുമാരന്മാരെ പണം വാങ്ങി മോചിപ്പിക്കും?
3000 പേര് കൂടിയെത്തിയതോടെ അഫ്ഗാനിലേക്കുള്ള അമേരിക്കന് സൈനികരുടെ ഒഴുക്ക് നിലച്ചതായി ജോയിന്റ് സ്റ്റാഫ് ഡയരക്ടര് ലഫ്റ്റനന്റ് ജനറല് കെന്നത്ത് മക്കെന്സി പറഞ്ഞു. ആഗസ്തില് തന്റെ പുതിയ അഫ്ഗാന് നയം പ്രഖ്യാപിച്ച പ്രസിഡന്റ് ഡൊണാള്ഡ് ട്രംപ്, അപ്പോള് തന്നെ കൂടുതല് സൈനികരെ അഫ്ഗാനിലേക്ക് അയച്ചിരുന്നു. എന്നാല് ശക്തിയാര്ജ്ജിച്ചുവരുന്ന താലിബാന് ആക്രമണങ്ങള് നേരിടാന് കൂടുതല് സൈനികര് ആവശ്യമാണെന്നതിനാലാണ് മറ്റൊരു സംഘത്തെ കൂടി അമേരിക്ക നിയോഗിച്ചത്. 16 വര്ഷമായി തുടരുന്ന അഫ്ഗാന് യുദ്ധത്തില് എന്തെങ്കിലും പുരോഗതിയുണ്ടാവുന്നത് വരെ അമേരിക്കന് സൈന്യം അഫ്ഗാനില് തുടരാനാണ് ട്രംപിന്റെ തീരുമാനം.
യുഎസ് ആര്മി ജനറല് ജോണ് നിക്കോള്സന്റെ ആവശ്യപ്രകാരമാണ് അഫ്ഗാനിലേക്ക് കൂടുതല് സൈന്യത്തെ അയക്കാന് ട്രംപ് തീരുമാനിച്ചത്. ആകെ 16,000 സൈനികര് വേണമെന്നായിരുന്നു അദ്ദേഹത്തിന്റെ ആവശ്യം. 14,000 അമേരിക്കന് സൈനികര്ക്കു പുറമെ, നാറ്റോ സഖ്യത്തിലെ മറ്റ് രാജ്യങ്ങളും കൂടുതല് സൈനികരെ അയക്കാമെന്ന് വാഗ്ദാനം ചെയ്തിട്ടുണ്ട്. ജോര്ജ് ഡബ്ല്യു ബുഷിന്റെ കാലത്ത് സപ്തംബര് 11 ആക്രണത്തിന്റെ പശ്ചാത്തലത്തില് ആരംഭിച്ച ഭീകരവിരുദ്ധ യുദ്ധത്തിന്റെ ഭാഗമായാണ് അഫ്ഗാനില് അമേരിക്ക സൈനികമായി ഇടപെടുന്നത്. 2001 ക്ടോബര് ഏഴിനായിരുന്നു അത്. താലിബാനെ ഭരണത്തില് നിന്ന് ഇറക്കാനായെങ്കിലും 16 കൊല്ലത്തിനു ശേഷവും അവരുടെ ശക്തി ക്ഷയിപ്പിക്കാന് അമേരിക്കയ്ക്ക് സാധിച്ചിട്ടില്ല. രാജ്യത്തിന്റെ തെക്കന് ഭാഗങ്ങളില് പ്രത്യേകിച്ച് ശക്തമായ സാന്നിധ്യമാണ് താലിബാന് ഇപ്പോഴും.
-
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം
Click it and Unblock the Notifications
Sign in with Google