വീടുതാമസത്തിനിടെ ബാല്‍ക്കണി തകര്‍ന്ന് വീണ് 4 പേര്‍ മരിച്ചു, 14 പേര്‍ക്ക് പരിക്ക്

അങ്കേര്‍സ്: വീടുതാമസ ചടങ്ങിനിടെ ബാല്‍ക്കണി തകര്‍ന്ന് വീണ് 4 പേര്‍ മരിച്ചു, 14 പേര്‍ക്ക് പരിക്ക് പറ്റി. അങ്കേര്‍സിലെ വെസ്റ്റേണ്‍ ഫ്രഞ്ച് സിറ്റിയിലാണ് സംഭവം നടന്നത്.

മൂന്നാം നിലയില്‍ ബാല്‍ക്കണിയാണ് തകര്‍ന്ന് വീണത്. ശനിയാഴ്ച രാത്രിയാണ് സംഭവം നടന്നത്. അടുത്തിടെ പണിതെ കെട്ടിടമായിരുന്നു ഇത്. വീടിന്റെ താമസ ചടങ്ങിനായി നാല്‍പതോളം പേര്‍ എത്തിയിരുന്നു. ബാല്‍ക്കണയില്‍ വച്ചായിരുന്നു പരിപാടി സംഘടിപ്പിച്ചത്.

മൂന്ന് പുരുഷന്മാരും ഒരു സ്ത്രീയുമാണ് അപകടത്തില്‍ മരിച്ചത്. പരിക്ക് പറ്റിയവരില്‍ ഒരാളുടെ നില അതീവ ഗുരുതരമാണ്. കെട്ടിടത്തിന്റെ നിര്‍മ്മാണത്തില്‍ വന്ന അപാകതയാണോ അപകടത്തിന് കാരണമെന്ന് അന്വേഷണം നടക്കുന്നുണ്ട്.

English summary

A third-floor balcony collapsed during a party in the western French city of Angers, killing four people and injuring 14 others, authorities said.