ലോകത്തിന്റെ ഏതുകോണില്‍ നിന്നും നേരിട്ട് ചുംബിക്കും പോലെ ചുംബിക്കാം; ഉപകരണമെത്തി, വില ഇങ്ങനെ

'എന്റെ യൂണിവേഴ്സിറ്റിയിൽ, ഞാൻ എന്റെ കാമുകിയുമായി ദീർഘദൂര ബന്ധത്തിലായിരുന്നു, അതിനാൽ ഞങ്ങൾ പരസ്പരം ഫോണിലൂടെ മാത്രമേ ബന്ധപ്പെട്ടിരുന്നുള്ളൂ'

Updated: Monday, February 27, 2023, 13:10 [IST]

വൈകാരികമായുള്ള അടുപ്പം പങ്കുവെയ്ക്കാന്‍ ഏറ്റവും കൂടുതല്‍ സാധിക്കുന്നത് ചിലപ്പോള്‍ ഒരു കെട്ടിപ്പിടിത്തത്തിലൂടെ ആയിരിക്കാം..അല്ലെങ്കില്‍ ചുംബനത്തിലൂടെയായിരിക്കാം. ഒറ്റപ്പെട്ടിരിക്കുന്ന സമയത്ത് നമ്മള്‍ നമ്മുടെ പ്രിയപ്പെട്ട ആള്‍ ഒന്ന് കെട്ടിപ്പിടിച്ചാല്‍ ചുംബിച്ചാല്‍ തന്നെ ആശ്വാസമാകും.

എന്നാല്‍ നമ്മുടെ പങ്കാളി ദൂരത്താണെങ്കില്‍ എങ്ങനെ സാധിക്കും.. വാക്കാല്‍ ചുംബിക്കുന്നതിന് പകരം എങ്ങനെയാണ് അത് അനുഭവിച്ചുകൊണ്ട് ചുംബനം നല്‍കുക. എന്നാല്‍ അതിനുള്ള പരിഹാരം കണ്ടെത്തിയിരിക്കുകയാണ് ചുബനം അനുഭവിച്ച് നേരില്‍ ചുംബിക്കുന്നത് പോലെ വളരെ ദൂരത്തുള്ള ആളെ ചുംബിക്കാം...

റിമോട്ട് കിസ് ...

റിമോട്ട് കിസ് എന്ന് വിളിക്കപ്പെടുന്ന ഉപകരണം - ചലിക്കുന്ന സിലിക്കൺ 'ചുണ്ടുകൾ' ഫീച്ചർ ചെയ്യുന്നു, കൂടാതെ ഉപയോക്താക്കളെ അവരുടെ ചുംബനങ്ങൾ 'അപ്‌ലോഡ്' ചെയ്യാനും മറ്റുള്ളവരിൽ നിന്ന് ഒരു ആപ്പ് വഴി ചുംബനങ്ങൾ 'സ്വീകരിക്കാനും' അനുവദിക്കുന്നു.സിലിക്കൺ ചുണ്ടുകളോടു കൂടിയാണ് ചുംബന ഉപകരണം നിർമിച്ചിരിക്കുന്നത്.

നേരിട്ട് ചുംബനം നൽകുന്നത് പോലെ ...

പ്രഷർ സെൻസറുകളും ആക്യുവേറ്ററുകളും കൊണ്ട് സജ്ജീകരിച്ചത് കൊണ്ട് ഇത് ഉപയോഗിക്കുന്നവരുടെ ചുണ്ടുകളുടെ മർദ്ദം, ചലനം, താപനില എന്നിവ അനുഭവിക്കുന്നിലൂടെ യഥാർഥ ചുംബനത്തിന്റെ പ്രതീതി നൽകാൻ കഴിയുമെന്ന് അവകാശപ്പെടുന്നത്. പുറമെ, ഉപയോഗിക്കന്നവരുടെ ശബ്ദവും പരസ്പരം കൈമാറാൻ കഴിയും.

