ചിക്കാഗോയിൽ വെടിവെയ്പ്പ്; 4 പേർ കൊല്ലപ്പെട്ടു, 4 4 പേർക്ക് ഗുരുതര പരിക്ക്

ചിക്കാഗോ; ചിക്കാഗോയിൽ വെടിവെയ്പ്പിൽ നാല് പേർ കൊല്ലപ്പെട്ടു. നാല് പേർക്ക് പരിക്കേറ്റിട്ടുണ്ട്. ചിക്കാഗോയുടെ തെക്ക് പ്രദേശത്തുള്ള വീട്ടിലാണ് വെടിവെയ്പ്പ് നടന്നത്. മരിച്ചവരെ സംബന്ധിച്ചുള്ള വിവരങ്ങൾ പോലീസ് പുറത്തുവിട്ടിട്ടില്ല. സംഭവത്തിൽ ആരേയും ഇതുവരെ അറസ്റ്റ് ചെയ്തിട്ടില്ല.

ചൊവ്വാഴ്ച പുലർച്ചെ 5.42 ഓടെയാണ് എംഗൽ‌വുഡ് പരിസരത്തുള്ള വീട്ടിൽ വെടിവെയ്പ്പുണ്ടായത്. വാക്ക് തർക്കമാണ് വെടിവെയ്പ്പിൽ കലാശിച്ചതെന്നാണ് വിവരം. വെടിവെയ്പ്പിൽ 25 കാരനായ ഒരാൾക്കും മറ്റൊരു യുവാവിനും തലയുടെ പിന്നിലാണ് വെടിയേറ്റത്. ഇവരെ ആശുപത്രിയിൽ പ്രവേശിപ്പിച്ചു.

വെടിവെയ്പ്പിൽ ഒരു സ്ത്രീക്കും പരിക്കേറ്റിട്ടുണ്ട്. ഇവരുടെ ആരോഗ്യനില ഗുരുതരമായി തുടരുകയാണെന്ന് പോലീസ് അറിയിച്ചു. മറ്റൊരു 23 കാരനും വെടിയേറ്റിട്ടുണ്ട്. ഇയാളേയും ആശുപത്രിയിൽ പ്രവേശിപ്പിച്ചിരിക്കുകയാണ്.

English summary

4 died in Shooting in Chicago;4 seriously injured