യുവാവിന്റെ കാല്‍പാദത്തിന്റെ വലിപ്പം 32, എന്തൊരു കാലാാാ..

By Sruthi K M

Updated: Saturday, October 17, 2015, 13:01 [IST]

കാല്‍പാദത്തിന്റെ വലിപ്പം 32, ഷൂവിന്റെ വലിപ്പം 30.. കേട്ടിട്ട് ഇതെന്തൊരു കാലാണെന്നു തോന്നിപ്പോകും അല്ലേ.. ഇത്രയും വലിപ്പമുള്ള കാല്‍പാദം ഒരു മനുഷ്യനുണ്ടാകുമോ.. ഇരുപത് വയസ് പ്രായമുള്ള വെനസ്വെലേന്‍ സ്വദേശിയാണ് ലോകത്തിലെ ഏറ്റവും വലിയ കാല്‍പാദമുള്ള മനുഷ്യനായി ഗിന്നസ് ബുക്കില്‍ ഇടം പിടിച്ചത്.

ഏഴ് അടി ഉയരവും മൂന്ന് ഇഞ്ച് വലിപ്പവുമുള്ള കായികതാരം ജെയ്‌സണ്‍ ഓര്‍ലാന്റോ റോഡ്രിഗസ് ഹെര്‍ണാണ്ടസാണ് ഗിന്നസ് ബുക്കില്‍ സ്ഥാനം ഉറപ്പിച്ചത്. ഇയാള്‍ ധരിക്കുന്ന ഷൂവിന്റെ വലിപ്പം മുപ്പതാണ്. ലോകത്തിലെ ഏറ്റവും വലിയ കാല്‍പാദമുള്ള ജെയ്‌സണ്‍ ഓര്‍ലാന്റോവിന് ധരിക്കാനുള്ള ഷൂസ് പ്രത്യേകം നിര്‍മ്മിച്ച് വരുത്തുകയാണെന്നാണ് പറയുന്നത്.

ഒന്‍പതാം വയസിലാണ് സുഹൃത്തുക്കളേക്കാള്‍ വലിപ്പമുള്ള കാല്‍പാദമാണ് തനിക്കെന്ന് റോഡ്രിഗസ് മനസിലാക്കുന്നത്. പതിനൊന്ന് വര്‍ഷം കൊണ്ടാണ് ഇയാളുടെ കാല്‍പാദം വളര്‍ന്ന് 32 ഇഞ്ച്‌ വലിപ്പമായത്. ചെറിയ പ്രായത്തില്‍ ഇയാളുടെ കാല്‍പാദത്തിന്റെ വലിപ്പം 5.5 ഇഞ്ചായിരുന്നു. ഒരു ബാസ്‌കറ്റ് ബോള്‍ താരമാണ് റോഡ്രിഗസ്. തന്റെ കാല്‍പാദത്തിന്റെ വലിപ്പം കളിയില്‍ ഒരനുഗ്രഹമാണെന്നാണ് ഇയാള്‍ പറയുന്നത്.

പ്രായം കുറഞ്ഞ റോഡ്രിഗസിന് നാല് മക്കളുണ്ട്. കാല്‍പാദത്തിനു പറ്റിയ ഷൂ കിട്ടാതെയായപ്പോള്‍ ഇയാള്‍ തന്നെ തുണികള്‍ കൊണ്ട് ഷൂ നിര്‍മ്മിക്കും. ചെരുപ്പ് ധരിക്കാതെയും നടന്നിട്ടുണ്ടെന്ന് റോഡ്രിഗസ് പറയുന്നു.