ഇത് എങ്ങനെ ഉപയോഗിക്കാം...

ഇത് ഉപയോഗിക്കുന്ന വ്യക്തി മൊബൈൽ ആപ്പ് ഡൗൺലോഡ് ചെയ്‌ത് ഫോണിന്റെ ചാർജിംഗ് പോർട്ടിലേക്ക് ഉപകരണം പ്ലഗ് ചെയ്യണം. നിങ്ങൾ ചുംബനം നൽകാൻ പോകുന്ന ആളുടെ ആപ്പുമായി പെയർ ചെയ്ത ശേഷം വീഡിയോ കോൾ ചെയ്ത് ചുംബനം കൈമാറാം.ചൈനീസ് ഇ-കൊമേഴ്‌സ് പ്ലാറ്റ്‌ഫോമായ ടൊബാക്കോയിൽ 260 യുവാന് (3,000 രൂപ) ആപ്പ് പ്രവർത്തിക്കുന്ന ഉപകരണം ലഭ്യമാണെന്ന് റിപ്പോർട്ട് കൂട്ടിച്ചേർക്കുന്നു. പ്രതിമാസം 100-ലധികം നിരക്കിൽ ഉപകരണം വിൽക്കുന്നതായി റിപ്പോർട്ടുകൾ അവകാശപ്പെടുന്നു

എങ്ങനെയാണ് ഈ ഉപകരണം കണ്ടെത്തിയത്...

ചാങ്‌സോ വൊക്കേഷണൽ ഇൻസ്റ്റിറ്റ്യൂട്ട് ഓഫ് മെക്കാട്രോണിക് ടെക്‌നോളജിയാണ് ഈ കണ്ടുപിടുത്തത്തിന് പേറ്റന്റ് നേടിയതെന്ന് ഗ്ലോബൽ ടൈംസ് റിപ്പോർട്ട് ചെയ്തു. സർവ്വകലാശാലാ കാലത്ത് കാമുകിയുമായുള്ള ദീർഘദൂര ബന്ധമാണ് റിമോട്ട് കിസിന്റെ കണ്ടുപിടുത്തത്തിലേക്ക് നയിച്ചതെന്ന് ഡിസൈനിന്റെ മുൻനിര കണ്ടുപിടുത്തക്കാരനായ ജിയാങ് സോംഗ്ലി പറഞ്ഞു.

കാമുകിക്ക്..

"എന്റെ യൂണിവേഴ്സിറ്റിയിൽ, ഞാൻ എന്റെ കാമുകിയുമായി ദീർഘദൂര ബന്ധത്തിലായിരുന്നു, അതിനാൽ ഞങ്ങൾ പരസ്പരം ഫോണിലൂടെ മാത്രമേ ബന്ധപ്പെട്ടിരുന്നുള്ളൂ. അവിടെ നിന്നാണ് ഈ ഉപകരണത്തിന്റെ പ്രചോദനം ഉടലെടുത്തത്," സോംഗ്ലി വിശദീകരിച്ചു

2023 ജനുവരിയിൽ പേറ്റന്റ് ലഭിച്ചു

2019-ൽ പേറ്റന്റിന് അപേക്ഷിച്ചിരുന്നുവെങ്കിലും 2023 ജനുവരിയിലാണ് പേറ്റന്റ് ലഭിച്ചത്. ചൈനീസ് സോഷ്യൽ മീഡിയയായ വെയ്‌ബോയിൽ ഉപകരണത്തിന് വലിയ സ്വീകാര്യതയാണ് ലഭിച്ചത്. നിരവധിപേരാണ് പ്രതികരണവുമായി എത്തുന്നത്. 2016-ൽ വൈറലായ 'കിസിംഗർ' എന്നറിയപ്പെടുന്ന ഒരു ഗാഡ്‌ജെറ്റിനെക്കുറിച്ച് ഉപകരണം പോലെ ആണ് ഇതെന്നാണ് ചിലർ പറഞ്ഞത്.