130 ഭാര്യമാരെയും 203 കുട്ടികളെയും 'തനിച്ചാക്കി' 93കാരന്‍ യാത്രയായി; ഭാര്യമാരില്‍ ഗര്‍ഭിണികള്‍!!

203 മക്കളുണ്ട്. ചില ഭാര്യമാര്‍ നിലവില്‍ ഗര്‍ഭിണികളാണെന്ന് ഇന്റിപെന്റന്റ് റിപോര്‍ട്ട് ചെയ്യുന്നു.

അബൂജ: 130 ഭാര്യമാരുള്ള 93 കാരനായ നൈജീരിയന്‍ പണ്ഡിതന്‍ മുഹമ്മദ് ബെല്ലോ അബൂബക്കര്‍ അന്തരിച്ചു. 203 മക്കളുണ്ട്. ചില ഭാര്യമാര്‍ നിലവില്‍ ഗര്‍ഭിണികളാണെന്ന് ഇന്റിപെന്റന്റ് റിപോര്‍ട്ട് ചെയ്യുന്നു. എന്നാല്‍ മരണ കാരണം എന്താണെന്ന് വാര്‍ത്തയിലില്ല.

നൈജീരിയയിലെ ബിദാ സംസ്ഥാനത്തെ അറിയപ്പെട്ട വ്യക്തിയാണ് ഇദ്ദേഹം. 130 സ്ത്രീകളെ ഇയാള്‍ വിവാഹം കഴിച്ചിട്ടുണ്ട്. പത്ത് പേരുമായി പിരിഞ്ഞു. 97 ഭാര്യമാര്‍ ഇപ്പോഴുണ്ടെന്ന് റിപോര്‍ട്ടില്‍ പറയുന്നു.

വിവാഹം കഴിക്കുന്നതിന് പരിധിയില്ലെന്നാണ് ബെല്ലോ പറയാറുള്ളതത്രെ. 2008ല്‍ ബെല്ലോ അന്താരാഷ്ട്ര മാധ്യമങ്ങളില്‍ വാര്‍ത്തയായിരുന്നു. അന്ന് 86 വിവാഹം ചെയ്തതായിരുന്നു വാര്‍ത്ത. ദൈവം തന്നോട് ചെയ്യാന്‍ പറയുന്നത് ഞാന്‍ ചെയ്യുന്നുവെന്നാണ് അന്ന് ബെല്ലോ മാധ്യമങ്ങളോട് പറഞ്ഞത്.

മാധ്യമങ്ങളോട് ഇത്തരം കാര്യങ്ങള്‍ പറഞ്ഞതിന് ബിദാ ഭരണാധികാരിയുടെ നിര്‍ദേശ പ്രകാരം പ്രാദേശിക ശരീഅ കോടതി ബെല്ലോയെ അറസ്റ്റ് ചെയ്തിരുന്നു. 86ല്‍ 82 ഭാര്യമാരെയും വിവാഹ മോചനം നടത്താമെന്ന വ്യവസ്ഥയില്‍ ഇദ്ദേഹത്തെ കോടതി വെറുതെവിട്ടു. എന്നാല്‍ പിന്നീട് കോടതി ഉത്തരവ് ലംഘിച്ച് ഇയാള്‍ വിവാഹം 130 ലെത്തിക്കുകയായിരുന്നു.

English summary

A 93-year-old Nigerian Muslim cleric who married 130 women died from unknown illness, leaving behind 203 children. Reports also said that some of his wives are still pregnant. According to a report in the Independent, Mohammed Bello Abubakar, an Islamic cleric in Nigeria’s Bida state, married around 130 women and later divorced 10 of them, bringing his count to 97.